Mikeas 2:10 - Biblia ande chib Romani

¹⁰ ¡Usten! ¡Phiren! Kate inai than te lelpe tumendar o chinipe. ¡Gava than si pogano ta sa ka avel peradino!

Mikeas 2:10 Iomraidhean Croise

1 Relles 9:7

ka tradav e Israele katar e phuv kai diem le, ta gava cher kai chinadem te blagosin mo anav, ka chudav le mandar, ta sa e phuvia ka maren espurnia e Israeletar.

2 Relles 15:29

Ando vreme kana o Pekaj saia o charo katar o Israel, avilo o Tiglat Pileser charo katar e asiriura ta lia peke o Ijon, o Abel Bet Maaka, o Janoaj, o Kedes, o Jasor, o Galaad, e Galilea ta sa e phuv katar o Neftali. Inllarda phangle ande Asiria sa e llenen katar gala forura.

2 Relles 17:6

Ta kana nakhle inia burs sar kana thodape te charoil o Oseas, o charo katar e Asiria dobisarda e Samaria ta inllarda phangle e israelen ande Asiria ta thoda len ando Jalaj ande phuv katar o Jabor pasa o pai Gozan ta ande forura katar e medura.

2 Kronikas 7:20

ka tradav tumen katar e phuv kai diem tumen, ta gava cher kai thodem te blagosin mo anav, ka chudav le mandar ta ka cherav te maren espurnia letar sa e phuvia.

Salmos 106:38

Ta cherde te chordol o rat bi dosalo, o rat pe chaurrengo ta pe chorrengo kai die len kurbano e delenge katar o Kanaan, ta e phuv achili melali e ratea.

Salmos 95:11

Goleke jalem sovel ande mi joli kai ni ka den ande phuv kai phendem kai ka dav len te zivin ta te lelpe lendar o chiñipe.

Jeremias 10:18

Soke o Del kai si le sa e zor phenda gia: Akana ka chudav dur sargo iek barr e llenen kai zivin pe phuv, ta ka thovav len ande nuzda, te dukhal len.

Jeremias 3:2

Dik upre pe burdura, ta phen kai ni cherdan o kurvaluko. Pasa e droma besea lenge sargo arabe po pusto, ta pala cho kurvaluko ta cho bilachipe meliardan gale phuvia.

Jeremias 9:19

Soke katar o Sion asundilo o roipe: ¡Gia zatrisarde amen! Gia baro lallao nakhlam, soke muklam e phuv, soke zatrisarde amare chera.

Ezekiel 36:17

Chavo e manuseko, kana e llene katar o Israel zivina ande lengi phuv, meliarde la pe dromenchar ta e ezgodenchar kai cherena, sargo o gado katar e diskinia kai avilo lako chon, gia saia mange lengo drom.

Ezekiel 36:19

Fuladem len maskar e forura ta sea rispime maskar e phuvia, prema lengo drom ta prema so cherena krisisardem len.

Deuteronomio 12:9

Chachimaia tumen nios ni avilen kai e rig esmiro kai o Del tumaro Gazda ka del tumen.

Deuteronomio 30:18

Isto akana phenav tumenge kai ka meren, ande phuv kai ka dobin kana ka makhen o Jordan te len e phuv.

Deuteronomio 4:26

Me thovav o miloso ta e phuv kai oma sa tumen ka aven zatrime katar e phuv kai ka len pe ogoia rig katar o Jordan. Ni ka zivin but vreme ande goia phuv soke saurre ka aven zatrima.