1 KƆ̀RƐ̀ŊTYƐŊ 1:2 - Bafia Nouveau Testament

² Tì kàni kìseŋi ki Bɛ̀ll ki ki ri a Kɔrɛŋt, rì ɓumɓɛ ɓɛ ri ɓɛ̀tɛnɛn ɓi Yeesus Kiris ɓi ɗùm ɓɔ yɛɛ ri ɓɛ̀reŋiyɛn lɛ ɓɛɛ ɓa ɓɛ̀gherɛ̀n, rì ɓum ɓɛ̀cèm ɓɛ ɓɛɛ̀ rereŋi ɗii ɗi Kan wìs Yeesus Kiris ɓaa soo rì fe, lɛ Yeesus à rì Kan wàà, nyi tì Kan wìs.

1 KƆ̀RƐ̀ŊTYƐŊ 1:2 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 10:36

Fɔɔnnɛ Bɛ̀ll à romgày jɛ̀ɛ̀ a ɓɔn ɓɛ Isirayɛl lɛ ɓɛɛ yi lɛ, fyòoog à rì ɓiì ɓaà ɓi nyìinyìm ànɛ lɛ rì nyi rì ɓum, ɓi jɛ̀m ì Yeesus Kiris ànɛ à rì rìfòm ɗi ɓum ɓɛ̀cèm;

MƐ̀KÌKÌÌ MƐ ƁƐKƐ̀NÌ-FÌTOM 15:9

àa ǹɗèsii ɓi ǹɗèè ɓi nyìinyìm ànɛ lɛ rì ɓìsi rì ɓɔ, àa ǹtɛɛ̀zii ɓɔ mɛ̀rem lɛ rìgherɛ̀n ɗi ɓɛ ǹgherɛɛ nyi.

MƐ̀KÌKÌÌ MƐ ƁƐKƐ̀NÌ-FÌTOM 18:1

Ajɛ̀m ìnɛn, Pol à pɛ̀sɛ̀ngà à Atɛn à kɛ̀n a Kɔrɛŋt.

MƐ̀KÌKÌÌ MƐ ƁƐKƐ̀NÌ-FÌTOM 22:16

Nni ɓigomìnɛ, kɔ̀ɔ lɛ̀mziti, pɛ̀sɛn aɗyoo u teɗ bàɓtis ɓi ɗii ɗi Kan, di ɓiɓe ɓyɔɔ ɓyɛɛ ɓa ɓìsòòyɛn.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 9:13

Ananyas à ɓàg lɛ: Kan, m̀mɛ wog di ɓum lɛɛ̀gwey ɓɛɛ sɛsɛg rigɛn ɗi ŋwaànɛ̀n àa nkìi ɓɛ̀gherɛ̀n ɓɛ a Yorisalɛm.

MƐ̀KÌKÌÌ MƐ ƁƐKƐ̀NÌ-FÌTOM 9:14

Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ.

MƐ̀KÌKÌÌ MƐ ƁƐKƐ̀NÌ-FÌTOM 9:21

Ɓum ɓɛ̀cèm ɓɛ ɓɛ wowòkà di a kpaakpaa fɔlɔɔ, ɓɛ Kuuràkà, ɓɛ tɔtɔ̀g lɛ: Àa ŋwaànɛ yɛɛ ǹ-yeèyèèsì ɓum ɓɛ̀cèm ɓɛ ɓɛɛ kpɔŋkpɔŋ ɗii ɗi Yeesus a Yorisalɛm? Àncèm aà n-yuyuu yì ɓi fɛ rì fèg ànɛ lɛ, a ɓangi bɔ, a fogi ɓɔ ɓi ɓìsɔŋ, di a kɛǹ ɗì ɓɔ a ɓɛ̀pìrɛɛtìrɛ̀ ɓɛgwey?

RÒMƐŊ 1:7

nni mìni ɓɛ̀sɛ̀ɛ̀ ɓɛ̀cèm ɓɛ Bɛ̀ll à keesii yɛ̀ɛ mɛ̀nɔ̀ɓɔ̀, ɓɛ bì rì a Rom, mìniì ɓɛ à reŋìghà lɛ ɓi ɓa ɓum ɓii, Bɛ̀ll à Seŋì wìs ɓɛɛ̀ Kan Yeesus, ɓɛɛ fa mìni lɛ rì geesɛ̀n rì fyòoog.

