Mikeas 1:7 - Biblia ande chib Romani

⁷ Sa lake dela ka pharrudon, ta ka phabon e slike kai von blagosin. Soke cherde len e kurvichkenge lovenchar, ka cherav len te aven pale love katar e kurvichke.

Mikeas 1:7 Iomraidhean Croise

2 Kronikas 31:1

Kana getosarde te cheren e slava, e israelitura kai avilea llele ande forura e Judaeke ta zatrisarde e slike katar e Asera, ta phagle e thana vazdine ta e altarura katar sa o Juda ta katar o Benjamin, ta i katar o Efrain ta o Manases, lligo ni zatrisarde sa. Mapalal suako iek irisailo kai po cher.

Isaias 2:18

Ta ka ikanel sa e delen.

Isaias 23:17

Ta kana ka nakhen e eftavardes burs o Del ka avel kai o Tiro, ta pale ka chinel ta ka bichinel, ta pale ka cherel o kurvaluko sa e phuvienchar kai si pe phuv.

Isaias 27:9

Gia ka avel prostime o bilachipe katar o Jakob, ka mangel letar samo iek ezgoda, kana ka drobol sa e barra katar lengo altar ta ni ka thodon upre e ezgode katar e Asera ta e slike katar o kham.

Ezekiel 6:6

Kaigo ka zivi, ka cherdon puste e forura, tumare altarura ka aven zatrime ta puste, ta tumare dela ka aven peradine ta zatrime, e eslike katar o kham ka aven zatrime, sogo cherden ka avel zatrime.

Oseas 2:12

Ka chinav sa lake vostanura drakhake, ta sa lake kasta simochinenge, kai voi phenela lendar gia: Gava si o pochindipe kai die man me murusa kai volin man. Ka cherav len patra ta e zivirinie dive ka jan len.

Oseas 2:14

A me ka cherav te volil man, ka inllarav la po pusto ta ka dav orba lake lieke.

Oseas 2:5

Soke lengi dei kurvisaili, achili ando lallao kana phenda: Ka llav kai murne murusa kai volin man, kai del man mo marrno ta mo pai, mo bal e bakreke ta mo chiti katar o lino, mo zeitino ta mo pipe.

Oseas 8:5

Cho telcho kai tu, Samaria, blagosi cherda tut te durio. Pherdilem jolinatar pe lende, gachin kai nasti chistonape.

Oseas 8:6

Soke gava si katar o Israel. Fiko cherda le, inai e Devleko, goleke o telcho katar e Samaria ka achel pharrado pe kotora.

Joel 3:3

Cheldepe te sai fulaven me foro, die e minonen pala iek kurvichka, bichinde e chorren te sai pien mol.

Levitiko 26:30

Me ka zatriv tumare riga vazdine, ta ka peravav tumare sliki, ta ka thovav tumare esnage mule upral pe esnage mule katar tumare dela ta ka sikavav tumenge mi joli,

Deuteronomio 23:18

Na inllar kai o cher e Devleko tumaro gazda e love kai dobisarde po kurvaluko te sai den le ofrenda soke die po lav te den le e Devleke, soke o Del murzil pe gala ezgode.

Deuteronomio 9:21

mapalal liem o telcho kai tumen cherdena tumenge ta kai lea cherdena o bilachipe ta chudiem le ande iag, mapalal drobosardem le lligo ni cherdilo prajo, ta chudiem le ando len kai fuliela katar o burdo.

Apokalipsis 18:3

Soke sa e phuvia matile e moliaia katar lako kurvaluko, ta e charura e phuvienge kurvisaile laia, ta e llene katar e phuv kai chinen ta bichinen barvaile soke voi chinela suako ezgoda lendar te sai chaliavel o bilachipe kai saia lake drago.

Apokalipsis 18:9

Ta e charura e suetoke kai kurvisaile laia ta kai laia jale e love ando bilachipe, ka roven ta ka kukin kana ka dikhen e thuv katar lako phabardipe.

1 Samuel 5:4

Ta pale thiarinako dikhle kai o Dagon saia peradino angla e arka e Devleki. Ta o soro e Dagoneko ta leke dui va sea chinde pasa o udar, samo achili leki esnaga.