Mikeas 7:18 - Biblia ande chib Romani

¹⁸ Inai aver Del sargo tu kai prostil o bilachipe ta bristare tut katar e ezgode bilache kai cherda, but cherricha llene achile katar cho foro. Ni jolailo amenchar ostade soke drago leke te prostil.

Mikeas 7:18 Iomraidhean Croise

Кэздэто 4:7

Te chere o lachipe ka lav tut dragostimaia, a te chere o bilachipe, o bilachipe si po udar ta rodel te gazdaril pe tute, a tu sai gazdari pe lete.

1 Relles 8:23

ta phenda: Devla, o Del e Israeleko, inai ando miloso ta ande phuv ni iek Del sargo tu kai chere so ache po alav, ta kai si chuke zalba e llenendar kai llan orta angla tu sa pe liea,

2 Kronikas 30:9

Te irin tumen kai o Del, tumare phlalen ta tumare chaven ni ka patin len e dusmanura kai phangle len. Ta ka irinpe kaim pi lengi phuv, soke o Del si lacho ta si leke zalba, goleke ni ka mukel tumen te irina tumen lete.

2 Kronikas 6:21

Asun o molipe katar cho sluga ta katar cho foro o Israel. Kana ka moli amen pe gava than tu ka asune amen ando miloso kote kai zivi, ta ka prosti amen.

Nejemias 9:17

Ta ni kamle te kanden, ni diepe golli e bare ezgode kai cherdan pala lende. Gia zurale sureke sea kai thode iekhe gazda te inllarel len pale te aven sluge ando Ejipto. A tu san iek Del kai prostil, iek Del kai si chuke zalba, terpi ta san pherdo volipe, ta ni muklan len korkorre.

Salmos 103:13

O Del volil e llenen kai den le liubao gia sar iek dad volil pe chaurren,

Salmos 130:4

A tutar la o prostipe, te sai blagosi tut.

Salmos 35:10

Sa me liea ka phenav ¡Niko inai sargo tu! Soke e llenen kai si chorre ta golen kai trubul len, tu kurtuli len katar gola kai si mai zurale neko von, katar gola kai cheren len te radin pe zor.

Salmos 65:3

ta ka anel po bilachipe kai cherel, o pharipe katar amaro bilachipe dobil amen, a tu prosti le.

Salmos 65:4

Blagosime o lleno kai tu esviri le ta kai inllare le te zivil pasa tu, ande sobe katar cho cher. ¡Te ava pherde katar o mai lachipe katar cho santo cher!

Salmos 71:19

¡Ioi Devla! cho chachipe resel llik kai o miloso, tu cherdan bare ezgode, ¡Inai niko sargo tu, Devla!

Salmos 86:15

A tu Devla, san iek Del kai voli ta si chuke zalba, kai terpi ta san pherdo volipe ta chachipe.

Salmos 86:5

Soke tu Devla san lacho ta prosti, tu voli but golen kai molinpe chuke.

Salmos 89:6

¡Niko inai ando miloso sargo tu Devla! ¡Niko inai prema tu Devla maskar e dela!

Salmos 89:8

Ioi Devla, kai si tut sa e zor, sa e zor si chiri ta cho chachipe si truial tutar, ¡inai niko sargo tu!

Eksodo 15:11

Ioi Devla, ¡Ni iek del nasti thovelpe prema tu! ¡Niko inai santo ta baro sargo tu! ¡Chere ezgode bare ta chudo!

Eksodo 34:9

Ta phenda: ¡Devla! ¡Devla! Te si de istina kai voli man, aide maskar amende. Chachimaia gala llene ni kanden, a tu prostisar sa amaro bilachipe, ta le amen sargo cho foro.

Isaias 1:18

O Del phenel: Aven akana ta thova e ezgode pe po than. Tumaro bilachipe te avela lolo sargo piperi, ka avel parrniardo sargo o iv, te avela lolo sargo rat, ka avel parrno sargo e parrne bal e bakreke.

Isaias 33:24

Niko ando foro ni ka phenel: Nasualo sem, kogo ka zivil ando Sion o Del ka prostil lengi dos.

Isaias 38:17

Bari zalba avili pe mande ande pas, a chuke avila drago te bradui man te na perav ando chernipe katar o limori, soke chudian pala che zea mo bilachipe.

Isaias 40:18

¿Prema so ka phene ka si o Del, savi ezgoda ka cheren te avel sargo vou?

