Eksodo 34:1 - Biblia ande chib Romani

¹ O Del phenda e Moiseseke: Chin isto tu dui table barrastune isto gia sar sea ogola table, te sai me pisiv pe lende isto gola alava kai sea pisime ande purve table, gola kai phaglan.

Eksodo 34:1 Iomraidhean Croise

Salmos 119:89

Devla, che alava si ostade, ¡ta istarde si ando miloso!

Eksodo 24:12

Ondaka o Del phenda e Moiseseke: Like po burdo kai sem me, ta adurichar man kote, soke ka dav tut dui barra chinde kai pe lende pisisardem o zakono ta e alava, te sai sikon e israelitura.

Eksodo 31:18

Kana o Del achilo te del orba e Moisesea po burdo Sinai, dia lete dui table barrastune katar e orba e chachi kai o del pisisarda pe naiea.

Eksodo 32:16

Isto o Del cherdaia e table, ta isto o Del pisisarda so saia pisime pe lende.

Eksodo 32:19

Ta kana o Moises avilo pasa o pero ta dikhla o telcho ta o chelipe, chirilo jolinatar ta chudia katar pe va e table, ta phaglalen pasa o burdo,

Eksodo 34:28

O Moises achilo kote e Devlea saranda llive ta saranda racha ta ni jala ta ni pila niso gola llivesa. Ta kote pisisaile e alava pe so achile, e des zakonura.

Eksodo 34:4

O Moises chinda dui table barrastune pe vastenchar isto gia sar sea e purve table. Ta thiarinako rano, lia e dui table barrastune ta likisto po burdo Sinai, gia sar o Del phendaia leke te cherel.

Jeremias 36:32

Ta o Jeremias lia aver lil ta dia le kai o Baruk chavo katar o Nerias pismiri. Ta pisisarda po lil e alava kai phenela leke o Jeremias katar o lil kai phabardaia o Joakin charo katar e Judea. Ta thoda ios mai but alava sargo gola.

Deuteronomio 4:13

O Del sikada tumenge pe so achila tumenchar kai sea des zakonura kai pisisarda pe dui table barrastune ta kai phenda tumenge te kanden len.