Mikeas 7:8 - Biblia ande chib Romani

⁸ Tu kai san mo foro dusmano, na veselisao pala ma, soke makar pelemtar, pale ka ustav, te truisarel man o truniariko, o Del si mo villelo.

Mikeas 7:8 Iomraidhean Croise

Job 31:29

Te veselisailem soke nakhla o bilachipe o lleno kai murzil pe mande, ta te avila mange dragostia kai nakhel iek nuzda,

Salmos 112:4

Iek villelo kletosarel ando truniariko e llenenge kai si chache. E Devleke si zalba ta si chacho.

Salmos 143:3

Me dusmanura llan pala mande, chuden man pe phuv, thoven man te ziviu ando truniariko sargo kana sem mulo.

Salmos 20:8

Lenge porrne bangon, ta peren a amen sam zurale ta sam pe porrne.

Salmos 27:1

O Del si mo villelo ta mo braduipe, ¿katar ka avel mange dar? O Del arakhel mo zivoto, ¿katar ka darav?

Salmos 35:19

Te na veselinpe mandar me dusmanura, te na chuden peke akhaia gola kai murzin pe mande pala niso.

Salmos 37:21

O bilacho lleno, mangel unllile ta ni pochinel, a o lleno lacho si leke zalba ta si posteno.

Salmos 37:24

i te perela ni ka achel chudino, soke vou si ande Devleko va.

Salmos 38:16

Samo mangav tutar te na asan peke mandar, te na urkin veselimatar kana ka perav.

Salmos 84:11

Soke o Del del amen villelo ta arakhel amen, o Del volil ta blagosil golen kai zivin chachimaia, ta ni phenel lenge kai iok pe ezgode lache.

Salmos 97:11

O villelo klichil e lache lleneke, e veselia si e llenenge kai lengo lio si lacho.

Isaias 2:5

Aven tumen kai sen o foro katar o Jakob ta phira po villelo e Devleko.

Isaias 49:9

te phene e phanglenge: Liken, ta golenge kai si ando truniarko: Sikadon, pe droma ka phiren pe char ta pe thana vazdine ka avel tumen char.

Isaias 50:10

¿Ko maskar tumende daral katar o Del, ta asunel o avazi katar leko sluga? gua kai llan ando truniariko ta inai le villelo, trubul te uzdilpe ando Del ta te avel le vera ande po Del.

Isaias 9:2

O foro kai llala ando truniariko dikhla o villelo, gola kai zivina ande phuv katar e senka merimaki klichisarda o villelo pe lende.

Jeremias 48:27

A tu Moab, mardan espurnia katar Israel sargo kana ikande le katar e chorane ta kana dea leki orba miskoa cho soro.

Jeremias 50:11

Soke veselisailen, soke avila tumenge dragostia, kana zatrisarden mi phuv, soke pherdilen sargo iek telcho pe char, ta baslen sargo e gra.

Jeremias 8:4

Ta i ka phene lenge: Gia phenda o Del: Gua kai perel ustel, ta gua kai jasaol katar o drom boldel pe lete.

Ezekiel 25:6

Soke gia phenda o Del o Gazda: Soke mardan ande palme, ta mardan e porrnenchar, ta veselisailan ta mardan espurnia katar o Israel,

Ezekiel 35:15

Veselisailan pe so saia te achel e llenenge katar o Israel, soke avilo zatrime, goleke isto gia ka cherav tuia, zatrime ka avel o burdo o Seir, ta sa o Edom, ta ka llanen kai me sem o Del.

Ezekiel 36:5

goleke, gia phenda o Del o Gazda: Diem orba andral katar e iag katar mi joli pe ogola phuvia, ta pe sa o Edom, kai mardepe te achel lenge mi phuv veselimaia, sa pe liea ta korvane, te sai phanden golen kai tradie len.

Amos 9:11

Kana ka avel o llive, me ka vazdav pale e chara katar o David kai akana si peradini. Ka lacharav e zidura phage ta ka vazdav len pale katar e zatrania. Ka vazdav le gia sar cherdem le omanglal,

Abdias 1:12

Saia te na veseli tut kana cho phlal saia dukhado, ta saia te na veseli tut kana perela o Juda, ando llive katar leki zatrania. Saia te na mare espurnia lendar kana von sea but brigime.

Mikeas 4:10

Rov ta urkisar, chorrie katar o Sion, sargo diskinia kai maladol lake, soke akana ka like katar o foro, ta ka zivi ando vos ta i llik kai e Babilonia ka ave. A kotar ka braduil tut o Del, ka braduil tut katar che dusmanura.

Mikeas 7:10

Ta i mi dusmanka ka dikhel le, ta ka achel ando lallao. Voi phenela mange: ¿Kaitalo o Gazda cho Del? Ta akana ka dikhav mange sar ustaven la sargo o glibo pe droma.

Zakarias 12:8

Gua llive o Del ka arakhel e llene kai zivil ando Jerusalem. Ande gua vreme o lleno kai inai le zor ka avel sargo o David, ta e chave katar o David ka aven sargo Del, sargo o suecho e Devleko angla lende.

Malakias 4:2

A tumen kai roden mo anav, ka likel tumenge o kham katar o lachipe. Ta pe pakha ka anel o braduipe, tumen ka liken, ka juten sargo bakre ande stoka.

Matei 4:16

O foro kai besela ando truniariko, dikhla iek baro villelo, gola kai besena ando truniariko merimako, o villelo sikadilo lenge.

Juan 16:20

Chachimaia phenav tumenge kai tumen ka roven ta ka aven tristome, a o sueto ka veselilpe. A kana ka aven tristome, tumaro tristope ka cherdol veselia.

Juan 8:12

O Jesus pale dia orba e llenenge, ta phenda lenge: Me sem o villelo e suetoko. Ko pachal ande ma, ni ka llal ando truniariko ta ka avel le o villelo e zivotoko.

Рындоря 26:18

Te putare lenge akha te na phiren ios ando truniariko, ta te llan ando villelo; te na gazdaril pe lende o Satanas, ta te llan pala o Del; te pachan ande mande ta gia te len o prostipe ta te aven katar o santo foro e Devleko.

2 Korintios 4:6

Soke isto o Del kai cherda te likel o villelo katar o truniariko, vou si kai cherda te bariol leko villelo ande amare lie, te sai da gua villelo averen ta te sikava e zor e Devleki kai klichil po mui e Jesukristoko.

2 Korintios 4:9

Llan pala amende te maren amen, a amen ni sam korkorre, peraven amen, a ni zatrin amen.

Apokalipsis 21:23

E foro ni trubul le o kham ni o chon te del le villelo, soke o villelo e Devleko si kai kletosarel le, ta o Bakro si leki lampara.

Apokalipsis 22:5

Kote ni ka avel ios e riat, ta nika ni ka trubul e lampara ni o villelo e khameko, soke o Del o Gazda ka avel lengo villelo, ta von ka charoin ostade.