Zakari 9:10 - Bible azumeina

¹⁰ An mba ni yo pus ma dur ayîna hi suma Efraim-mina woyo, an mba ni yo akulumei suma Jerusalem-ma woyo, an mba ni yo yeû d’a dur ayîna woi mi. Amul máma mba mi de zla b’leng nga halasa mandjaf suma, mba mi te leud’a gak avun dabid’a handagad’id’a, avun alum ma ngolâ abo hî abo hî mi.

Zakari 9:10 Iomraidhean Croise

1 Amuleina 4:21

Salomon mi te yam leu d’a ding nga nguyumba pet, tinï ad’ud’a avun alum ma Efrat-na dei gak mba kur ambas sa Filistê-d’a, gak mi yoï hagad’a ki Ezipte. Kid’a mam nga ki iram tua d’a, amulei suma kur ambas ndatina pet a ge yazi kä ad’umu, a nga hum tara mi.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Sawal la giled’a 72:3

Ar ahuniyô suma Israel-lâ a mba ki duzîd’a, ar yi mat ma ndingâ mi zul ahlena yam d’ingêra.

Sawal la giled’a 85:8

Ma didina, ang tagami o mang nga didinda, ang sud’umiya.

Sawal la giled’a 89:26

An mba ni hum ad’enga á te yam alum ma ngolâ, yam alum ma gureina mi.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 2:4

Mam mba mi mbut ni ma ka sariyad’a aduk andjaf suma, mba mi mbut ni ma min zlad’a aduk andjaf suma ablauna. Mbuguyo mazi suma fuyogeina a mba zlazi sï kowuyona, asubuyo mazina a mba zlazi mbaragumba. Andjaf ma ding mba mi tchol durâ kandjaf ma ding ngi, sa mba mi hat ayî ma dur ruo mi.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 60:12

Andjaf suma d’oze andjaf suma kur leud’a a mba lak sunda d’uo na, a mba tchazi woyo; andjaf máma a mba dabam mbei pepet mi.

Wana ni mbaktumba hi Oze-d’a 1:7

Wani an mba ni we hohowa suma Juda-na. An Ma didina Alo mazina, an mba ni sud’uziya, wani nga ni ki yeûd’a d’oze mbigeu d’a fiyaka d’oze ki durâ d’oze kakulumeina d’oze ki suma djang akulumeina d’uo mi.

Wana ni mbaktumba hi Oze-d’a 2:18

Ma didina mi de kua ala: Kur bur máma ndak mba d’i yan ala ndjuvunu, ndak mba d’i yan ala Bäl ma salana d’uo d’a.

Wana ni mbaktumba hi Oze-d’a 2:20

Kur bur máma an mba ni djin vunan ki sum mana kahle suma abageina kaluwei suma akulona kahle suma a dram kä yam andagad’ina mi, an mba ni kus yeûd’a ki mbigeu d’a fiyaka kahle suma dur ayîna woi pet kur ambasa, an mba ni arazi á tuk tazi ki halasa.

Mise 4:8

Ang yima nding ma Jerusalem ma kak ndjola yam suma d’igi gong nga fiyak ka ndjola na na, ar ndjö ang mba fad’eng mang nga avoka. Ang azì ma ngol ma Jerusalem-ma, ang mba mbut nazì ma ngol ma awili ma kur leud’ina.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Mise 5:9

Ma didina mi dala: Kur bur máma an mba ni tchagi akulumei magina woyo, an mba ni b’lagagi pus magi ma dur ayîna woi mi.

Wana ni mbaktumba hi Aze-d’a 2:22

an mba ni zut amuleina kä woi yam zlumiyô mazina, an mba ni b’lak ad’enga handjaf suma a nga te leud’ina woyo, an mba ni zut pus ma dur ayîna ki suma a nga djangâma kä, an mba ni puk akulumeina ki suma a nga djangâzina kä, nge nge pî mba mi tchi ndrama ki mbigeu d’a fiyaka mi.

Sunda hi suma a sunuzinid’a 10:36

Agi wagi zla d’a Alona mi sunut mi Israel-lâ d’a. Mi sunuzi Zla d’a Djivi d’a b’leng nga halas sa tcholï ata Jesus Christ-sa. Mam mi ma Sala suma pet.

2 Korente-na 5:18

Ahle ndazina pet a tcholï nata Alona, mam ma mi zlabei darigïd’a ki mam yam Christ-sâ, mi hami sunda á zlap suma dingâ darigïd’a ki mam mi.

2 Korente-na 5:20

Kayam ndata, ami mbud’umi suma sunda vrak balum Christ d’igi Alona tamba mi yagi yam wal mami d’a tchid’a na. Ami nga tchenegi ki simiyê Christ ala: Ar agi zlabagi darigïd’a kAlona.

Gat ta a hat á mbàd’id’a 11:24

Ata yima lara ma agi mba tinigi asegi kuana pet, mba mi arî magina, haga magid’a mba d’i tinï ad’ud’a ni hur fulâ dei gak ti mba avo Liban, ti kal gak ti i avun alum ma Efrat-na ti djak gak ti i avun alum ma ngol ma Mediterane-na abo ma fladegena.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.