Juan 4:10 - Biblia ande chib Romani

¹⁰ O Jesus penda lake: Te llanglana so del o Del, ta ko mangel tutar pai, tu mangea letar, ta vou dela tut o pai o llundo.

Juan 4:10 Iomraidhean Croise

Salmos 10:17

Devla, tu asune kana molinpe e llene kai inai barikane, tu dikhe pe lende ta de len zor.

Salmos 46:4

Iek pai veselil e llenen kai zivin ande Devleko foro, o mai santo katar e forura e Devleke.

Eksodo 17:6

Ta me ka aduricharav tut po burdo katar o Joreb upral pe pechina. Ta kana ka chalave e pechina, ka likel pai latar te sai pien e llene. Ta o Moises cherda le gia angla e phure katar o Israel,

Kantares 4:15

O than katar o pai kai si ando vostano, si iek bunari kai likel o pai katar e phuv kai fuliel katar o Libano.

Isaias 12:3

Ka ikanen veselimaia katar likel o pai katar o braduipe.

Isaias 35:6

Ondaka e bange ka juten sargo iek siervo ta o nemao ka llilabel, soke ka anaven e phuv po pusto ta ka llal o pai pe umalia suke.

Isaias 42:6

Me o Del ikhardem tut ando chachipe, ta ka istarav tut e vastetar, ka arakhav tut ta tu ka ave o alav kai ka dav e foro ta villelo e phuvienge,

Isaias 43:20

E zivirinie dive katar o vos ka blagosin man ta i e llukela dive ta avestruse minone, soke ka dav len pai po pusto, paia kote kai ni saia niso te sai piel mo foro, mo esvirime.

Isaias 44:3

Soke me ka chudav pai po sukipe, ta paia pe phuv prajali, ka chudav mo duo pe cho porodo, ta mo blagosipe pe che minone,

Isaias 49:10

Ni ka nakhen ni bok ni trus, ta ni o kham ni o tatipe ni ka chiniarel tumen, soke gua kai si leke zalba lendar ka sikavel lenge o drom ta ka inllarel len kai si e paia kai liken katar e phuv.

Isaias 9:6

Soke iek minono biandol amenge, chaurro si amenge dino, vou ka charoil ta ka ikhardol Glamno, Gua kai sikavel, O Del o zuralo, O Dad ostade, O Charo katar e pas.

Jeremias 2:13

Soke dui ezgode bilache cherda mo foro: mukle man, kai sem o pai o llundo, ta anade von peke bunaria, bunaria kai ni achel o pai andre.

Ezekiel 16:35

Goleke, kurvichka, asun o alav e Devleko.

Zakarias 13:1

Gua llive ka avel iek pai kai ka likel katar e phuv e chavenge katar o David ta e llenenge kai zivin ando Jerusalem, te sai jalaven po bilachipe ta po melalipe.

Zakarias 14:8

Ta katar o Jerusalem ka likel pai katar e phuv. Dopas katar o pai ka llal karing e Mora Londi, ta o gua dopas karing o Mediterraneo, ando milai ta ando viend.

Лукатар 11:13

A tumen, kai sen bilache ta llanen te den lache ezgode tumare chaurren, ¡pe gachin mai but o Dad kai si ando miloso ka del o Santo Duo golen kai mangen le letar!

Juan 16:3

Ka cheren gola ezgode soke ni pinllaren me Dade ni man.

Juan 17:3

O zivoto ostade si te pinllaren tut, o edino Del chachuno, ta i e Jesukristo gole kai bichaldan.

Juan 3:16

Soke pe gachin volisarda o Del e sueto, kai dia pe edine Chave, gia kogo pachal ande lete, te na jasaol, ta te avel le zivoto ostade.

Juan 4:14

A gua kai ka piel katar o pai kai me ka dav le, nikada ni ka trusaol. Soke o pai kai me ka dav le ka ezvoril ta ka del le zivoto ostade.

Juan 6:35

O Jesus phenda lenge: Me sem o marrno e zivotoko. Ko avel mande, nikada ni ka avel bokhalo. Ta ko pachal ande mande, nikada ni ka trusaol.

Juan 6:51

Me sem o marrno llundo kai fulisto katar o miloso. Kogo jala katar gava marrno ka zivil ostade. A o marrno kai me ka dav si mo mas, kai me ka dav pala o zivoto e suetoke.

Рындоря 9:11

O Gazda phenda leke: Uste ta lla po drom kai ikhardol Chacho, ta ando cher katar o Judas puch katar iek lleno kai si katar o Tarso kai ikhardol Saulo. Ta vou molilpe,

Romanos 8:32

O Del kai ni achada te del amen pe chaurre, ta dia le te merel pala sa amende, ¿Sar ni ka del amen pe chaurrea sa e ezgode?

1 Korintios 1:30

O Del thoda tumen ande iek than e Jesusea, ta fala kai sen ande iek than lea akana sen bizai, ta i thoda tumen te aven katar o foro santo e Devleko, ta lien o zivoto ostade.

1 Korintios 10:4

Ta saurre pile isto gua pipe duoko. Soke piena pai katar o barr duoko kai llala lenchar kana ladena, ta gua barr kai llala lenchar saia o Kristo.

2 Korintios 9:15

¡Fala e Devleke kai dia amen gia baro lachipe kai inai amen alava te sai phena le!

Efesios 2:8

Soke pala o volipe e Devleko tumen lien o braduipe cheres o pachape. Ta gava inai kai tumen dobisarden, soke gaia ezgoda dia la tumenge o Del llabe.

Ebreos 6:4

Soke gola llene kai lie o villelo ta zumade so del o Del ta lie o Santo Duo,

1 Juan 5:20

I amen llana kai o Chavo e Devleko avilo ta cherda te pinllara e Devle o chachuno; ta amen sam e Chavea o Jesukristo. Gava si o Del o chachuno ta o zivoto ostade.

Apokalipsis 21:6

Mapalal phenda mange: Cherdo si. Me sem e Alfa ta e omega, o mai anglal ta o mai palal. Ko si trusalo me ka dav le te piel llabe kotar katar likel o pai o llundo.

Apokalipsis 22:17

O Santo Duo ta e rromi e Bakreki, phenen: ¡Aide! ta gua kai asunel, i vou te phenel: ¡Aide! a gua kai si trusalo, te avel te piel llabe katar o pai o llundo.

Apokalipsis 7:17

soke o Bakro kai si po maskaral katar o trono, ka avel lengo chobano ta ka inllarel len kai si o pai o llundo, Ta o Del ka kosel sa e ausa katar lenge akha.