Eksodo 19:5 - Biblia ande chib Romani

⁵ Goleke, tumen te asunena me alava pe so achilam ta te kandenalen, tumen ka aven mo mai baro barvalipe maskar sa e phuvia, soke sa e phuv si murni.

Eksodo 19:5 Iomraidhean Croise

Кэздэто 17:9

Ta i phenda o Del e Abraameke: A tu kande e orba kai achilem tuia, tu ta i sa cho porodo kai ka avel mapalal tutar.

1 Relles 8:53

Soke tu Devla esvirisardan len maskar sa e phuvia te aven cho foro, sar phendan le e Moiseseke kana ikandan amare puranen katar o Ejipto.

1 Kronikas 17:22

Soke tu phendan kai cho foro o Israel ka avel chiro ostade, a tu Devla, san lengo Del.

Job 41:11

¿Ko dia man vareso te sai iriule leke? Sogo si pe phuv telal katar o kham si murno.

Job 41:3

¿Tu misli kai ka molilpe chuke? ¿Tu misli kai ka del tuia orba lachimaia?

Salmos 135:4

Soke esvirisarda peke e Jakobe, e Israele te avel leko foro.

Salmos 24:1

E Devleko si sa o sueto, ta sa so si ande lete, ta sa so zivil ande lete.

Salmos 25:10

Suako drom vou cherel e ezgode volimaia ta chachimaia, golenchar kai ni phagen leko alav ta leke zakonura.

Eksodo 15:26

Ta o Del phenda lenge: Te thovena sa tumari sama ande so me, o Del tumaro Gazda phenav tumenge, ta te cheren so si mange drago, ta te kandena me zakonura, me ni ka bichalav ni iek katar e zatranie kai bichalden pe ejipsiura, soke me sem tumaro Del kai sastarav tumen.

Eksodo 23:22

A chachimaia te asunea leko avazi ta te cherea sa so me phendem, me ka avav zuralo che dusmanenchar ta ka dukhavav e llenen kai dukhaven tumen.

Eksodo 24:7

Mapalal lia o lil katar e orba kai achilaia lenchar, ta chitisarda le e israelenge. Ondaka von phende: Ka thova sama te chera sa so o Del phenda amenge te chera.

Eksodo 34:9

Ta phenda: ¡Devla! ¡Devla! Te si de istina kai voli man, aide maskar amende. Chachimaia gala llene ni kanden, a tu prostisar sa amaro bilachipe, ta le amen sargo cho foro.

Eksodo 6:7

Ka lav tumen sargo mo foro, ta me ka avav tumaro Del. Gia tumen ka llanen kai me sem o Gazda tumaro Del, kai braduisardem tumen katar o baro rado kai thodea tumen e ejipsiura te cheren pe zor.

Eksodo 8:22

Ta ande gua llive me ka thovav pe iek rig e phuv katar o Gosen, kote kai zivil mo foro, te na avel ande late katar nisave makha. Gia ka llane kai me, o Del, sem ande gaia phuv.

Eksodo 9:29

A o Moises phenda leke: Me samo ka likav katar o foro, ka vazdav me va karing o Del, ta ni ka girmil ios ta ni ka peren ios krupe, te sai llane kai e phuv si e Devleki.

Kantares 8:12

E milia tolaria rupune le len tu, Salomon, ta e dui stotine tolaria e llenenge kai arakhen e drakha, a me arakhav e drakha kai si murne.

Isaias 1:19

Te manglen ta te asunden, ka jan katar o lachipe e phuviako.

Isaias 41:8

A tu Israel, san mo sluga, tu Jakob, tut esvirisardem, porodo katar o Abraam mo amal.

Isaias 43:1

Akana gia phenel o Del kai cherda tut, Jakob, foro katar o Israel: Na dara, soke me braduisardem tut, me thodem chuke iek anav, tu san murno.

Isaias 56:4

Soke gia phenda o Del: E eunukura kai ka avel len liubao pe me sabadura, ta te esvirisarde so me mangav ta te na mukle o alav kai diem,

Jeremias 10:16

A o Del katar o Jakob inai gia, soke vou si o Del kai cherda sa, ta o Israel si gua kai ka achel leke e phuv, o Del kai si le sa e zor gua si leko anav.

Jeremias 13:11

Soke isto gia sar o kavisi lipilpe pe esnaga e manuseki, gia cherdem te avel pasa mande sa e phuv katar o Israel ta sa e phuv katar o Juda, gia phenel le o Del, ta sai aven mange foro ta familia, blagosipe ta liubao, a ni asunde.

Jeremias 7:23

A me phendem lenge gia: Asunen mo avazi, ta ka avav tumaro Del, ta tumen ka aven mo foro, ta cheren sa so ka phenav tumenge, te llal tumenge sukar.

Ezekiel 16:8

Ta me pale nakhlem pasa tute ta dikhlem pe tute ta sana ando vreme katar o volipe, inzardem mo va ta uchardem cho nangipe ta diem tut mo alav ta jalem chuke sovel, gia phenel o Del o Gazda, ta cherdilan murni.

