Zakari 9:12 - Bible azumeina

¹² Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Zakari 9:12 Iomraidhean Croise

Wana ni mbaktumba hi Job-pa 42:10

Bugol la Job mi tchen yam buniyôma tchenda, Ma didina mi hulongôm tinda kur djivi mam mba adjeud’a. Mi hulong mi hum ahlena yam ahle suma mam nga ki sed’ezi adjeu suma a ba woina kam kua mbàmbà.

Isai 24:22

Mba mi togozi zla tazi pet, mba mi tchuguzi dangeina kur zula, mba mi tchuguzi kur gong nga dangeina. Bugol burâ ablaud’a, mba mi buzuguzï woi abu á kazi sariyad’a kaziya.

Isai 38:18

Nga ni suma ata yima azuleinina ba, a mba suburung ngi, nga ni matna ba, mba mi gileng ngi; nga ni suma a nga i kä azuleina ba, a tin huruzi yam d’engzeng manga d’uo mi.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 49:9

á de mi suma kur dangeinina ala: Agi buzugugi woyo, á de mi suma a nga kur nduvundina ala: Agi buzugugi woyo mi. Azi mba te hatna avun lovota d’igi tumiyôna na, azi mba te hatna akulo yam yima ndingâ pet mi.

Isai 52:2

Ndak Jerusalem, ndak tchol akulo, ndak po gugum ma ata’â woyo. Ndak gor wei d’a Siyon nda avok kur magombid’a, ndak kak kä á but ziyo ma a djiniksi kele’â woyo.

Isai 61:7

Yam zulo ma lagina a mba wuragagi ahlena mbàmbà, agi mba lagi furîd’a balum mang nga a mangâgi woid’a. A mba wuragagi ahlena mbàmbà kur ambas magid’a; furî d’a didinda ti mba d’i arî magid’a.

Jeremi 14:8

Ang ma Israel-lâ a tin huruzi kangâ, ang ma sud’uzi woi ata yima ndaka mba kazina, ni kayam me ba, ang kak d’igi sama ding ma mi kal tita kur ambasina na d’oze d’igi akoi ma mi ve zlub’ud’a á le bur tu go na na ge?

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Jeremi 17:13

Ma didina, angî ma Israel-lâ a tin huruzi kangâ, suma a arang ngeina, zulona mba mi laziya; suma a wal lei ki sed’engâ a mba dap pei d’igi simi ma a b’irim kä aduk andaga d’a gugud’upa na, kayam a arang ang Ma didina mbiyo ma lau ma arid’a woyo.

Jeremi 31:17

Ma didina mi de kua ala: Hur ma tinda mi nga yam andjavagu; gro’â a mba mba yam ambas mazid’a.

Jeremi 31:6

Bur ma dingâ nga mba. Kur bur máma suma ndjol suma akulo yam ahuniyô suma Efraim-mina a mba yi akulo ala: Agi tchologi akulo, i djagei akulo Siyon gen Ma didina Alo meina.

Jeremi 50:28

Suma ring suma a sud’ï woi yam ambas sa Babilon-ndina, a nga de woi yam atchugul la sad’a hi Ma didina Alo meinid’a kur Siyon, natchugul la sa d’a yam gong mam mba kud’orid’a.

Jeremi 51:10

Ma didina mi ndeï ad’u d’ingêr meid’a woi abu da’. Mbeyegïya, ei i vei ad’ud’a woi yam sunda hi Ma didina Alo meinid’a kur Siyon.

Ezekiyel 37:11

Ma didina mi dan ala: Israel-lâ a ni d’igi asok ma wana na. Azi nga de tazi ala: Asogei mi mbut ablarid’a, hur mei ma tinda mi dap peyo, ei bei woi da’!

Wana ni mbaktumba hi Oze-d’a 2:15

An Ma didina ni dala: An mba ni wuragat yam bur ma ndat ti ngal dubang ma his djivid’ina mi Bäl ti nik ngangama atchinat ti tchuk hed’euna kelet ti ring bugol buniyôtna ti maran ndei na.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Mise 4:8

Ang yima nding ma Jerusalem ma kak ndjola yam suma d’igi gong nga fiyak ka ndjola na na, ar ndjö ang mba fad’eng mang nga avoka. Ang azì ma ngol ma Jerusalem-ma, ang mba mbut nazì ma ngol ma awili ma kur leud’ina.

Nahum 1:7

Ma didina ni ma djivina, ni yima ngeid’a kur bur ma ndaka, nga mi ngom suma a nga ngei tazi atama mi.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

Hebre-na 6:19

Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.