Eksodo 11:1 - Biblia ande chib Romani

¹ O Del phenda e Moiseseke: Ka anav aver zatrania po Faraon ta po Ejipto, ta mapalal katar gaia zatrania o Faraon na samo ka mukel tumen te llantar, isto vou ka tradel tumen katar.

Eksodo 11:1 Iomraidhean Croise

Кэздэто 15:14

A goia phuv kai ka cherel tumenchar gava, me ka dukhavav la, ta mapalal ka cherav chi vicha te likel kotar bare barvalimaia.

Job 10:17

Nevo zumadipe thove pe mande, ta bariardan chi joli pe mande sargo boñikura kai marenpe ta ni achen.

Eksodo 12:29

Ondaka kana saia o dopas katar e riat, o Del ranisarda merimaia e chaurren e mai puranen katar suako familia ande phuv katar o Ejipto, katar o chaurro o mai purano katar o Faraon kai besela pe leko trono, llik kai o chaurro o mai purano katar o lleno kai si ande rubie, ta e mai purane katar e zivirinie.

Eksodo 3:20

Goleke, me ka sikavav mi zor ta ka rraniu merimaia e ejipsionen, ta pala e bare ezgode kai ka cherav ande lengi phuv, o Faraon ka mukel tumen te llan.

Eksodo 6:1

Ondaka o Del phenda e Moiseseke: Akana ka dikhe so ka cherav e Faraonoia, soke samo zoriaia ka mukel tumen te liken katar pi phuv, ta isto vou ka phenel tumenge te llantar.

Eksodo 9:14

Soke akana ka bichalav sa me zatranie pe tute, ta pe llene kai radin chuke ta pe sa cho foro, te sai llane kai inai niko sargo me pe sa e phuv.

Levitiko 26:21

A tumen pale te vazdiniaona pe ma ta ni kamena te kanden man, me pale ka dukhavav tumen efta droma mai but, prema tumaro bilachipe.

Deuteronomio 4:34

¿Saia vareso del kai esvirisarda iek foro maskaral katar aver forura, ta te cherel bare ezgode devlikane te dikhon ta po maripe te sikavel pe kabor zor, ta te cherel pe kabor ezgode darane, gia sar cherda len o Del tumaro Gazda ando Ejipto?

Apokalipsis 16:9

Ta e manusa phabile e bare tatimaia, ta kusle e Devleko anav kai si le e zor pe gala zatranie ta ni keisaile te blagosin le.

1 Samuel 6:4

A von puchle: ¿Savi ofrenda sai da te na avel o Del joliariko pe amende? A e popura phende lenge: Panch slike sunakune sargo gute, iek pe suako gazda katar e filisteura. Panch misiakura sunakune, soke isto goia muka peli pe tumende ta i pe tumare gazda.