Eksodo 19:3 - Biblia ande chib Romani

³ Ta kote o Moises likisto te maladol e Devlea, ta po burdo o Del ikharda le ta phenda leke: Gia ka phene e porodoke katar o Jakob, e chaurrenge katar o Israel:

Eksodo 19:3 Iomraidhean Croise

Eksodo 19:20

Ta fulisto o Del po than mai vazdino katar o burdo Sinai, ta mangla katar o Moises te likel upre po burdo, ta o Moises likisto,

Eksodo 20:21

Ondaka e israelitura achena dur, a o Moises avilo pasa o oblako kai saia truniariko, kote kai saia o Del.

Eksodo 24:12

Ondaka o Del phenda e Moiseseke: Like po burdo kai sem me, ta adurichar man kote, soke ka dav tut dui barra chinde kai pe lende pisisardem o zakono ta e alava, te sai sikon e israelitura.

Eksodo 24:13

O Moises ustilo ta likisto po burdo e Devleko, ta llelo e Josueea kai pomozila le.

Eksodo 3:12

A o Del phenda leke: Lla soke me ka llav tuia, ta gale ezgodaia kai ka sikavav chuke ka llane kai me sem kai bichalav tut: Kana ka ikane katar o Ejipto me foro, tumen ka blagosin man pe gava burdo.

Eksodo 3:4

Kana o Del dikhla kai o Moises llala te dikhel, ikharda le maskar e fafurruka, ta phenda leke: ¡Moises, Moises! Ondaka o Moises phenda: Kate sem.

Eksodo 34:2

Ta i lachar tut te sai like po burdo Sinai thiarinako rano, te sikado mange pe rig mai vazdini katar o burdo.

Eksodo 34:4

O Moises chinda dui table barrastune pe vastenchar isto gia sar sea e purve table. Ta thiarinako rano, lia e dui table barrastune ta likisto po burdo Sinai, gia sar o Del phendaia leke te cherel.

Levitiko 1:1

O Gazda ikharda e Moisese katar e chara kai chidiniaon, ta phenda leke:

Рындоря 7:38

A o Moises saia o avazi e foroko kana dela orba e suechoia po burdo katar o Sinai ta mapalal phenela amare puranenge so phenda o suecho, vou lia e alava zivotoke te del len amenge.