Juan 7:7 - Biblia ande chib Romani

⁷ O sueto nasti murzil pe tumende. A pe mande murzil, soke me sikavav bristomaia kai von cheren o bilachipe.

Juan 7:7 Iomraidhean Croise

1 Relles 21:20

Ta o Ajab phenda e Eliaseke: ¿So misli tu, kai me sem cho dusmano? Ta o Elias phenda leke: Ea, soke samo o bilachipe chere angla o Del.

1 Relles 22:8

Ta o charo katar o Israel phenda e Josafateke: Si aver profeta kai amen sai manga letar te puchel e Devle. Vou si o Mikaias, chavo katar o Imla. A me nasti dikhav le, soke nikada ni poraukil mange ezgode lache, samo ezgode bilache. A o Josafat phenda leke: Na phen gia.

Salmos 109:5

Pochinde mange o bilachipe po lachipe, ta pe mo volipe, den man murzania.

Proverbios 15:12

o barikano murzil pe gua kai del pe lete, ta ni chidiniaol e bizaienchar.

Proverbios 8:36

a ko duriol mandar thovel po zivoto pe dar, ¡ko murzil pe mande volil o meripe!

Isaias 29:21

gola kai muken ando bilachipe avere pe alavenchar, gola kai thoven iek kojaipe golenge kai den orba pe kris, gola kai murin e orba katar o lleno chacho alavenchar kai ni mol len niso.

Isaias 49:7

Gia phenda o Del, o Braduimari katar o Israel, o Santo leko, gua kai ni mola le niso ta murzina pe lete e phuvia, o sluga katar e phuvia: Ka dikhen e charura, ta ka usten e mai preche llene, ta ka den changa angla o Del, soke chacho si o Santo katar o Israel, gua kai esvirisarda tut.

Jeremias 20:8

Soke suako drom kai dav orba, cherav le zurale ta urkiu: ¡Silnope ta zatrania! Soke o alav e Devleko cherel te kusen man ta te maren mandar espurnia suako llive.

Levitiko 13:10

O popo ka dikhel le, ta o suvlipe katar o mas te avela parrno ta pala gua nasualipe e bal cherdile parrne, ta te dikhola o mas putardo ando suvlipe,

Zakarias 11:8

Ando chon llive chudiem trinen chobanonen kai nasti terpisardem len ios, ta i kai murzina pe ma.

Malakias 3:5

Ta ka avav tumenge te chinav e kris. Ka dav pe chirimatarke ta pe llenen kai cheren o kurvaluko. Ka dav pe llenen kai jan sovel bange, ta kojaven e slugen andar e love kai morabi te pochinen lenge, kai kojaven e phivlien ta golen kai inai len dad. Kai ni daran mandar kana ni chinen kris orta e llenenge katar aver phuvia.

Лукатар 6:26

¡Tesko tumenge kana sa e llene ka blagosin tumen, soke isto gia cherena tumare purane e llenenchar kai sea poraukura kojamne!

Juan 17:14

Me diem len che alava, a o sueto murzil pe lende, soke von inai e suetoke, sargo me kai inai sem e suetoko.

Juan 3:19

Gola kai ni pachan proketime si, soke kana avilo o villelo ando sueto, von cherena ezgode bilache, ta von volisarde mai but o truniariko neko e villelo.

Romanos 8:7

Gola kai nasti achaven po bilachipe von samo mislinpe te cheren bilachipe. Von si dusmanura e Devleke, soke ni kamen ta i nasti kanden o zakono e Devleko.

Galatas 4:16

A akana cherdilem tumaro dusmano samo soke phenav tumenge o chachipe.

Santiago 4:4

Tumen cheren o kurvaluko. ¿Ni llanen tumen kai kana sen amal e suetoia ondaka sen dusmanura e Devleke? Vareko te mangel te avel amal e suetoia, cherdol dusmano e Devleko.

1 Juan 4:5

Von si e suetoke, goleke den orba e suetotar ta o sueto asunel len.