RÒMƐŊ 10:12

Fɔɔnnɛ gasɛ̀n ì yin ɓi nyìinyìm ànɛ lɛ rì muu Ɓɛ̀yudɛ̀n, rì muu Gìrɛg, lɛ ɓɛ̀sɛ̀ɛ̀ ɓɛ̀cèm ɓɛ ri lɔŋ Kan bog ànɛ à ti à falàg ɓumɓɛ ɓɛɛ̀ rereŋi nyi ɓyom.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 10:32

Kɛ̀ ɓi ɓa gɔ̀g ìnɛ ì rì lɛ ì kɛ̀ɓtì nsoò muu Ɓɛ̀yudɛ̀n nsoò muu Gìrɛg nsoò kìseŋi ki Bɛ̀ll fìɓàg.

1 KƆ̀RƐ̀ŊTYƐŊ 12:27

Ɓì rì nyoo ì Kiris, mum ǹcèm ànɛ ɓi mìni à rì kìkàɓ kii lɛ rì mum, à ɓa ɓi rìɓa ɗii.

1 KƆ̀RƐ̀ŊTYƐŊ 8:6

nsoò fɔlɔɔ, ɓi ɓɛg ànɛ a lɔ̀ŋkis, Bɛ̀ll à rì lɔŋ bog, nnyɛɛ ri Seŋi ànɛ à kìghà ɓyom ɓìcèm, ɓisu wii nnɛ ɓìsiì ghɛghɛ̀ɓ. Fɔɔnnɛ Kan à rì girig bog lɛ Yeesus Kiris, ànɛ à ti à kìlàg lɛ ɓyom ɓìcèm ɓyɛɛ ɓa, ɓìsii ki ghɛghɛɓ lɛ nyi.

2 KƆ̀RƐ̀ŊTYƐŊ 1:1

Mɛ̀ Pol, ànɛ ǹɗì ǹkɛ̀nì-fìtom a Yeesus Kiris lɛ rìkɔ̀n ɗi Bɛ̀ll, rì geni wìs Timote tì kàni lɛ rì Kìseŋi ki Bɛ̀ll ki ki ri a Kɔrɛŋt, rì ɓɛ̀gherɛ̀n ɓɛ̀cèm ɓɛ ɓɛ ri ɓi kìlànà ki zi ki lɛ Akayi kìcèm.

2 KƆ̀RƐ̀ŊTYƐŊ 4:5

Àa ɓìsiìɓɔmiɗ nnɛ ti làalamɓɛ̀n ɓi ɓìɓan ɓi Bɛ̀ll ɓi ti kpaakpàà, lɔŋ Kan Yeesus Kiris nnɛ ti làalamɓɛ̀n, tì ki kpaaghi lɛ tì rì ɓɛ̀kìì-ɓìsay ɓin ɓisuu Yeesus.

GÀLAT 1:2

ǹɗaŋ ɗi ɓɔɔseŋi ɓis ɓɛ̀cèm ɓɛ tì rì fɛ rì ɓɔ, ɓisuu Ɓiseŋi ɓi ɓɛgherɛ̀n ɓi a Galasi.

EFÈZYƐŊ 5:26

À kìghà fɔlɔɔ lɛ di Kìseŋi kii kɛɛ ɓa kìtɛnɛn; lɛ à tɛɛ̀zìghà kɔ lɛ rì mɛ̀nig rì jɛ̀ɛ̀;

TÈSÀLÒNÌSYƐŊ 1:1

Mɛ̀ Pol, ɓɛɛ Silas rì Timote, tì kàni ɓumɓɛ ɓi Kìseŋi ki a Tesalonika ki ki ri ɓi Bɛ̀ll Seŋi rì ɓi Yeesus Kiris Kan. Geesɛ̀n, rì fyòoog ɓyɛɛ ɓa ɓìfayɛn a lɔ̀ŋkin.