Isaias 40:25

O Santo Del puchel: ¿Prema so ka phenen kai sem o savi ezgoda si sargo me?

Isaias 43:25

Me, me sem gua kai kosel cho bilachipe, pala o volipe isto pe mande, ta ni ka dav man golli katar cho bilachipe.

Isaias 44:22

Me koslem sargo iek oblako cho bilachipe, sargo tufina e ezgode bilache kai cherdan, irisao mande soke me braduisardem tut.

Isaias 55:7

Te mukel po drom o lleno kai ni pachal ta o manus bilacho pe mislura bilache, ta te irilpe kai o Gazda, soke ka avel leke zalba letar ta amaro Del ka del le baro prostipe.

Isaias 57:10

Chinilan kai phirdan pe but droma, a ni phendan: Llik kate avilem, maladan nevi zor ande cho va ta goleke ni jasardan e vlaga.

Isaias 57:16

Soke ni ka marav man ostade ta ni ka avav joliariko sa o vreme, soke ka chiniol mo duo ta e zivotura kai cherdem.

Isaias 62:5

Soke isto gia sar o terno zinilpe e cheaia, gia ka zininpe tuia che chave ta gia sar veselilpe o rrom pe rromiaia, isto gia ka veselilpe tuia cho Del.

Isaias 64:9

Na joliao surale pe amende, Devla, ta na de tut golli ostade katar o bilachipe, akana saurre sam chiro foro.

Isaias 65:19

Ta ka veseliu man pala o Jerusalem ta ka avel mange dragostia pala mo foro, ta nikada ios ni ka asundol andre roipe ni avazi kai rovel.

Jeremias 3:12

Lla ta phen gala alava karing o norte, ta phen: O Del phenel gia: Irisao, ioi Israel kai ni kande, ni ka cherav te perel pe tute mi joli, mi joli ni ka avel ostade soke mange si zao. Gia phenel le o Del

Jeremias 3:5

¿Ka ave joliariko ostade? ¿Chi joli ka aven sa o vreme? A tu dian orbe ta cherdan o bilachipe kai manglan.

Jeremias 31:20

¿Inai mange o Efrain iek chaurro kai mol le but? ¿Inai vou iek chaurro kai me veseliu man lea? diem man golli letar suako llive. Goleke avila mange zao letar andral andar mo lio, chachimaia ka avel manga zalba letar, gia phenel le o Del.

Jeremias 31:34

Ta niko ni ka sikavel avere, ta niko ni ka phenel pe phlaleke: Pinllar e Devla, soke sa ka pinllaren man, katar o mai minono lendar, llik kai o mai baro, gia phenel le o Del, soke ka prostiv dopas katar e llene ta ni ka dav man golli katar lengo bilachipe.

Jeremias 32:41

Ta ka veseliu man lenchar pala o lachipe kai ka dav len, ta ka thovav len chachimaia pe gaia phuv sa me liea.

Jeremias 33:8

Ta ka chistou len katar sa o bilachipe kai cherde mange, ta kai ni kandie man.

Jeremias 38:8

likisto katar e charoko cher ta phenda gia e charoke:

Jeremias 50:20

Ande gola llivesa ta ande gua vreme, phenel o Del kai, ka roden e dos katar o Israel ta ni ka malaven la, ta i o bilachipe katar o Juda, ta ni ka dikhon, soke me ka prostiv golen kai me ka mukav.

Jeremias 9:24

A te falilpe ande gaia ezgoda, ko mangela te falilpe: Te acharel ta te pinllarel man, kai ne sem O Del, kai cherav volimaia e kris ta o chachipe pe phuv, ta gala ezgode mangav, gia phenel le o Del.

Ezekiel 18:23

¿Sai avela mange drago kai o lleno bilacho merel? phenel o Del o Gazda. ¿Ni ka zivil te duriola katar po bilachipe?

Ezekiel 33:11

Phen lenge: O Del o Gazda del tumen po alav ta phenel: Ni kamam te merel o lleno bilacho, me mangav te irilpe katar po bilachipe, ta te zivil. Irin tumen, irin tumen katar tumare bilache droma, ¿Soke te meren foro katar o Israel?

Ezekiel 33:16

Ka avel bristardo leko bilachipe kai cherda, ta ka zivil soke cherda prema so si orta ta chacho.

