1 KƆ̀RƐ̀ŊTYƐŊ 14:3 - Bafia Nouveau Testament

³ Kɔm̀ lɛ ŋwaànɛ a kpaakpaŋzì ɓìɓan ɓi Bɛ̀ll a tòtog ri ɓum, à fafà ɓɔ ìtèɗ ɓi rìgherɛ̀n, à feèghfègsì ɓɔ, à ki fɔɔfɔɔ̀sì ɓɔ mɛ̀rem.

1 KƆ̀RƐ̀ŊTYƐŊ 14:3 Iomraidhean Croise

1 KƆ̀RƐ̀ŊTYƐŊ 14:12

Fɔlɔɔ nnɛ yɛ̀ɛ ɓi kaakaa mɛfaà mɛ Nghay, ɓì ghɛ̀ɛ̀sɛɛ kì kaà lɛ di ɓyàa ɓaa rì mɔ lɛɛ̀gwey wɔ̀lɛ kɛɛ ɓa fɔlɔɔ ɓisuulɛ kìseŋi ki Kiris kɛɛ ɓa rì ìtèɗ.

TIMOTE 4:13

À kpaŋ yɛ̀ɛ ǹɗì ɓiì yùu, sììrɛn ɓi rìɓàɓày ɗi ɓiɓan ɓi Bɛ̀ll rì rìrerèɓ ɗi ɓum, ɗì rìrèèrèsàg ɗi ɓɔ.

ZYUUDƐ 1:20

Wɔ̀lɛ mìni ɓum ɓɛm ɓɛ nɗem, faafàlɛɛna mìniìɓɔmiɗ itèɗ ɓi rìgherɛ̀n ɗin ɗi ɗi ri ɗìtɛnɛn lɛ kɔɔ̀kɔɔ̀, ɓì ɓɔ̀ɔ̀ɓɔ̀ŋzì rì ìtèɗ wu Kitɛntɛ̀ɛ̀n ki Nghay.

Kaàtà ànɛ Pol à kàngà TIT 1:9

à sììrɛ̀n lɛ tiŋtiŋ ɓi kɔɔ̀kɔɔ̀ à jɛ̀ɛ̀ lɔŋ yɛ̀ɛ ɓɛ resìghà nyi yɔ̀, fɔlɔɔ nnɛ à rì ɓiì ɓaà rì ìtèɗ wulɛ a rereɓ ɓum yɛ̀ɛ syeesyee à dɔgtɛ̀n a rèrèsì, à ki kì lɛ ɓumɓɛ ɓɛɛ̀ ɗùùɗuu ri syeesyee à dɔgtɛ̀n ɓɛɛ yi lɛ ɓɔ yɛɛ ri ɓi zɛ̀ɗ.

EFÈZYƐŊ 6:22

Mɛ̀ yɛɛ ɓekii lɛ nɗom yì nyi a lɔ̀ŋkin lɛ ɓi yi ǹɗɛli wis wu tì rì miì ɓigomìnɛ, à ki fɔɔsi mini mɛ̀rem.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

Kaàtà ànɛ Pol à kàngà TIT 2:6

Rereɓ girig ɓɛ̀dɛlì lɛ ɓɛɛ ɓa rì ɗyomzɛ̀n ɓi ɓìɓan ɓìcèm.

1 KƆ̀RƐ̀ŊTYƐŊ 14:31

Ɓisuulɛ ɓì rì lɛ ɓì ɓɔ̀ɔ̀ɓɔ̀ɓsɛ̀n ɓi rìkpaàkpàŋzì ɗi ɓiɓan ɓi Bɛ̀ll ɓi lèg ànɛ lɛ ɓum ɓɛ̀cèm ɓɛɛ womzɛn lɛ rìrèsàg ɗiǹ, fɔlɔɔ nnɛ ɓum ɓɛ̀cèm ɓɛ teɗ cilag rì deɓ yi yɛɛ̀ fafa itèɗ.