TÈSÀLÒNÌSYƐŊ 4:7

Bɛ̀ll à reŋìghà ɓi ɓisi lɛ ti ghɛɓ cɛɓ ki kitɔɓì, wɔ̀lɛ à reŋìghà ɓìsi lɛ ti ghɛɓ cɛɓ ki tɛnɛn.

2 TÈSÀLÒNÌSYƐŊ 1:1

Mɛ̀ Pol, ɓɛɛ̀ Silas, rì Timote, tì kàniì ɓumɓɛ ɓi Kìseŋi ki ɓɛgherɛ̀n ki a Tesalonika, ki ki ri ki Bɛ̀ll à Seŋi wìs, ɓi Yeesus Kiris à Kan wìs.

TIMOTE 2:8

Rìkɔ̀n ɗyɛm̀ ɗi ri min lɛ ɓɛ̀baŋì ɓɛɛ ɓɔɔɓɔ̀ŋzàg jàŋ bimiɗ, ɓɛ pɛpɛ̀sì ɓyàg ɓi ɓi ri ɓì tɛnɛn aɗyoo, kɛ̀ɛ̀ bim nsoò paàzì.

TIMOTE 3:15

Kìɓan kifog, nsoò màa lɛ̀mzii yì, ɓìɓan ɓi nkpaa ɓi ri wɔ̀ ɓiì rèsii lannɛ ki ghɛɛ̀sɛɛ lɛ u ghɛɓ ɓi naa ì ɓum ì Bɛ̀ll ìnɛ ì rì kìseŋi ki ɓɔn ɓɛ Bɛ̀ll ànɛ à rì cem à ki ɓa rikwìy ɗì kìlèmì ki saaɗ.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

2 TIMOTE 2:22

Lɛgha ɓìɓeɓtàg ɓi ɓìɓan ɓi ɓi ti ɓi rɔɔghì ɓɛ̀dɛlì; kaaya saaɗ, rì rìgherɛ̀n, rì ǹkɔ̀nɛ̀n, rì fyòoog ànɛ rì ɓumɓɛ ɓɛ ti ɓɛ regì ɗii ɗi Kan rì nɗem wu tɛnɛn.

EBIREEGH 10:10

Ɓisuulɛ Yeesus Kiris à roòzìghà rìkɔ̀n ɗi Bɛ̀ll, fɔɔnnɛ ɓìsii ti rì zòghɛ̀n ìnɛ ɓi ɓìɓe ɓis lɛ rìfa ɗi à faghà nyoo yìì gɛ̀n bog ɓi gɛ̀n yicèm.

EBIREEGH 13:12

Kìɓan kiǹ kɛɛ̀ki Yeesus à wughà girig fìràɓ ɗi bàn, lɛ a tɛɛ̀zi ɓum ɓɛ kilɔ̀ŋ rì bwaɓ yii yɔmìɗ.

EBIREEGH 2:11

Ɓisuulɛ rì ǹtɛɛ̀zì ɓum, rì ɓumɓɛ à tɛɛ̀zii ɓɛ fuu yì yɛ̀ɛ mum bog, ɓisu wìn miì nnɛ ki yeesii ɓi nyi lɛ a regi ɓɔ lɛ, ɓɛ̀geni ɓii,

ZYUUDƐ 1:1

Mɛ̀ Zyuudɛ ànɛ ǹɗì ǹkìì-kìsay a Yeesus Kiris, ǹki ɓa geni Zyag, mɛ̀ yɛɛ kaniì ɓumɓɛ Bɛ̀ll à reŋìghà kaàtà ànɛ. Ɓumɓɛ̀n Bɛ̀ll Seŋi a keesag ɓɔ, Yeesus Kiris, à ki ɓègi ɓɔ.

ÀPÒKÀLIƁSƐ̀ 19:16

Ɓi rìga wìì rì ɓi ɓɛ̀y wii, ɗii ɗi ri miì ɗì kànɛn lɛ rìfòm ɗi mɛfòm, rì Kan ànɛ a ɓɛ̀kan.