Eksodo 28:3 - Biblia ande chib Romani

³ A tu de orba sa e llenenchar kai si bizai e lietar, gole llenenchar kai me diem len o bizaipe te cheren ezgode sukar te sai cheren e patave e Aaronoke, ta gia vou te avel mo popo dino mange.

Eksodo 28:3 Iomraidhean Croise

Efesios 1:17

Mangav katar o Del amare Gazdako o Jesukristo, o Dad o baro, te del tumen po Duo te sai aven bizai, te sai pinllaren le chachimaia.

Isaias 11:2

Ka achel pe lete o duo e Devleko, o duo ka del le bizaipe ta llanglipe, ka cherel le te del orbe kai sikaven ta kai den zor, o duo ka cherel le te avel bizai ta te del liubao e Devle.

Santiago 1:17

sogo si lacho ta orta kai si amenge dino, avel upral katar o Del kai cherda e cheraia kai si ando miloso, ta vou nikada ni pharruvel pe mislura.

Deuteronomio 34:9

Ta sar o Moises thoda pe va po Josue chaurro katar o Nun, vou saia pherdo katar o duo bizaimako, ta e chaurre katar o Israel kandie le ta cherde gia sar o Del phendaia e Moiseseke.

Proverbios 2:6

Soke o vou del o bizaipe, o llanglipe ta o sikadipe liken katar e Devleko mui.

Eksodo 35:35

Ta pherdan len bizaipe te cheren varesavo rado sukar, te cheren ezgode neve kai nikada aver llene ni cherdea, te suven chiti vuneto purpura, lolo, ta lino lolo, ta te khuven varesavo rado sukar.

Eksodo 35:30

O Moises phenda e israelenge: Dikhen, katar e vicha e judaeki o Del ezvirisarda e Bezaleele kai si o chaurro katar o Uri ta unuko katar o Ur,

Eksodo 35:25

Sa e diskinie kai sea bizai kai cheren ezgode sukar, kai khuven pe vastenchar, anena chiti vuneto kai cherena khuvdo, chiti lolo ta lino lacho.

Eksodo 35:31

ta pherda le katar o duo e Devleko ta bizaipe, te acharel ta te llanel te cherel ezgode but sukar,

Eksodo 36:1

Goleke, o Bezalel ta o Aoliab, ta sa e llene kai llanena te radin sukar, ta kai o Del dia len bizaipe te acharen te cheren sukar sa so si ande chara e Devleki, von ka cheren so o Del phenda te cheren.

1 Relles 7:14

O Jiram saia o chavo katar iek phivli ande vicha e Benjamineki ta iek lleno katar o Tiro kai radila ando tuch. O Jiram saia but bizai ta llanela sa o rado ande ezgode tuchne. Goleke avilo angla o charo o Salomon ta cherda sa po rado.

Eksodo 35:10

Sa gola kai si bizai kai cheren radura sukar morabi te aven ta te cheren sa so o Del phenda te cheren:

Eksodo 36:2

O Moises ikharda e Bezaleele ta e Aoliabe ta sa e llenen kai o Del pherdaia lengo lio bizaipe, ta lendar likista te aven te radin.