1 KƆ̀RƐ̀ŊTYƐŊ 14:26

Ɓɔɔsoŋ̀ nni cɛ ɓì ghɛ̀ɛ̀sɛɛ min lɛ ɓì kìlàg? Ki ghɛɛ̀sɛɛ lɛ, cààmɛ̀n ki ɓì taŋzɛɛ, wàànɛ ù rì rì fyem, nsoò lɛ com ki rèsiyɛn, nsoò kìɓan ki Nghay à rèsii wɔ̀, nsoò lɛ u toòghrɛn kìkènekènè ki kitòkì, nsoò lɛ rìtɛɛ̀zì ɗi ɓiɓan ɓi ɓi kparɛɛ ɓi kìkènekènè ki kitòkì kiǹ, ɓìɓan ɓiǹ ɓìcèm ɓi ghɛɛ̀sɛɛ kìfaà ɓɛ̀gherɛ̀n ɓɛ̀cèm ìtèɗ ɓi nghay.

RÒMƐŊ 14:19

Fɔlɔɔ nnɛ tì ghɛ̀ɛ̀sɛɛ min kikaà lɛ ti ki ɓìɓan ɓi ɓyɛɛ̀ kìki lɛ fyòoog a ɓa, ɓi ki fa ti ɓisi ɓɛ̀sɛ̀ɛ̀ ɓɛ̀cèm ìtèɗ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 13:15

Yɛ̀ɛ ɓɛ lègsìghà ki ɓàli kaàtà à Bɛ̀ll, ɓi kaàtà à ɓìdɔ̀gsɛna ɓi Moyis rì ɓi à ɓɛ̀kpaŋzì-ɓìɓan, nni ɓɛ̀làmì naà-bɔ̀ŋzɛ̀n ɓɛ romgà mum lɛ a kali ɓɛ̀-Pol lɛ: Bɔɔsoŋ! ì ɓì rì rì deɓ yidɛŋ yi ɓì rì lɛ ɓì fa ɓum, tòòghrɛɛna ɓigominɛ.

Kaàtà ànɛ Pol à kàngà TIT 2:9

Ù kpaa ɓɛ̀kpàn lɛ ɓɛɛ wog ɓɛ̀masà ɓaa ɓi ɓìɓan ɓìcèm, ɓɛ puùpùɓsi ɓɔ mɛ̀rem, ɓɛ̀ kɛɛ̀ tùùzi kiɓan ki ɓɛ̀masà ɓaa ɓɛ kpaa,

TÈSÀLÒNÌSYƐŊ 2:3

Ɓìɓan ɓi Bɛ̀ll ɓi tì kakàlìghà ɓum ɓi rooghày ɓi ǹɗuŋ ɓi rìnàn ǹsoò lɛ ɓi ɓìɓan ɓi tifin, fɔɔnnɛ ɓi ki yin ɗi ǹ-yègsɛ̀n.

1 KƆ̀RƐ̀ŊTYƐŊ 10:23

Tì rì rì ìtèɗ wulɛ tì kì ɓìɓan ɓìcèm ɓi tì kɔ̀ni, nni àa ɓìɓan ɓìcèm ɓyɛɛ ri rì gɛɓsɛ̀n. Tì rì rì ìtèɗ wulɛ tì ki com kìcèm wɔ̀lɛ àa kìcèm kɛɛ kìki lɛ ŋwaa siìrɛn ɓi rìgherɛ̀n.

1 PYƐƐRI 5:12

Ǹkàniì mìni ɓɔɔ jɛ̀ɛ̀ ɓɛ rì Silvɛŋ ànɛ à rì geni wìs a ǹtyweeyi lɛ nfa mìni deɓ, ǹki tɛɛ̀zi mini kì rèsii lɛ fɔlɔɔ nnɛ kɔɔ̀kɔɔ̀ à geesɛ̀n ì Bɛ̀ll, ànɛ ɓì rì miì ɓɛ̀sììrɛn lɛ tiŋtiŋ, à rì.

EBIREEGH 13:22

Ɓɔɔsoŋ̀, ǹtɔɔgh mìni lɛ ɓi niɗ mɛ̀rem, ɓì teɗ ɓìɓan ɓi ɓyɛɛ fa mìni ìtèɗ ɓi mɛ̀rem ɓisuulɛ kaàtà ànɛ ǹkàniì mìni à ràɓi ɓi.