Daniel 9:9

A tu amaro Del ta amaro Gazda, si tut volipe ta prostipe, i kana amen vazdinailam pe tute

Oseas 14:2

Irin tumen e Devleke ta phenen e Devleke gava molipe: Prostisar amaro bilachipe ta ka da tut kurbanura katar amare us.

Oseas 14:5

Me ka avav e Israeleke sargo kana pechal peke, ta leke lulunlla ka barion, leke zile ka resen zurale sargo o Libano.

Joel 2:32

Ta suako lleno kai ka ikharel o anav e Devleko ka avel braduime, soke po burdo o Sion, ta ando Jerusalem ka avel o braduipe, isto gia sar phenda le o Del, ta maskar lende gola kai achile.

Amos 1:11

Gia phenel o Del: E llene katar o Edom cherde gachin ezgode bilache, kai ni ka prostiv len, soke llelo pala po phlal o Israel e jarniea. Ta ande pi joli ni mislisailo so cherela ta leki murzania ni phagili.

Amos 7:8

Ta o Del puchla man: ¿So dikhe Amos? Me phendem leke: Iek plomada katar e llene kai radin ande barra. Ta o Del phenda mange: Me thovav iek plomada pe mo foro o Israel. Ni ka terpiv le ios.

Amos 8:2

ta vou puchla man: ¿So dikhe, Amos? Ta me phendem: Iek kotaricha katar e septelie resle. Ta o Del phenda mange: O Israel si reslo, ni ka prostiv le ios.

Jonas 4:2

Ta molisailo e Devleke, ta phenda leke: Asun Devla, me phenava kai ka avelpe gaia ezgoda sar kana sema ande mi phuv. Goleke mangava te nasav oma ando Tarsis, soke me llanav kai tu san iek Del kai volil, ta si chuke zalba, ta ni joliao oma, ta gia baro si cho volipe kai phene kai ka dukhave ta mapalal pharruve cho mislo, ta ni cherele.

Mikeas 2:12

Chachimaia phenav chuke Jakob, kai ka chidav so ka achel katar o Israel. Ka chidav len sargo e stoka katar o Bosra, sargo e bakre jan e char, ta divonpe kana dikhen bute llenen.

Mikeas 4:7

Gua llive ka chidav me bakren kai dukhadem, ta kai langan, chinie ta rispime. Lendar, katar gola kai langan ka vazdav iek foro zuralo. Me, o Del, ka charoiv pe me foro, akana ta ostade.

Mikeas 5:3

Ta o Del ka mukel len llik kana ka maladol e diskinia kai si khami, ondaka sa e phlal ka irinpe kai e chave katar o Israel.

Mikeas 7:14

¡Devla arak che foro e bakre katar chi stoka, kai si korkorre ando vos, pasa e phuvia kai den but septelie! Inllar len sargo omanglal, ande zeledina katar o Basan ta o Galaad.

Sofonias 3:17

O Del si po maskaral tutar ¡Vou si zuralo ta ka braduil tut! O Del ka avel veselo tutar. Pala po volipe ni ka phenel niso, ka llilabel veselimatar pala tu, sargo kana si eslava.

Numeros 23:21

O Del ni dikhla o bilachipe ando Jakob, ta ni dikhla o kojaipe ando Israel. O Del lengo Gazda si lenchar, ta veselia charoki si ande lete.

Лукатар 15:32

A saia te chera gava iekhe jamaia ta te veseli amen, pala cho phlal, soke saia mulo, ta zivisarda pale. Jasailoa ta maladam le.

Лукатар 24:47

ta kai ande leko anav ka phendol pe sa e suetoke te irinpe kai o Del, te prostil lengo bilachipe. Katar o Jerusalem ta kotar angle,

Romanos 11:4

A o Del phenda leke: Me muklem mange pe iek rig efta milie israelitura kai ni die changa angla o del o kojamno o Baal.

Deuteronomio 33:26

Inai Del sargo o Del katar o Jesurun, kai llal barimaia upral pe oblakura e milosoke te sai pomozil tut.

Santiago 2:13

Soke sa gola kai inai lenge zao pala aver llene, ando llive e krisako, ni e Devleke ni ka avel zao lendar, soke sa gola kai si lenge zalba ka dobin ando llive e krisako.

Jueses 10:16

Ta e israelitura ikande e delen ta blagosisarde e Devle. Ta avilo zao e Devleke kana dikhela sar o Israel nakhela patnia.