Zakari 8:23 - Bible azumeina

²³ An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Zakari 8:23 Iomraidhean Croise

Ad’u Tinda 31:41

An le bizad’a avo hatangî dok mbà, an lang sunda bizad’a dogo yam fid’i yam grong suma mbàna, bizad’a karagaya yam d’uwar mangâ, wani ang mbud’un wurak manda yang dodogo.

Ad’u Tinda 31:7

Wani abugi mi lan iranu, mi mbud’un wurak manda yam dogo, wani Alona mi aram nga á lan vama tcho d’i.

2 Amuleina 2:6

Elie mi de mi Elise kua ala: An nga ni tchenengû, ang kak ka hî. Ma didina mi sunun avun alum ma Jurdê-na. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi tchuk tazi tita asem tazi djak.

1 Sunda Hamuleinid’a 12:18

Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala: David, ami ni sum mangâ! Ami imi nad’ung ang Jesse goroma! Ar va mi lang ngi! Suma a ndjunungâ, va mi lazi d’uo mi! Kayam Alona mi ndjunung wa da’! David mi vazi atamu, mi tinizi nglod’a yam sum mama.

2 Sunda Hamuleinid’a 15:9

Mi tok suma Juda-na ki suma Benjamin-na pet, mi tok suma Efraim-ma ki suma hi Manase-na ki suma hi Simeon suma a nga kaka adigazina mi. Kayam ata yima Israel-lâ a we d’ala Ma didina Alo mama mi nga ki sed’emu d’a, ablaud’a a zlap ki sed’emu.

Ester 8:17

Kur ambas sa lara, kur azì ma ngol ma lara ma vun ma hed’a hamulîna ki gat mamba i kuana, Juif-fâ a le furîd’a, a le te ma ngolâ, a lü vun tilâ mi. Suma dingâ ablaud’a a mbut tazi Juif-fâ kayam mandarâ hi Juif-fîna mi vaziya.

Wana ni mbaktumba hi Job-pa 19:3

Wana ni yagi á dogo d’a ba, agi nga ngulunu! Ndak ka agi nga landji wanda, zulo nga mi lagi avun nduo zu?

Ma tchi wala 11:2

Ang b’rau te mangâ mi suma ad’u kid’iziya d’oze ad’u klavandi, kayam ang we nga ndaka nga d’i mba yam andagad’id’a d’i.

Isai 3:6

Ata yi máma sana mba mi ve wiyema kur azina habuma ndinding, mba mi dum ala: Ang nga ki baru d’a ngola. Kayam ndata, ang kak amula kamiya, ang te yam ambas sa b’lak kei ndata!

Isai 4:1

Kur bur máma aropma kid’iziya a mba ve mandjuf ma tuna, a mba dum ala: Ami halami te mamina ni yam tamiya, ami halami baru mamina ni yam tami mi, wani ar a yami ni ki simiyêng go. Hina wani, ang mba hlami zulo mamina woi kamiya.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Isai 55:5

Gola! Ang mba yi andjaf suma ang wazi nga yang tu d’uo na; andjaf suma a wang nga yazi tu d’uo na a mba ring geveng zuzuk, yam an Ma didina Alo mang ma tin tan irat vat yam Israel-lâ ma ni hang ngolîna.

Isai 60:14

Suma a lak ndakina grozina a mba hulong yazi kä avorogu, suma pet suma a golok isâ a mba grif kä avorogu, a mba yak ala Azì ma ngolâ hi Ma didinina, Siyon-nda hi Ma tin tam irat vat yam Israel-lînid’a.

Isai 60:3

Andjaf suma a mba mba kur b’o maka, amuleina a mba mba kur wile mak ka nga d’i wile kaka mi.

Isai 66:18

An we sun mazid’a ki djib’er mazid’a. Yina mi mba wa á tok andjaf suma pet ki vun ma de ma lara pet, a mba mba á we subur manda.

Mise 5:5

A mba te yam ambas sa Asiri d’a hi Nimrot-ta ni kahle mazi suma sïna. Ata yima suma Asiri-na a mba mba yam ambas meid’a a mba kal yam andaga meid’ina, mam mba mi pad’ei woi aboziya.

Sofoni 3:19

Kur atchogoi ndata, an mba ni tchol ni ngop suma a nga lagi ndakina, an mba ni sut suma dileîd’a, an mba ni togï suma a digizi woina mi, an mba ni mbud’uzi ni vama giled’a, an mba ni mbud’uzi vama simiyêm mi yi yam andaga d’a lara ge d’a azi nga kur zulona kuad’a.

Ndumba 14:22

Suma pet suma a we subur manda kahle suma simat suma an lazi avo Ezipte kabagei hur fulâ suma a kugun ndei yazi dogo suma a humun nga vunan nduo na,

Wana ni Zla d’a Djivi d’a Luc mi b’irita 8:44

Ti i bugol Jesus, ti dom vun baru mama. Atogo hina zak, buzu mat ma djangâ mi ka.

Sunda hi suma a sunuzinid’a 19:12

A nga yo baru mam mba set zumala ki baru d’a atamba, a nga tchuguzi yam suma tugud’eid’a. Tugud’eid’a teteng ti araziya, muzuk ma teteng ma tchona mi nde woi kuruzi mi.

1 Korente-na 14:25

Djib’er ra nga ngeid’a kurumba mba d’i nde woi pid’agï. Ata yi máma, mba mi ge tam kä, mba mi kud’or Alona, mba mi dala: Gagazi, Alona mi nga adigagiya.

Josue 8:35

Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.