EBIREEGH 10:25

Tyɛ̀ ki lèg rikɛ̀ngì ɗi a mɛ̀taŋzɛn mis yɛ̀ɛ ɓum ɓɛdɛŋ ɓɛ ti ɓɛ kilàg, ti faàfàlɛ̀n lɔŋ ɓìsiìɓɔmiɗ itèɗ, à ɓiisɛ̀n yɛ̀ɛ ɓi seesee lɛ ŋwos a Kan a kɛ̀ɛ̀kɛɛ yi.

Kaàtà ànɛ Pol à kàngà TIT 2:15

Ɓìɓan ɓi ù ghɛ̀ɛ̀sɛɛ kì kakalii ɓum ɓyɛɛ̀ ɓìn lɔɔ, ù tèètèèsì ɓɔ nyoo, ù ki fwààdag ɓɔ ɗì ìtèɗ wu rilàmì wùcèm wu ù rì rì wɔ. Kɔ̀ɔ gherɛn lɛ mum a sɛɛ̀ti wɔ̀.

TIMOTE 6:2

Fɔɔnnɛ ɓɛ̀kpàn ɓɛ ɓɛ̀masà ɓaa ɓɛ ri ɓɛ̀gherɛ̀n, ɓɛ ghɛɛ̀sɛɛ ɓi ki sɛɛtii ɓɛ̀masà ɓaa rì ǹkpaà lɛ ɓɛ ri ɓɛ̀geni ɓaa ɓɛ righerɛ̀n; kìɓan kifog ɓɛ ghɛɛ̀sɛɛ ɓɔ kì kìkii ɓisay à cee fɔlɔɔ ɓisuulɛ ɓɛ ri ɓɛ̀gherɛ̀n, rì tì lɛ ɓɛ̀geni ɓaa ɓɛ nɗem ɓɛɛ̀ɓɛ ɓɛɛ̀ kìki kisay fɔlɔɔ lɛ syeesyee.

TIMOTE 1:4

ɓɛ̀ kɛɛ̀ ki mɛ̀ɛ̀tɛn ɓi mɛ̀kànkàn rì rìɓààɓààsì ɗi boo ɗi kɛ̀ɛ̀ sugtag, ɓìɓan ɓiǹ ɓyɛɛ̀ titini ɓum lɛ ɓɛɛ nyoonyòlɛ̀n, ɓyɛ̀ kɛɛ̀ ki ghɛɓsi lɛ fèg à Bɛ̀ll ànɛ lɛ a ghɛɓsi ɓum lɛ rìgherɛ̀n a kɛn asu.

2 TÈSÀLÒNÌSYƐŊ 3:12

Tì tɔɔgh ɓumɓɛ̀n, tì ki reɓ ɓɔ ɓi ɗii ɗi Kan Yeesus lɛ, ɓɛɛ say ɓi fyòoog , ɓɛ ɗi ɓìɗilàg ɓi ɓɔmiɗ ɓɔ yɛɛ reni kìɗìg miì.

TÈSÀLÒNÌSYƐŊ 4:18

Ɓì ghɛ̀ɛ̀sɛɛ lɛ ɓì fɔɔ̀fɔ̀ɔ̀sɛ̀n mìniìɓɔmiɗ mɛrem rì ɓìɓan ɓiǹ.

TÈSÀLÒNÌSYƐŊ 4:1

Ɓɔɔsoŋ̀, ti siìtɛn kìkpaà lɛ ɓì yilàkà rìkuu ɗi cɛɓ ɗi ɓì ghɛ̀ɛ̀sɛɛ kì ghɛɓì lɛ Bɛ̀ll a wog kìrɔɔ rì mìni, a lɔ̀ŋkis nni cɛɓ kìn kɛɛ̀ki ɓi ghɛghɛ̀ɓ; tì ɓɔ̀ŋzaagh mìni, tì ki yɛ̀gsi mini ɓyàg ɓi ɗii ɗi Kan Yeesus lɛ ɓi teèsi tì nyoo rì rìkuu ɗi cɛɓ ɗìn à cee fɔlɔɔ.

