Eksodo 22:3 - Biblia ande chib Romani

³ A o chor te dela te chorel ollivesea ta te mundarena le, gua kai mundarda le ka avel dosalo katar leko meripe. Ko chorela morabi te pochinel so mola e ezgode kai chorda, a te na avilale love, vou ka avel bichindo te sai pochinel so chorda.

Eksodo 22:3 Iomraidhean Croise

Кэздэто 44:10

Ondaka o lleno kai arakhela o cher phenda: Ka cherdol gia sar phenen tumen, o lleno kai malavaia lete o taso ka avel mo sluga, a ogola sai ka llantar bi dosako.

Eksodo 21:2

Te chinea iek sluga ebreo, ka radil sov burs, a o eftato burs ka muke le te llaltar, ta ni ka pochinel niso te sai llaltar.

Eksodo 21:34

o lleno kako si o bunari morabi te pochinel e lleneke kaki si e zivirinia, ta leke ka achel e zivirinia kai muli.

Eksodo 22:2

Te malavena iekhe chore kana dela ande iek cher te chorel, ta te rranila le ta te merela, gole kai mundarda le ni ka dosaren le katar leko meripe.

Isaias 40:2

Den orba kai o lio katar o Jerusalem, phenen leke urkindo kai getosailo leko vreme, kai leko bilachipe si prostime, soke lia katar o Del dui droma e duk pala sa o bilachipe kai cherda.

Isaias 50:1

O Del phenel: ¡Na mislin kai me tradiem e Israele, tumari dei, gia sar iek murus tradel pe diskinia, o kai bichindem tumen sargo sluge soke sema unllile varekake! tumen avilen bichinde pala tumaro bilachipe, tumari dei kai si o Israel avili tradini soke tumen ni kamlen te kandien.

Matei 18:25

Gava esluga sar ni saia le love te pochinel, o charo phenda te bichinen gole llene ta i leke rromia ta i leke chaurre ta sa so saia le, te sai pochinel sa so saia unllile.

Jueses 10:7

Goleke o Del jolailo pe lende ta dia len e filisteonenge ta e amonitonenge.

Jueses 2:14

goleke jolailo o Del po Israel ta cherda te aven chorane te vazden len so sea len, ta i cherda te dobin len lenge dusmanura kai sea truial lendar ta nasti mardepe lenchar.