Zakari 9:6 - Bible azumeina

⁶ Suma a vud’uzi akulo dangdalina a mba kak kur Asdot. An mba ni hulong yam mba ad’enga hi suma Filistê-nid’a kä.

Zakari 9:6 Iomraidhean Croise

Ma tchi wala 6:2

Sama Alona mi hum ndjondjoîd’a ngola ki suburina, mi nga. Vama tu ma mi minim ma kid’agam nga d’i. Wani Alona mi aram nga lovota á tat ti, kayam ni sama dingâ ba, mi tad’u. Ndata ni sun nda hawa yak ka tcho d’a kala.

Isai 23:9

Ni Ma didin ma ad’engêm kal petna ba, mi nga hurum hina á hulong yam suma yam mba ad’eng suma a nga subur tazina kä, á hulong yam suma pet suma a nga hazi ngola ka hî yam andagad’ina yazi kä mi.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Jeremi 47:1

Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Sofoni 2:10

Ahle ndazina a mba mba kazi hina kayam subur ta mazid’a, kayam a hle yazi akulo, a ngul suma hi Ma didin ma ad’engêm kal petnina.

Sofoni 2:4

A mba ar Gaza woyo, Askalon mba d’i mbut djona, a mba dik suma Asdot-na falei d’ad’ar, a mba tchi suma Ekron-na woi pepet mi.

Zakari 9:5

Suma Askalon-na a mba we, a mba le mandarâ, suma Gaza-na a mba zlaga, suma Ekron-na a mba zlak mi, kayam a mbut zulona yam hur mazi ma tinda. A mba famul kur Gaza d’uo d’a, a mba fe sama kak kur Askalon nduo mi.

Zakari 9:7

An mba ni prud’uzi hliu ma arina woi avunaziya, an mba ni prud’uzi ahle suma ndjendje suma a nga mud’uzi avunazina woyo. Mazi suma a arâ a mba arî suma hAlo meinina, azi mba mbut ni d’igi suma nglo suma avok sumina na avo Juda, suma Ekron-na a mba mbut ni d’igi suma Jebus-sâ na mi.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.