Eksodo 2:11 - Biblia ande chib Romani

¹¹ Kana nakhle e bursa ta o Moises barilo, iek llive llelo te dikhel pe phlalen katar pi vicha, ta dikhla kai lengo rado saia but zuralo sargo e slugengo. Ta dikhla kai iek ejipsio marela iekhe llene kai saia ebreo.

Eksodo 2:11 Iomraidhean Croise

Eksodo 1:11

Ondaka te sai thoven len ando lallao, thode llenen te sai gazdarin pe lende ta te cheren len te radin but zurale. Ta cherde len te vazden o foro katar o Piton ta o Rameses. Ande gola forura o charo guruvela jape.

Eksodo 3:7

A o Del pale dia orba lea, ta phenda leke: Dikhlem sar si e duk katar mo foro kai si ando Ejipto, ta asundem lengo kukipe pala so cheren lenchar, ta llanav lengi duk,

Eksodo 5:14

Ta e llene kai gazdarina po rado, marena e llenen katar o Israel kai sea thode te cheren e foro te radil ta phenena: ¿Soke ni arachi ni allive nasti cherden isto gola chikle kai omanglal cherena?

Eksodo 5:4

Ondaka o charo katar o Ejipto phenda lenge: Moises ta Aaron, ¿Soke achaven e foro te na radin? ¡Irin tumen kai tumaro rado!

Eksodo 5:5

Ta i phenda lenge o Faraon: Akana kai si pe gachin israelitura ande phuv, ¿Tumen ka cheren len te na radin?

Eksodo 5:9

Goleke cheren len te radin mai zurale gole llenen. Thoven len te radin ta gia te na thoven sama e alavenge kojamne.

Eksodo 6:6

Goleke lla ta phen e israelenge kai me, tumaro Del, ka ikanav tumen katar o Ejipto, ta katar o baro rado kai thode pe tumende e ejipsiura te cheren pe zor. Ka sikavav mi zor ta ka braduiv tumen bare krisaia.

Eksodo 6:7

Ka lav tumen sargo mo foro, ta me ka avav tumaro Del. Gia tumen ka llanen kai me sem o Gazda tumaro Del, kai braduisardem tumen katar o baro rado kai thodea tumen e ejipsiura te cheren pe zor.

Isaias 58:6

O alluno kai me esvirisardem, si te putara e sole katar o bilachipe, te mukliara o pharipe katar o gazdaripe, ta te mukliara e llenen kai si dukhade ta te phagen suako ezgoda kai phandel.

Matei 11:28

Aven mande sa gola kai sen radime ta kai inllaren pharipe, ta me ka cherav te lelpe tumendar o chiñipe.

Лукатар 4:18

O Duo e Devleko si upral pe mande, soke blagosisarda man te dav lache viaste e chorren. Bichalda man te sastarav e llenen kai si lenge zalba ando lio, te phenav e phanglenge kai ka liken katar o phandipe ta te cherav te dikhen e korre, te ikanav e llenen katar o bilachipe kai nakhen,