Eksodo 12:12 - Biblia ande chib Romani

¹² Soke me ka nakhav goia riat katar sa o Ejipto ta ka rraniu merimaia sa e chaurren kai biandile o purvo, gola kai si e mai purane katar suako familia katar e ejipsiura. Gia katar e manusa ta i katar e zivirinie, ta ka chinav kris ta ka dosarav sa e devlen katar o Ejipto. Me o Del, phendem le.

Eksodo 12:12 Iomraidhean Croise

1 Kronikas 14:12

Ta e filisteura mukle chudine pe delen ta o David phenda te phabaren len.

Salmos 135:8

Vou cherda te merel o purvo chaurro katar suako familia katar e ejipsiura, ta o mai purano katar suako zivirinia.

Salmos 82:1

O Del si pe kris e delengi, ta chinel kris maskar e dela.

Salmos 82:6

Me phendem kai tumen sen dela, kai sa tumen sen chave katar o Del e milosoko.

Salmos 91:7

Ka meren milia pe chi rig stingo ta des milie pe chi rig e chachi a tute ni ka resen.

Salmos 95:3

Soke o Del si baro, o charo katar sa e dela.

Eksodo 12:23

Ondaka kana o Del ka nakhel te ranil merimaia e ejipsionen, ka dikhel o rat truial o udar, ta ka nakhel katar gua cher. Ta o Del ni ka mukel te del andre gua kai zatril, gia niko tumendar ni ka merel.

Eksodo 18:11

Braduisarda tumen katar e silne ejipsiura kai dukhavena tumen. Akana llanav kai o Del si mai baro neko sa e dela.

Eksodo 21:6

ondaka o gazda ka inllarel le kai e krisaria, kai si kai o udar katar e chara e Devleki, ta kote ka jiravel leko kan. Gia ka avel leko sluga ostade.

Eksodo 22:28

Na den orbe bilache katar o Del, ta na den armaia gole kai gazdaril pe cho foro.

Eksodo 6:2

Ta o Del phenda e Moiseseke: Me sem o Jeova.

Eksodo 9:6

Ta thiarinako, o Del cherda gaia ezgoda. Sa e zivirinie katar e ejipsiura mule, a katar e zivirinie katar o Israel ni mula ni iek lendar.

Isaias 19:1

E poroka po Ejipto. O Del llan upral pe iek oblako lokho, ta ka del ando Ejipto, ta e dela katar o Ejipto ka izdran angla le, ta ka phagol o lio katar e ejipsiura.

Jeremias 43:12

Ta ka phabarel e chera katar e dela katar o Ejipto, len ka inllarel phangle ta ka chistol o Ejipto gia sar o chobano chistol po gertachi ta ka likel kotar ande pas.

Jeremias 43:13

Ta i ka phagel e slike katar o Bet Semes kai si ando Ejipto ta ka phabarel e chera katar e dela kai si ando Ejipto.

Jeremias 46:25

O Del kai si le sa e zor, o Del katar o Israel phenda: Me dukhavav e Amone del katar o Tebas, e Faraono, e Ejipto, leke delen ta sa golen kai uzdinpe ande lende.

Ezekiel 12:16

Ta ka cherav nesave lendar te nasen katar o jarni, katar e bok ta katar o nasualipe, te sai den orba katar lengo gadope ande sa e phuvia kai ka aven, ta ka llanen kai me sem o Del.

Amos 5:17

Ande suako vostano drakhako ka roven kana me ka avav te pativ tumen. Gia phenda le o Del.

Sofonias 2:11

E joli e Devleki ka avel bari pe lende, soke ka zatril sa e delen katar e phuv, ta katar suako phuv ka den tenemava angla le.

Numeros 33:4

kana e ejipsiora prajona sa pe churren amai purane, soke o Del cherdaia len te meren, ta chindaia kris pe lenge dela.

1 Samuel 5:3

Thiarinako e llene katar o Asdod dikhle kai o Dagon saia peradino angla e arka e Devleki, ta thode e Dagone pe porrne pe po than.

1 Samuel 6:5

Cheren tumen slike sargo gute ta sargo e misiakura kai zatrin e phuv. Den liubao e Devle katar o Israel, gia sai avelpe kai ni ka dukhavel tumen ios, ta ni ka dukhavel ios tumare delen ta tumare phuvia.