Zakari 8:19 - Bible azumeina

¹⁹ An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Zakari 8:19 Iomraidhean Croise

2 Amuleina 25:1

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

2 Amuleina 25:25

Wani kur til ma kid’iziyana hi biza ndatina Ismael Netaniya goroma Elisama gorom ngolo ma ad’u andjaf ma amulina, mi yo suma ad’um dogo. A i Mispa, a tchi Gedaliya ki suma Juda-na ki suma Babilon suma a nga avo hatama mi.

Ester 8:17

Kur ambas sa lara, kur azì ma ngol ma lara ma vun ma hed’a hamulîna ki gat mamba i kuana, Juif-fâ a le furîd’a, a le te ma ngolâ, a lü vun tilâ mi. Suma dingâ ablaud’a a mbut tazi Juif-fâ kayam mandarâ hi Juif-fîna mi vaziya.

Ester 9:22

Kayam bur máma ni bur ma agi sagi atchugulugi ki magi suma djangûnina. Ni til ma hur ma wura magina mi mbut hur ma hapmina, yor ta magid’a ti mbut furîd’ina mi, ni bur ma agi lagi te ma luna á lagi furîd’ina. Nge nge pî adigagi mi sun ahlena mi ndrama, mi he he d’a hawad’a mi suma houd’a mi.

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Isai 51:11

Ni hina ba, suma Ma didina mi prud’uzi woina, a mba hulongîya, a mba mba kur Siyon ki sawal la bangâna. Furî d’a didinda mba d’i mbut navaval la kazid’a, a mba le hur ma hapma ki furîd’a. Hur ma wurana ki zam tad’a a mba kal lei mi.

Jeremi 36:6

Ang tanga i ndumuzi zlad’a hi Ma didina d’a an dangzi ki yan ang b’irit kur mbaktum mba d’utid’a avok suma kur gong ndatina kur bur ma a d’el tazi bei te tenina, ang ndumut avok suma Juda suma a nga buzugï kur aziyazi ma nglonina pet mi.

Jeremi 39:2

Kur biza d’a dogo yam tu d’a Sedekiyas nga mi tamulid’a kur bur ma zlengîna hi til ma fid’inina, azigar suma Babilon-na a tcho ir gulumuna hazì ma ngolîna.

Jeremi 52:4

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

Ezekiyel 18:8

nga mi he va mi sa ki mbina d’i, nga mi hal mbina abo sa d’i, nga mi ve bege d’a mbut ira abo sa d’i, nga mi ka sariya d’a gagazid’a aduk sana ki ndrama,

Ezekiyel 24:1

Kur biza d’a zlengîd’a bugol la a yomi magombid’a, kur bur ma dogona hi til ma dogonina, Ma didina mi dan ala:

Zakari 7:3

á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?

Zakari 8:16

Wana nahle suma agi lagizina: Ar sama lara pî mi de ni zla d’a gagazid’a mi ndrama, ar agi kagi ni sariya d’a d’ingêr ra irata á mba ki b’leng nga halasa,

Zakari 8:18

Ma didin ma ad’engêm kal petna mi dan ala:

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.