TÈSÀLÒNÌSYƐŊ 3:2

Fɔɔnnɛ tìi nɗomiì mìni geni wìs Timote, ànɛ à rì ǹkìì-kìsay a Bɛ̀ll ɓi rìghagsì ɗi Syeesyee à Ɓɔlɛ à Kiris lɛ a fa mìni ìtèɗ, à ki fegsi mìni ɓi rìgherɛ̀n ɗin;

TÈSÀLÒNÌSYƐŊ 2:11

Ɓì yii girig lɛ tì ghɛɓkà rì mum ǹcèm ànɛ ɓi mìni fɛlɛ yɛ̀ɛ seŋi à rì lɛ à ghɛɓ rì ɓɔn ɓii.

KÒLÒSYƐŊ 4:8

Nɗomiì mìni nyi rì azi lɛ, ɓi yi rìɓa ɗis, à ki fɔɔsi mini mɛ̀rem.

EFÈZYƐŊ 4:29

Ŋwɔm win wu ghɛɛ̀sɛɛ ɓi ki kpaà kìɓan ki ɓeɓtɛn, wɔ̀lɛ i ki kpaŋi lɛ ɓi toòghrɛn, jɛ̀ɛ̀ yìn i ghɛ̀ɛ̀sɛɛ kì ɓaa jɛ̀ɛ̀ ìnɛ ì rì lɛ ì fa ìtèɗ ɓi rìgherɛ̀n ì ki ɓa ri ǹghɛɓsɛn ɓisuu ɓɛroɓɛ ɓɛ woogh yɔ̀.

2 KƆ̀RƐ̀ŊTYƐŊ 2:7

Fɔlɔɔ nnɛ ɓì ghɛ̀ɛ̀sɛɛ gì nyi kì cenɛɛ, ɓì cààsì kɔm̀ gì nyi nyoo, lɛ kɛ̀ɛ ɓa lɛ à wog rìkuu ɗi bim ɗi ɗi cee.

2 KƆ̀RƐ̀ŊTYƐŊ 1:4

Nyi yɛɛ ti à fɔɔsàg ɓìsi mɛ̀rem ɓi mɛ̀tɔɓ mis mɛcèm, lɛ di ɓìsi girig, ti ɓa rì ìtèɗ wu fɔɔsiyɛn mɛrem mɛ ɓumɓɛ ɓɛɛ̀ tuutulɛ̀n rì mɛ̀tɔɓ mɛ̀kuu mɛ̀kuu, tì kì kìɓan kiǹ ɗì ǹghɛɓsɛn wu wu ti wu ɓalàg yì ɓìsi yɛ̀ɛ Bɛ̀ll.

1 KƆ̀RƐ̀ŊTYƐŊ 14:17

Ki ri lɔŋ saaɗ lɛ ɓìɓan ɓi u kakali Bɛ̀ll cààmɛ̀n ki u fafa nyi ɓìtògsɛ̀n fɔlɔɔ ɓi rɔɔtɛɛ yɛ̀ɛ mɛ̀nɔ̀ɓɔ̀, kìɓan kifog, ɓi yin ɓiì fafaa goni ìtèɗ ɓi rìgherɛ̀n.

1 KƆ̀RƐ̀ŊTYƐŊ 8:1

Ɓi ɓɛg ànɛ a ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓìsiìcèm tì yii lɛ, tì rì rì ɓìɓan ɓi tì konaagh kì yiì, nni rìyi ɗi ti ɗi falàg mum ǹcàŋà wɔ̀lɛ ǹkɔ̀nɛ̀n à falàg ìtèɗ ɓi rìgherɛ̀n.

RÒMƐŊ 15:2

Mum ǹcèm ànɛ ɓi ɓìsi à ghɛ̀ɛ̀sɛɛ kì puɓsii geni nɗem ɓi kìɓan ki ki rɔɔtɛɛ, lɛ a siìrag nyi ɓi rìgherɛ̀n.

