Mikeas 2:13 - Biblia ande chib Romani

¹³ O lleno kai putarel lenge drom ka llal angla lende, ta von ka llan pala le, ta kana o drom ka avel putardo, ka den ta ka liken katar o udar. Me, o Gazda, sem lengo charo, ta ka llav angla lende.

Mikeas 2:13 Iomraidhean Croise

Eksodo 14:19

Ondaka kote o suecho e Devleko ta o oblako kai llala angla e israelitura, miskosaile kotar ta thodepe palal pala lende.

Isaias 42:7

te putare e akha e correnge, te ikane katar o rubie e phanglen, ta katar o phandipe golen kai zivin ando truniariko.

Isaias 51:12

Me, me sem kai dav tumen zor. ¿Ko san tu te dara e katar o manus, kai merel, ta katar iek chaurro manus kai si sargo char suki?

Isaias 52:12

Soke ni ka liken sigarde, ta ni ka nasen, soke o Del ka llal angla tumende, ta ka chidel tumen o Del katar o Israel.

Isaias 55:4

Me thodem le te dikhel o chachipe e phuvienge, te avel gazda ta te sikavel e foronen.

Daniel 2:44

Ta ande llivesa katar gala charura o Del e milosoko ka vazdel iek charoina kai nikada ni ka avel zatrime, ta ni ka avel iek charoina kai mukelpe avere phuviake, ka drobol ta ka zatril sa gale charoinen, a e Devleki charoina ka achel ostade

Oseas 1:11

Ondaka ka chidiniaon e chave katar o o Juda ta o Israel, ta ka thoven pe lende samo iekhe gazda, ta katar suako rig ka irinpe kai o Jerusalem, soke o llive katar o Jezreel ka avel baro.

Oseas 13:14

Me ka bradui len katar o maripe. Ioi meripe, me ka avav cho meripe. Ta me ka avav chi zatrania, ioi Seol Ni ka avel mange ios zalba pe gala llene.

Oseas 2:2

Gia phenel o Del: ¡Pukhaven tumare da, pukhaven la, soke voi inai ios murni rromi ta me ni sem ios lako rrom! ¡Te na sikadol ios sargo kurvichka! ¡Te lel pe kolina katar o kurvaluko!

Oseas 3:5

Mapalal e chave katar o Israel ka irinpe, ka roden e Devle lengo Del, ta e Davide lengo charo. Ande llivesa mai palune ka llan liubaimaia karing o Del ta leko lachipe.

Mikeas 2:12

Chachimaia phenav chuke Jakob, kai ka chidav so ka achel katar o Israel. Ka chidav len sargo e stoka katar o Bosra, sargo e bakre jan e char, ta divonpe kana dikhen bute llenen.

Mikeas 3:1

Asunen akana, gazda katar o Israel: ¿ni saia te llanen tumen so si orta?

Mikeas 4:7

Gua llive ka chidav me bakren kai dukhadem, ta kai langan, chinie ta rispime. Lendar, katar gola kai langan ka vazdav iek foro zuralo. Me, o Del, ka charoiv pe me foro, akana ta ostade.

Zakarias 10:12

Isto me ka zuriarav me foro, ta ande mo anav ka llan angle. Me o Del phenav le.

Ebreos 6:20

Kote kai nakhlo o Jesus te sai putarel amenge o drom, ta gia avilo vou te cherdol o mai baro popo ostade isto sar saia o Melkisedek.

Josue 3:6

Ta o Josue phenda e poponenge: Len e arka katar o alav ta llan angla o foro. A von lie e arka katar o alav ta llele angla o foro.

Apokalipsis 17:14

Ka marenpe e Bakrea a o Bakro ka dobil len, ta lea si gola kai o Del esvirisarda ta si chache soke vou si Gazda e gazdengo ta Charo e charonengo.

Apokalipsis 7:17

soke o Bakro kai si po maskaral katar o trono, ka avel lengo chobano ta ka inllarel len kai si o pai o llundo, Ta o Del ka kosel sa e ausa katar lenge akha.