Mikeas 3:11 - Biblia ande chib Romani

¹¹ E krisaria chinen kris prema e love, e popura len love kana sikaven, ta e poraukura bichinen e poroka ta phenen ando Del: ¿inai chachipe kai o Del si amenchar? niso bilacho sai perel pe amende.

Mikeas 3:11 Iomraidhean Croise

Proverbios 17:23

O lleno bilacho pochinen leke po chorial, te bangarel o chachipe.

Isaias 1:23

Che llene mai glamne cherdile kochkaria ta llan e choranenchar sa drago lenge te len love po pukhadipe, ta llan te len po chari, ni cheren o chachipe e minonenge kai inai len dada, ta e kris katar e phivlia ni avel lende.

Isaias 48:2

soke inllaren o anav katar o santo foro ta uzdintumen ando Del katar o Israel, leko anav si o Del kai si le sa e zor.

Isaias 5:23

gola kai chacharen e bilache pala e love len katar o chacho leko chachipe!

Isaias 56:11

ta gola llukela kai drago lenge te jan nikada ni chalion, ta isto e chobanura ni llanen te acharen, saurre llan pe piro drom, suako iek rodel so si lacho leke, suako iek llal pe pi rig.

Jeremias 23:17

Ni chitilpe lenge ta phenen gia golenge kai den man joli: O Del phenda: Ka avel tumen pas, ta varekake kai si besno ande po lio phenen leke gia: Ni ka avel o bilachipe pe tumende.

Jeremias 26:7

Ta e popura, e poraukura ta sa o foro asunde e alava kai phenda o Jeremias ando cher e Devleko.

Jeremias 5:12

Von ni kamle e Devle ta phende: Vou inai, ta ni ka avel pe amende e duk, ta ni ka llana so si o jarni ta ni ka nakha bok,

Jeremias 6:13

Soke katar o mai minono llik kai o mi baro, suako iek merel pala e love, ta katar o profeta llik kai o popo, sa kojaven.

Jeremias 7:4

Na uzdintumen ande alava kojamne, kai phenen: Cher e Devleko, cher e Devleko si gava.

Jeremias 8:10

Goleke ka dav averen lenge diskinien, ta lenge umalia golenge kai ka dobin len, soke katar o mai minono llik kai o mai baro suako iek rodel so ka dobil bilachimaia, katar o profeta llik kai o popo saurre cheren e ezgode kojaimaia.

Ezekiel 22:12

Ande tute pochinde lenge te mundaren, dian unllile ta lian bare love, ta ni pomozisardan avere llenen ta sana lenchar silno, bristrailan mandar, gia phenenl o Del.

Ezekiel 22:27

Lenge gazda kai si maskar lende si sargo e ruva dive kai jan e zivirinien, cheren te chordol e manusengo rat te len o charo kojamno.

Ezekiel 34:2

Chavo e manuseko, porokisar po poraukura katar o Israel, porokisar ta phen e chobanonenge: Gia phenda o Del o Gazda: ¡Tesko e chobanonenge katar o Israel, arakhen von pe! ¿Ni arakhen e chobanura e bakren?

Oseas 4:18

Leko pipe kandel. Ni muken te cheren o kurvaluko lenge si mai sukar te cheren ezgode lallaimake neko o liubao.

Oseas 4:8

Jan katar o bilachipe me foroko, goleke drago lenge kana mo foro cherel o bilachipe.

Amos 5:14

Roden te cheren o lachipe ta na o bilachipe, ta ka zivin. Gia ka avel chachipe so phenen tumen: kai o Del kai si le sa e zor si tumenchar.

Amos 9:10

Sa e llene kai cheren o bilachipe ande mo foro ka mundaren len e jarniea, sa gola kai phenen kai ni ka nakhel niso, ta kai e zatrania ni ka resel lende.

Mikeas 3:5

Gia phenel o Del e profetonenge kai kojaven e foro, kai den orba katar e pas golenge kai den len te jan, ta marenpe e llenenchar kai ni den len niso

Mikeas 7:3

Llanen te cheren o bilachipe, o lleno kai gazdaril mangel te chinen e kris ta o krisari chinel e kris prema e love. O lleno barvalo del orba sogo mangel ta cherel so phenel.

Sofonias 3:3

Che gazda si sargo lionura kai basen. Che krisaria si sargo ruva kai llan orachaia ta thiarinako ni muken ni iek kokalo.

Sofonias 3:4

Che poraukura si dusmanura. Che popura ni chitilpe lenge so si santo ta so inai santo, phagle o zakono.

Malakias 1:10

¡Daboida te avela iek tumendar kai phandela o udar te na phabaren iag pe mo altar samo gia! Inai mange drago so cheren tumen, ta ni ka lav ios tumare kurbanura.

Malakias 2:9

Goleke, i me cherden tumen gado ta llubri angla o foro, soke tumen ni guruven me droma ta ni chinen kris orta saurrenge.

Numeros 16:15

Ondaka o Moises but jolailo ta phenda e Devleke: ¡Na le lenge ofrende! Me ni liem lendar ni iek magarcho ta ni cherden o bilachipe ni iekhe lleneke lendar.

Numeros 22:7

E phure katar o Moab ta katar o Madian llele e lovenchar ando va te sai pochinen e armaia ta kana avile kote kai saia o Balaam phende leke e poroka katar o Balak.

Matei 3:9

na istardon ta na phenen isto tumenge: Amen sam katar e vicha e Abraameki. Soke chachimaia phenav tumenge kai llik gale barren o Del sai cherel len vicha e Abraameki.

1 Timoteo 3:3

Morabi te na avel matarno, ni te avel leke drago te marelpe, morabi te avel posteno, te na avel silno ta leki briga te na avel samo e love.

Tito 1:11

Gole llenengo mui morabi te phanden le, soke diliaren sa e llenen katar iek familia, ta sikaven so ni trubul, ta cheren le te len chari bilachimaia.

1 Pedro 5:2

Arakhen e bakren kai o Del dia tumende, arakhen len chache liea, na samo soke si te arakhen len pala e love, arakhen e bakren e Devleke chachimaia.

Judas 1:11

¡Tesko lenge!, soke cheren sar cherda o Kain, soke pala o volipe e lovengo gia sar cherda o Balaam i von cherde ta llele pe aver drom, ta ka meren sargo o Kore kai putaili e phuv ta nakhada le soke ni kandia e Devle.

1 Samuel 8:3

A e chave e Samueleke ni sea sargo lengo dad soke von cherdile jamiale ta bichindile pala e love, ta i phagle so si orta.