RÒMƐŊ 12:8

Roànɛ Bɛ̀ll à faghà lɛ a teètèèsì ɓɛ̀geni nyoo rì deɓ à ghɛ̀ɛ̀sɛɛ kì sììrɛɛ ɓi rìkìkì ɗi fɔlɔɔ; roànɛ a kàakàɓsì ìkum wii, à ghɛ̀ɛ̀sɛɛ kì kìi kiɓan kiǹ kɛ̀ɛ̀ ǹkàŋɗɛ̀n; roànɛ a kɛ̀ɛkɛɛ̀sì ǹɗaŋ à ghɛ̀ɛ̀sɛɛ wɔ kì kɛ̀ɛ̀sii ri tìkɛɗ; roànɛ a ghɛɛghɛɓsì ɓum ɓɛ nyìighnyìg à ghɛ̀ɛ̀sɛɛ kì kìi kiɓan kiǹ rì kìnyàà.

MƐ̀KÌKÌÌ MƐ ƁƐKƐ̀NÌ-FÌTOM 15:32

Zyuudɛ ɓɛɛ̀ Silas ɓɛ ɓaghà ɓɛ̀kpaŋzì-ɓìɓan, fɔɔnnɛ ɓɛ tokàkà rì ɓɛ̀geni ɓaa ɓɛǹ lɛɛ̀gwey ɓɛ teèsì ɓɔ nyoo, ɓɛ ki sììrag ɓɔ ɓi rìgherɛ̀n.

MƐ̀KÌKÌÌ MƐ ƁƐKƐ̀NÌ-FÌTOM 14:22

Ɓɛ fafàghà ɓɛ̀gherɛ̀n ɓɛ wɔɔ itèɗ ɓi ǹɗem ɓɛ rerèɓ ɓɔ lɛ, ɓɛɛ siìrɛn ɓi rìgherɛ̀n, di ɓɛɛ̀ kpaakpaa lɛ: Ki ghɛɛ̀sɛɛ lɛ, ti ka wog mɛtɔɓ lɛɛ̀gwey ɓi ɗi lɛ ti ɗiŋi ɓi kìlɔ̀ŋ ki Bɛ̀ll.

MƐ̀KÌKÌÌ MƐ ƁƐKƐ̀NÌ-FÌTOM 9:31

Kìseŋi ki ɓaghà lɛ fyòoog, ɓi zi ì Zyude bimiɗ, a Galile rì a Samari; kìseŋi ki tetèkà ìtèɗ, ki kikì Kan mɛ̀wog, ki ki tèeghteghɛ̀n rì ǹghɛɓsɛn wu Kitɛntɛ̀ɛ̀n ki Nghay.

LUKAS 3:18

Zyaŋ à kpaakpaaghà kìlɔ̀ŋ Syeesyee à Ɓɔlɛ, à ki fafa ti ɓɔ deɓ yidɛŋ lɛɛ̀gwey.

EBIREEGH 3:13

Kìɓan kifog, reerèɓɓɛɛna ɓɛ̀ŋwos ɓɛ̀cèm à kpaŋ cààmɛ̀n kìcèm ki ɓɛ ri lɛ ɓɛ kalì lɛ gɛɛ̀nɛ, di fɔɔnnɛ kìbog ki ɓi mìni kɛ̀ kɛɛ̀ càrɛn lɛ nɗem wii wɛɛ teɗ ɓiɗùm di kìɓe kaa yègsi nyi.

MƐ̀KÌKÌÌ MƐ ƁƐKƐ̀NÌ-FÌTOM 4:36

Yoosɛɓ ànɛ à ɓaghà ɓi boo ì ɓum ì Levi ìnɛ ɓi ban ìnɛ lɛ Siipirɛ, nyi nnɛ ɓɛ̀kɛ̀nì-fìtom ɓɛ nkpɔgì lɛ Ɓarinaɓas, yɛɛ lɔɔ lɛ ŋwaà-mɛ̀fegsɛn,