Numeros 1:1 - Biblia ande chib Romani

¹ O purvo llive katar o duito chon katar o duito burs, kana cherela burs ta chon llive sar kai likistea katar o Ejipto, o Del dia orba e Moisesea po pusto katar o Sinai, ande chara kai chidiniaon e Devlea, ta phenda leke:

Numeros 1:1 Iomraidhean Croise

1 Relles 6:1

Kana nakhle star stotine ta ojtovardes burs sar kana e chave e Israeleke likiste katar o Ejipto, ando starto burs katar e charoina e Salomonoki, ando chon Ziv kai si o duito katar o burs, o Salomon thodape te vazdel o cher e Devleko.

Eksodo 19:1

Ando trito chon sar kana likistea katar o Ejipto e israelitura, avile po pusto katar o Sinai.

Eksodo 19:2

Kana likiste katar o Refidim, avile po pusto katar o Sinai ta isto kote inzarde pe chare angla o burdo.

Eksodo 25:22

Ta maskar e dui kerubinura ka maladivav tuia ta ka phenav chuke so morabi te cheren e israelitura o so morabi te na cheren.

Eksodo 40:17

Gia ando llive purvo katar o purvo chon, ando duito burs, o santuario vazdinailo.

Eksodo 40:2

O purvo llive katar o purvo chon morabi te chere te vazden o santuario, e chara kai maladon e Devlea,

Levitiko 1:1

O Gazda ikharda e Moisese katar e chara kai chidiniaon, ta phenda leke:

Levitiko 27:34

Gala si e zakonura kai o Del dia e Moisese e israelenge, po burdo katar o Sinai.

Numeros 1:18

Ta chidie sa e llenen o llive o purvo katar o chon o duito, chidie len prema lenge viche ta prema lenge anava sa e llenen kai saia lenge mai but katar e bis burs,

Numeros 12:4

Goleke o Del phenda e Moiseseke, e Aaronoke ta e Mariake: Llan tumen trin kai e chara kai chidiniaon. Ta e trin llele:

Numeros 9:1

Pala o burs llive katar likiste katar o Ejipto, ando purvo chon katar o burs, o Del dia orba e Moisesea po pusto katar o Sinai ta phenda leke:

Deuteronomio 1:3

O llive o purvo katar o chon desengo katar o burs saranda o Moises dia orba e israelenge sa so o Del phendaia te cheren,

Deuteronomio 2:14

Ta katar likistam katar o Kades Banea llik o llive kai nakhlam o pai katar o Zered, nakhle tranda ta ojto burs. Ande gua vreme mulia sa e vicha katar e llene kai marenape kai saia ando pero, gia sar o Del jalaia la sovel.

Deuteronomio 2:7

O Del tumaro Gazda blagosisarda tumen pe sa so cherden. Ande gala saranda burs o Del saia tumenchar ta arakhla tumen pe gava baro pusto ta niso ni trubusarda tumen.