Mikeas 7:2 - Biblia ande chib Romani

² Ni achen ande phuv llene orta angla o Del, sa aduricharen te cheren e ezgode silnomaia iek avereke thoven o kojaipe.

Mikeas 7:2 Iomraidhean Croise

Salmos 10:9

Sargo iek liono gurudino, dikhel so cherel o chorro, ta aduricharel o vreme te jutel upral pe lete, ta kana istarel le, terril le ande pi mreza.

Salmos 12:1

Braduisar amen Devla, soke inai llene kai pachan chachimaia, inai llene chache.

Salmos 12:2

Kojaven iek avereke, den orba kojaimaia ta den dui orbe ande iek.

Salmos 57:6

Me dusmanura thode telal katar me porrne iek mreza te peraven man, cherde iek anadipe angla mande, a isto von peletar andre.

Proverbios 1:11

Soke sai phenen chuke: Aide amenchar, te istara varesave llene lache kai nakhel ta te mundara le.

Proverbios 12:6

E orba e bilachengi kojavel ta mundarel a e orba e chachengi braduil.

Isaias 3:5

Ta ka avel silnope maskar e llene ka marenpe e llenenchar kai zivin pasa lende, o terno ka marelpe e phurea, ta o chudino ka marelpe e barvalea.

Isaias 57:1

O chacho merel ta niko ni thovel sama, e llene lache meren ta niko ni acharel kai von meren pala o bilachipe kai si.

Isaias 59:7

Lenge porrne prasten karing o bilachipe, sigaren te chordol o rat katar gola kai inai dosale, mislinpe samo ando bilachipe, pe lengo drom si samo zatrania ta duk.

Isaias 9:19

Pala e joli katar o Del kai si le sa e zor cherdilo truniariko pe phuv ta e manusa ka aven sargo char te phabardol, ta e manusa ni ka avel lenge zao katar pe phlal.

Jeremias 16:16

O Del phenel: Me bichalav but macharia ta ka istaren tumen, ta mapalal ka bichalav but llene kai istaren e zivirinie, ta ka istaren tumen pe sa e burdura ta pe sa e umalia, ta maskar o putardipe katar e pechine.

Jeremias 5:16

Saurre si tromane ta lengi ambava kai thovel e llide si sargo iek limori putardo.

Jeremias 5:26

Soke ande mo foro sea llene kai ni pachana, prezona sargo gola kai thoven solo, thode kojaipe te istaren e manuse.

Jeremias 8:6

Thodem sama ta asundem, ta ni den orba chachimaia, inai ko te irilpe katar po bilachipe ta te phenel: ¡So cherdem! Suako lleno llelo pe po drom sargo gra kai llan lea zurale te marenpe.

Lamentasiones 4:18

Suako drom kai phira dikhen pe amende, nasti lika ni po drom. Avilo amaro son, avilo amaro vreme, ¡avilo amaro son!

Ezekiel 22:12

Ande tute pochinde lenge te mundaren, dian unllile ta lian bare love, ta ni pomozisardan avere llenen ta sana lenchar silno, bristrailan mandar, gia phenenl o Del.

Ezekiel 24:6

Soke gia phenda o Del kai si le sa e zor: ¡Tesko e foroke kai cherel o mundaripe, e kaviake kai si farruzime, kai lako farruzipe nasti ikandol! Ikan sa e kotora mas katar e kavi ta na esvirisar len.

Oseas 5:1

Popura, asunen gava, foro katar o Israel thov sama, asunen tumen e llene katar e charoina: Tumen ka aven krisime soke sena sargo solo ando Mispa, ta sargo mreza po Tabor,

Oseas 6:9

E popura si sargo koskarie kai aduricharen te peren pe iek lleno, mundaren ta cheren ezgode gado po drom kai llal ando Sikem.

Mikeas 2:8

Tumen, kai omanglal sena mo foro, akana sen me dusmanura. Tumen len o gertachi katar e llene kai nakhen, sargo kana von marenape tumenchar.

Mikeas 3:10

kai vazden o Sion mundarimaia ta o Jerusalem e bilachimaia.

Mikeas 3:2

A tumen murzin po lachipe ta volin o bilachipe, ikanen lengi mozga ta o mas katar mo foro lligo ni muken le samo ande kokala.

Zakarias 11:6

Goleke ni ka prostiv e llenen katar e phuv. Ka cherav te avel dino suako lleno ande pe phlaleke va, ta kai lengo charo te del pe suako iek. Von ka zatrin e phuv, ta me ni ka kurtuliv len katar lenge va. Me o Del phenav le.

Рындоря 24:9

E judiura kai sea kote i von phenena kai gua saia o chachipe.

1 Samuel 24:11

Dik dade, mande si o kotor katar cho gertachi. Isto me chindem le ta ni mundardem tut, te sai llane kai me ni kamam te mundarav tut. ¿A soke tu rode man te mundare man?

1 Samuel 26:20

Te na chordol mo rat pe phuv angla o Del, soke o charo e Israeleko likisto te rodel iek pisom, sargo o lleno kai rodel pe burdura iek chirikli kai ikharen la perdis.