Eksodo 10:2 - Biblia ande chib Romani

² te sai tu phene che chaurrenge ta che unukonenge e ezgode kai me cherdem ando Ejipto, ta e bare ezgode kai cherdem te dikhon maskar lende. Ta gia tumen ka llanen kai me sem o Del.

Eksodo 10:2 Iomraidhean Croise

2 Samuel 7:22

Goleke, ¡gia baro san Devla! Niko inai sargo tu ta inai aver Del. Samo tu san o Del, gia sar asundam le.

Salmos 44:1

¡Ioi Devla! amare purane phende amenge so cherdan ande gola llivesa, e llivesa e purane.

Salmos 44:2

Tu, che vastenchar ikandan avere phuvien ta thodan amare puranen.

Salmos 58:11

Ta ondaka ka phenel: ¡Mol le but te ave chacho! ¡Soke si iek Del kai krisil e sueto!

Salmos 71:18

A akana Devla kai avel o phuripe ta e bal parrne, na muk man, soke trubul te dav orba katar chi zor gale llenenge ta i golenge kai si te aven mai angle.

Salmos 78:3

Sogo asundam ta llana kai amare dada phende amenge,

Eksodo 13:14

Ta kana tumare chaurre ka puchen tumen: ¿So si gala ezgode kai cheren? Tumen ka phenen lenge: O Del ikanda amen pe bare zoriaia katar o Ejipto, kote kai zivia sargo sluge.

Eksodo 14:18

Ta kana ka sikavav mi zor ando Faraon, ta ande leke bordona ta pe llene kai llan pe gra, e ejipsiura ka llanen kai me sem o Del.

Eksodo 14:4

A me ka zuriarav o lio e Faraonoko te sai llal pala tumende. Ondaka ka sikavav mi zor pe lete, ta pe sa e llene kai llan lea te marenpe, ta e ejipsiura ka llanen kai me sem o Del. Ta von cherde le gia.

Eksodo 7:17

goleke, o Del phenda: Akana ka llane kai me sem o Del. Kana me ka chalavav o pai gale rovliaia kai si ande mo va, o pai ka cherdol rat.

Eksodo 7:5

Ta kana ka sikavav mi zor po foro katar o Ejipto, ta kana ka ikanav kotar e israelen, e ejipsiura ka llanen kai me sem o Del.

Eksodo 8:6

Ondaka o Aaron inzarda po va pe paia, ta sa e phuv pherdili zambuke.

Isaias 38:19

Samo gua kai zivil ka blagosil tut, gia sargo me allive, o dad ka sikavel cho chachipe pe chaurrenge.

Ezekiel 20:26

Ta me meliardem lenge purve chaurren ande ezgode dine kana nakhavena len pe iag, te sai mukav len puste ta te llanen kai me sem o Del.

Ezekiel 20:28

Soke me andem len ande phuv kai me vazdiem mo va ta jalem sovel kai ka dav le lenge, ta dikhle pe suako burdo baro ta pe suako kas baro, ta kote cherde pe kurbanura ta die ezgode dine kai joliaren man, ta i kote thode po taimano kai khandel sukar, ta kote chudie e mol.

Joel 1:3

Phenen le tumare chavenge, a tumare chave te phenen le pe chaurrenge, ta lenge chaurre te phenel le ogole vichake.

Efesios 6:4

Ta tumen kai sen dada, na cheren tumare chaurren te joliaon, mai sukar sikaven len ando bizaipe kai mangel o Gazda.

Deuteronomio 4:9

Goleke arakhen tumen te na bristaren e ezgode kai dikhlen ta te na duriaven len katar tumare mislura. Mai sukar sikaven len tumare chaurrenge ta tumare unukonenge.