1 KƆ̀RƐ̀ŊTYƐŊ 3:3 - Bafia Nouveau Testament

³ Yɛ̀ɛ ɓì kaka lɛ rì yàaka, rì ɓɛ̀paàzì ɓi nyìinyìm wìn, fɔlɔɔ a yin nya ɓiì rèresii lɛ ɓì rì ɓumɓɛ ɓi mɛ̀mùù, rì tì lɛ, ɓi ghɛghɛɓ lɔŋ yɛ̀ɛ ɓum ɓɛ̀cèm?

1 KƆ̀RƐ̀ŊTYƐŊ 3:3 Iomraidhean Croise

RÒMƐŊ 13:13

Tì ghɛ̀ɛ̀sɛɛ kì ghɛɓì cɛɓ ki ki ri lɛ tɛntɛ̀ɛ̀n ki ki ghɛɛ̀sɛɛ rì kìtɛɛtɛn ki ŋwos, tì womzɛ̀n ɗì dili, rì kìɓan ki riceesì ɗi rinɔ ɗi mɛrɔ̀g ɗì tìsɔ̀mɔ̀g, rì cɛɓ ki sààsaa, rì ɓɛ̀paàzì, rì yàaka.

1 KƆ̀RƐ̀ŊTYƐŊ 1:10

Ɓɔɔsoŋ̀, ǹtɔɔgh mìni ɓi ɗii ɗi Kan wìs Yeesus Kiris lɛ, wooghrɛɛna jɛ̀ɛ̀, yɛ̀ɛ gasɛ̀n yɛ̀ kɛɛ̀ ɓa ɓi nyìinyìm wìn, kìɓan kifog, ɓaana ɓɛ̀ràrɛn kɔɔ̀kɔɔ̀ à rìràrɛ̀n, ɓì ɓa nɗem wufog rì fèg bogtɛ̀n.

1 KƆ̀RƐ̀ŊTYƐŊ 1:11

Ɓɔɔsoŋ̀, ɓisuulɛ ɓum ɓɛdɛŋ ɓɛ ɓi naa ì Kilowee ɓɛ nkpaa mɛ̀ lɛ, ɓì rì rì ɓɛ̀paàzì ɓi nyìinyìm wìn.

1 KƆ̀RƐ̀ŊTYƐŊ 11:18

Kìɓan ki asu ki ri lɛ, nwoki lɛ ɓì ti lɛ, i ɓì taŋzɛɛ rìghàdà, ǹlànag wu ɓa ɓi nyìinyìm wìn, mɛ̀ nki gherɛɛ kìɓan kiǹ gàɓ.

1 KƆ̀RƐ̀ŊTYƐŊ 3:4

I kìbog ki ɓi mìni ki kpaa lɛ: Mɛ̀ ǹɗì ŋwaà Pol, roàmbog lɛ: Mɛ̀ ǹɗì ŋwaà Apolos, rìkì ɗin ɗi ri rìkì ɗi ɓum ɓɛ̀cèm ɓɛ ri lɛ ɓɛ kì!

2 KƆ̀RƐ̀ŊTYƐŊ 12:20

Ɓisuulɛ ǹɗì rì mɛ̀riighrikì lɛ yɛ̀ɛ nkpaŋkpaŋ foo, kɛ̀ɛ mɓa lɛ, ǹtanɛ̀n mìni di ɓì yin ɓi nɗɛli wu nkɔ̀nkɔn lɛ ɓi ɓa miì. Nsoò lɛ mìni girig ɓì ghɛn mɛ̀ ɓi rìɓa ɗi ɗyɛ̀ kɛɛ̀ rɔɔ mini; fɔɔnnɛ nɗirisi lɛ: kɛ̀ ɓi ɓa ɓi ɓɛ̀paàzì, rì yɔ̀ɔ̀tì, rì kìnyɛn, rì tìkaŋ ti mɛkɔ̀ɔ̀, rì mɛ̀wɔ̀wɔrì, rì ɓɛ̀ɓɔlɛ, rì kalɛn, rì kìɓùùsì.

GÀLAT 5:15

Nni wɔ̀lɛ, i ɓì ɓaa lɛ ɓì loòlòmɓɛ̀n ɓì ki ɗiiɗilɛ̀n mìni rì mìni, ɓì konàg lɛ kɛ̀ ɓi lègsi ki weesɛɛ, mìni rì mìni.

Kaàtà ànɛ Pol à kàngà TIT 3:3

Ɓisuulɛ ɓìsi girig tì ɓaghà abɛ̀y kɛ̀ɛ̀ ɗyomzɛ̀n, ɓìsi rì ntoòtèɗ, ɓìsi ɓi rìɗim; tì ɓaghà ɓɛ̀kpàn ɓɛ ɓiɓan mɛkuu mɛ̀kuu, ɓi mɛ̀rem mɛɛ̀ kɔ̀ngì rì ɓi ɓyɛɛ̀ yɛ̀ɛ̀yi mɛmùù, tì ghɛghɛ̀ɓ ɓi rìgɛn rì ɓi m̀mììghrɛ̀n, tì ɓeɓèɓ ɓum, tì ki ɓèeɓeèzɛ̀n ɓìsi rì ɓìsi.

ZYAG 3:16

Ɓisuulɛ jàŋ bimiɗ ìnɛ m̀mììghrɛ̀n rì nɗem wu yàaka ɓi ri, kìɓùùsì rì ɓìɓeɓtàg ɓi ɓiɓan mɛkuu mɛ̀cèm ɓi ti ɓi ghɛnàg wɔɔ.

1 PYƐƐRI 4:2

lɛ di fɔɔnnɛ a ghɛɓ yɛ̀ɛ rìkɔ̀n ɗi Bɛ̀ll ɗi ri, ɓi gàɓ ì mɛ̀ru ìnɛ à ghɛ̀ɛ̀sɛɛ tì kìghagsii ɓi ziinɛ, kɛ̀ɛ ghɛɓ ti cɛɓ ki ǹɗem wii wɛɛ̀ kɔ̀nkɔn lɛ a ghɛɓ.