Levitiko 20:24

Me dav tumen po alav kai tumari ka avel lengi phuv, isto me ka dav la tumenge, kai o thud ta o aullin llan sargo o pai. Me sem o Del tumaro Gazda, kai thodem tumen pe iek rig katar e forura.

Amos 3:2

Samo tumen esvirisardem maskar sa e familia katar o sueto. Goleke ka dukhavav tumen, pala sa o bilachipe kai cherden.

Amos 6:1

¡Tesko e llenenge kai ni trudinpe ando Sion! ¡Tesko e llenenge kai zivin smiro ande Samaria, e gazda katar o foro mai glamno, kai e israelitura mangen lendar te pomozin len!

Malakias 3:17

Von ka aven mo barvalipe sukar, phenel o Del kai si le sa e zor. Kana ka avav ta ka prostiv len sargo kana o dad prostil pe chave.

1 Korintios 10:26

Soke e Gazdaki si e phuv ta sa so si ande late.

1 Korintios 10:28

A kana vareko te phenela tumenge: Gava mas diele kurbano avere delenge, ondaka te na jan, cheres o lleno kai phenda le ta cheres leko mislo.

Deuteronomio 10:14

Thoven sama kai e Devleko tumaro gazda si o miloso ta o miloso e milosoko, e phuv ta sa so si ande late.

Deuteronomio 11:27

O blagosipe te asunena e alava e Devleke tumaro gazda kai allive phenav tumenge te cheren.

Deuteronomio 14:2

Soke tumen sen iek foro santo e Devleke tumaro gazda, vou esvirisarda tumen maskar sa e forura kai si pe phuv te sai aven leko foro.

Deuteronomio 14:21

Na jan ni iek zivirinia kai muli voi pea, soke tumen sen iek foro santo e Devleke tumaro gazda, a sai ka de goia zivirinia e llene kai aven katar aver phuvia kai zivin ande tumare forura, von sai ka jan la. Ta i sai ka bichinen la kai e llene kai aven avere phuviatar kai nakhel maskar tumende. Na chiraven o busno ando thut pe dako.

Deuteronomio 26:18

Ta i o Del phenda allive kai tu Israel, san leko gia sar phenda le chuke te sai guruve sa leke alava,

Deuteronomio 26:19

Vou ka cherel tutar iek foro mai baro, mai asundo ta mai liubao ka avel le mai but neko sa e forura kai cherda ta ka ave gia sar phenda le, iek foro dino e Devleke cho gazda.

Deuteronomio 28:1

A chachimaia te kandena e Devle tumaro gazda ta te cherena sa leke alava kai me allive phenav chuke te chere, ondaka o Del ka thovel tut upral pe sa e forura e phuvienge.

Deuteronomio 28:9

Te kandena leke alava ta te llana pe leke droma, o Del tumaro Gazda ka phenel kai tumen sen leko foro santo, gia sar jala tumenge sovel.

Deuteronomio 4:20

A tumen o Del lia tumen, ta ikanda tumen katar e furnava sastruni, katar o Ejipto, te sai aven leko foro sargo allive kai sen.

Deuteronomio 5:2

O Del amaro gazda achilo pe iek orba amenchar po burdo Joreb.

Deuteronomio 7:6

Soke tumen sen iek foro santo e Devleke tumaro gazda, o Del esvirisarda tumen maskar sa e forura katar e phuv te sai tumen aven leke iek foro ezbirime.

Deuteronomio 9:29

A von si cho foro, si chire tu ikandan len katar o Ejipto bare zoriaia.

Tito 2:14

Vou mulo pala amende te ikanel amen katar o bilachipe, te chistol amen ta te cherel amen te ava leko foro, ta te ava vrene te chera o lachipe.

Ebreos 11:8

Pala o pachape o Abraam kana o Del ikharda le, vou kandia ta likisto te llal kai e phuv kai o Del phendaia kai ka del le, a o Abraam ni llanela kai ka llal ta kandia e Devle.

Ebreos 8:9

Pe gaia orba kai achilen akana ni ka avel sargo o goia orba kai achilema lenge puranenchar, kana istardem len katar o va te ikanav len katar o Ejipto; ta sar von ni kandie mo alav, me muklem len, phenel o Gazda.

Josue 24:24

Ta o foro phenda: Amen ka radi samo e Gazdake amaro Del ta ka chera sa so ka phenel amenge.

1 Pedro 2:9

A tumen akana sen o foro santo e Devleko, e popura chachune kai radin e charoke. Gua si te sai sikaven e bare ezgode kai cherda o Del; te liken katar o truniariko ta te aven karing o villelo.

1 Samuel 15:22

Ondaka o Samuel phenda: Mai but drago si e Devleke te cheren leki volia, neko te cheren leke kurbanura, ta te den le ezgode dine. Mai lache si te asunen le, ta te cheren leki volia ta te cheren so phenel vou, neko e kurbanura katar e khoi e bakrengi.