Eksodo 13:7 - Biblia ande chib Romani

⁷ Ta ande gola efta llive ka jan marrno kai pe lete ni thode levadura, ta ande ni iek than katar goia phuv ni ka avel levadura ni marrno kai thode levadura pe lete.

Eksodo 13:7 Iomraidhean Croise

Eksodo 12:15

Ta efta llive ka jan marrne kai ni thode pe lende levadura, goleke katar o purvo llive llik kai o eftato morabi te na avel levadura ande tumare chera. Goleke vareko te jala marrno kai thode levadura pe lete ande gola efta llive, ka avel tradino katar o Israel.

Eksodo 12:19

Morabi te na avel levadura ande tumare chera efta llive, soke ko jala marrno kai thode levadura pe lete ka avel tradino katar o Israel, i te avela katar aver phuv o te avela katar o foro.

Matei 16:6

Ondaka o Jesus phenda lenge: Arakhen tumen katar e levadura e fariseonengi ta i katar e saduseura.

1 Korintios 5:8

Goleke, morabi te veseli amen ande amari Paskua e marnea kai inai le levadura, kai si o lachipe ta o chachipe, na e purane levaduraia kai si o bangipe ta o bilachipe.

Deuteronomio 16:4

Ande gala efta llive morabi te na dikhol e levadura ande sa tumari phuv ta katar o mas kai del kurbano o purvo llive pasa racha morabi te na achel niso thiarinake rano.

Josue 5:11

Ande gua llive jale marrno kai inai le levadura ta lliu peko. Ta thiarinako, mapalal katar e paskua, o foro jala katar e simicha e phuviaki.