Mikeas 1:16 - Biblia ande chib Romani

¹⁶ Ta tu Sion, jaliar cho soro ta chin che chor pala che chave kai gachin voli, te avel cho soro jalo sargo e agila, soke che chave ka inllaren len phangle, dur tutar.

Mikeas 1:16 Iomraidhean Croise

2 Relles 17:6

Ta kana nakhle inia burs sar kana thodape te charoil o Oseas, o charo katar e Asiria dobisarda e Samaria ta inllarda phangle e israelen ande Asiria ta thoda len ando Jalaj ande phuv katar o Jabor pasa o pai Gozan ta ande forura katar e medura.

Job 1:20

Ondaka o Job ustilo, pharrada pe patave ta jaliarda po soro, ta chudiape pe te blagosil e Devle,

Isaias 15:2

O Moab llelo kai o Ballit ta kai o Dibon, kai e thana vazdine, llelo te rovel upral po Nebo ta po Medeba, ka auchilpe o Moab, suakoneko soro ka avel jaliardo suakoneke chor ka aven rrangle.

Isaias 22:12

Goleke o Del kai si le sa e zor ikharda len allive te roven ta te kukin, te jaliaren po soro ta te thoven patave zalosne,

Jeremias 16:6

Ka meren ande gaia phuv bare ta i minone, ni ka prajon len ta ni ka roven lenge, ni ka randen po mas ta ni ka chinen pe bal pala lende,

Jeremias 4:8

Goleke thoven patave zalosne, roven ta kukin zalbatar soke e joli e Devleki ni llelitar amendar.

Jeremias 47:5

Jaliarde e Gaza, mulo o Askalon ta so achela katar e umalia. ¿Gachin ios ka rani tu tut?

Jeremias 6:26

Chei me foroki, taulisao po prajo ta thov le pe cho soro, achi zalosno sargo kana mulo chuke cho edino chaurro, rov bare ausenchar soke oma ka avel pe amende o dusmano.

Jeremias 7:29

Chin che bal ta chude len, ta kukisar pe burdura, soke o Del murzisarda ta mukla e vicha kai dia le joli.

Lamentasiones 2:19

Uste, urkisar orachaia urkisar suako saiato, chuchar sa so si ande cho lio angla o Del, muk te llal sargo o pai vazde che va karing lete ta molisao leke pala zivoto che minonengo kai pe droma katar o foro meren soke inai len so te jan.

Amos 7:11

Soke gia phenda o Amos: O Jeroboam ka mundaren le jarnienchar, ta e Israele ka inllaren le phanglo ande aver phuv.

Amos 7:17

A o Del phenel gia: Chi rromi ka avel kurvichka ando foro, ta che chaurren ta che chorren ka mundaren len e jarnienchar. Ta ka chelenpe te sai fulaven chi phuv, ta tu ka mere ande iek phuv pogani ta e Israele ka inllaren le phanglo ande iek phuv kai si dur.

Amos 8:10

Ka boldav e slave ando kukipe pala e mule, e llilia ando roipe, ta ka cherav te thoven pe tumen patave zalosne, te jaliaren tumare sore. Ka roven sargo kana merel o edino chavo, ta sa ka avel ando cherkipe.

Deuteronomio 28:41

Ka avel tumen chaurre ta i chorra, a ni ka aven tumenchar soke ka inllaren len phangle ande aver phuvia.