Mikeas 6:6 - Biblia ande chib Romani

⁶ ¿Soia ka avav angla o Del te blagosiv le, angla o Del kai si ando miloso? ¿Ka avav angla le telchonenchar iekhe bursenge te dav len kurbano leke?

Mikeas 6:6 Iomraidhean Croise

2 Samuel 21:3

Ondaka o David ikharda e gabaonitonen ta puchla len: ¿So sai cherav pala tumende? ¿Sar ka lelpe tumendar e joli te sai blagosin e foro Devleko?

Salmos 116:12

¿Sar ka pochinav e Devleke sa o lachipe kai cherda mange?

Salmos 22:29

Den changenchar angla le ta blagosin samo le, sa gola kai si len but, sa gola kai si te cherdon prajo, soke inai zivoto ande lende.

Salmos 95:2

Aven saurre angla o Del ta da le fala, ta blagosisara le ande llilia.

Salmos 95:6

Aven te blagosi le, ta da changenchar angla o Del, soke vou cherda amen.

Eksodo 12:5

Sai avel iek bakro o iek busno, morabi te aven saste ta te avel lenge iek burs.

Eksodo 23:15

E slava katar o marrno kai inai ande lete levadura. Gia sar me phendem chuke te chere, ka ja marrne kai pe lende inai levadura. Efta llive ka ja gola marrne ando chon katar o Abib, soke ande gua chon likisten katar o Ejipto. Ta niko ni ka avel angla ma chuche vastenchar.

Proverbios 15:8

O Del nasti terpil e ezgode dine katar e bilache, a lel veselimaia o molipe katar e lache.

Proverbios 21:3

Te ave chacho ta te chere o chachipe e Devleke si mai drago neko te de kurbanura.

Isaias 40:16

Ni o Libano ni resela e iagake, ni sa leke zivirinie e kurbanoke.

Jeremias 6:20

¿Soke anen mange katar o Seba taimano ta kastorra gugle katar e phuvia kai si dur? Tumare kurbanura phabarde ni kamam len, ni tumare kurbanura inai mange drago.

Ezekiel 46:9

A kana o foro e phuviako ka del andre angla o Del pe slave, o lleno kai dia katar o udar katar o norte, ka likel katar o udar katar o sur, ta ko ka del katar o udar katar o sur, ka likel katar o udar katar o norte, ni ka irilpe katar o udar katar dia, gua lleno ka likel katar o udar kai si angla le.

Daniel 3:26

Kana phenda gaia orba o Nabukodonosor avilo pasa o udar katar e furnava phabardi ta phenda: Sadrak, Mesak ta Abednego, sluge katar o Del o baro. ¡Liken kotar ta aven kate! Ondaka o Sadrak, o Mesak ta o Abednego likiste katar e iag.

Daniel 4:9

Beltsasar birovi katar e llene kai sikaven so si te avelpe, me llanav kai o duo santo e delengo sikavel tut ta kai llane e ezgode gurudine. Sikav mange so dikhlem ando suno ta so phenel.

Daniel 5:18

O Del o baro dia che dade e Nabukodonosore e charoina, e zor, o baripe ta o gazdaripe.

Daniel 5:21

Ta avilo tradino maskar e manusa ta leki golli cherdile sargo e ziviriniengi, ta zivisarda e magarchenchar katar e burdura, cherde le te jal char sargo e guruva ta leki esnaga chingola kana pechalapeke, lligo ni dia pe gor kai o Del o baro si kai gazdaril pe charoine e manusenge, ta thovel pe lende ka vou mangela.

Oseas 5:6

Ka roden e Devle lenge bakrenchar ta lenge guruvenchar, ta ni ka malaven le soke vou mukla len.

Amos 5:22

Ni kamam tumare kurbanura phabarde kai cheren te den man liubao, ta inai mange drago tumare ofrende katar e septelie. Ni ka lav tumare zivirinie thule ta e kurbanura pala e pas.

Numeros 7:51

ta iek telcho, iek busno, iek bakro iekhe burseko te den le kurbano phabardo,

Matei 19:16

Ondaka avilo pasa o Jesus iek manus ta puchla le: Kovachi lachea, ¿Savi ezgoda lachi morabi te cherav te avel man o zivoto ostade?

Markos 12:33

Ta te voli e Devle sa che liea, sa che misloia ta sa che zoriaia, ta te voli suakone llene sar voli isto tut, mol le mai but neko sa e kurbanura.

Markos 5:7

ta urkisarda zurale: ¡Na amisao manchar, Jesus, Chavo katar o Del e milosoko! ¡Mangav tutar ando anav e Devleko te na patisare man!

Лукатар 10:25

Iek kovachi e zakonoko llelo te del orba e Jesusea, ta te zumavel le puchla le: Kovachi, ¿so morabi te cherav te lau o zivoto ostade?

Juan 6:26

O Jesus phenda lenge: Chachimaia phenav tumenge kai tumen ni roden man pala e bare ezgode Devlikane kai cherdem, tumen roden man pala o marrno kai jalen ta chalilen.

Рындоря 16:17

Gaia chei lleli pala o Pablo ta pala amende, ta urkila: ¡Gala llene radin e Devleke katar o miloso, ta phenen tumenge o drom e braduimako!

Рындоря 16:30

Mapalal ikandalen ta puchla len: Manusalen, ¿so morabi te cherav te bradui man?

Рындоря 2:37

Kana asunde gua e llene kai sea chidine, avila lenge but zalba, ta puchle e Pedro ta ogole apostolen: Phlalalen, ¿So morabi te chera?

Efesios 3:14

Goleke pala gava thovav man changenchar angla o Del o Dad,

Ebreos 10:11

Suako popo cherel pi buchi suako llive ta sikavel suako llive isto gola kurbanura, i kana gola kurbanura nikada nasti len o bilachipe.

1 Samuel 15:22

Ondaka o Samuel phenda: Mai but drago si e Devleke te cheren leki volia, neko te cheren leke kurbanura, ta te den le ezgode dine. Mai lache si te asunen le, ta te cheren leki volia ta te cheren so phenel vou, neko e kurbanura katar e khoi e bakrengi.