Mikeas 2:3 - Biblia ande chib Romani

³ Goleke gia phenel o Del: I me mislisailem te cherav tumenge o bilachipe. Ka bichalav tumenge iek bari patnia, kai nasti ka nasen latar ta ni ka llan ios barikamaia, soke o vreme ka avel bilacho.

Mikeas 2:3 Iomraidhean Croise

Isaias 29:20

Soke o silno ka avel zatrime, ta o bilacho ni ka avel ios, sa gola kai ni soven te cheren o bilachipe ka aven zatrime,

Isaias 3:16

O Del phenel gia: Soke e chea katar o Juda istardon ta vazden pi korr chak upre ta dikhen bilachimaia, kana phiren llan chelindo ta marenpe porrne pe phuv,

Isaias 5:19

ta phenen gia: ¡Te avel oma, te sigarel pi buchi, ta dikha, te avel mai pase, te sikavel amen o Santo katar o Israel, te sai pinllara le!

Jeremias 18:11

Goleke, de orba suakone murusea katar o Juda ta e llenenchar kai zivin ando Jerusalem, ta phen lenge: Gia phenda o Del: Me chinavav tumenge e duk ta misliu man so ka cherav tumenge, irintumen suako iek katar po bilachipe, ta lacharen tumaro drom ta e ezgode kai cheren.

Jeremias 27:12

Ta i diem orba e Sedekiasea charo katar o Juda prema sa gala alava ta phendem leke: Muken te thoven tumari korr telal katar e zor e charoki katar e Babilonia, ta radin leke ta leke foroke ta ka zivin.

Jeremias 34:17

Goleke o Del phenda gia: Tumen ni asunden man te mukliarel suako iek tumendar pe phlale, ta suako iek gole kai si pasa le, a me, phenel o Del, ka mukliarav o jarni, ta o nasualipe ta e bok, ta ka sa e forura ka avel lenge lallao tumendar.

Jeremias 36:23

Kana o Iejudi chitisarda trin o star alava katar o lil, o charo chinda o lil iekhe churiaia e pismirengi ta chudia le ande iag, lligo ni phabilo sa o lil upral pe iag.

Jeremias 43:2

phenda gia e Azariaseke chavo katar o Osaias ta e Joananeke chavo katar o Kareaj ta sa e murusenge barikane phende gia e Jeremiaseke: Kojave, ni bichalda tut o Gazda amaro Del te phene te na lla te zivi ando Ejipto,

Jeremias 8:3

Ta e llene kai ka achen katar gaia vicha bilachi, pe suako rig kai ka aven rispime, ka mangen te meren neko te zivin, gia phenda le o Del kai si le sa e zor.

Lamentasiones 1:14

O pharipe katar mo bilachipe phangla le pe mo corr isto o Del, sargo iek kas pharo upral pe mande, ¡lia mandar e zor! O Del thoda man ande va katar e llene kai nasti dobiu len.

Lamentasiones 2:17

O Del cherda so mangela te cherel, cherda e sovel kai jala. So phendaia kai ka zatril omanglal zatrisarda ta ni prostisarda, cherda te veselilpe o dusmano pe tute, ta bariarda e zor katar che dusmanura.

Lamentasiones 5:5

Amare dusmanura llan pala amende, sam chinie ta ni muken te lelpe amendar o chiñipe.

Daniel 4:37

Goleke me, o Nabukodonosor, blagosiv ta bariarav ta dav o baripe e charo katar o miloso, soke sa so cherel si chachipe ta leke droma chache, ta vou sai del ando lallao e llenen kai llan barimaia.

Amos 2:14

Makar te prastena ni ka nasen. O lleno mai zuralo ni ka blazil leki zor, ta ni o mai tromano nasti ka braduilpe.

Amos 3:1

Asunen tumen israelitura, so phenel o Del e foroke kai ikanda katar o Ejipto.

Amos 3:2

Samo tumen esvirisardem maskar sa e familia katar o sueto. Goleke ka dukhavav tumen, pala sa o bilachipe kai cherden.

Amos 5:13

Goleke o lleno bizai ni phenel niso, soke o vreme inai sukar.

Mikeas 2:1

¡Tesko golenge kai i kana soven mislin te cheren o bilachipe, ta cheren le kana pharrudon e zore, soke si len e zor ande lenge va!

Romanos 16:4

Von thode po zivoto po meripe pala ma te braduin man, ni dav len fala samo me, i sa e phlal katar e khanllira kai inai judiura den len fala.

Efesios 5:16

Thoven sama so cheren, soke gala llivesa si bilache.

Deuteronomio 28:48

Ta ka aven sluge tumare dusmanenge kai o Del ka bichalel pe tumende, ka nakhen bok, trus, ni ka avel tumen patave ta ka nakhen suako chorripe. O Del ka thovel iek llugo sastruno pe chi korr, lligo ni ka zatril tut.

Santiago 2:13

Soke sa gola kai inai lenge zao pala aver llene, ando llive e krisako, ni e Devleke ni ka avel zao lendar, soke sa gola kai si lenge zalba ka dobin ando llive e krisako.