Zakari 7:9 - Bible azumeina

⁹ Ang ge hum suma yam zla d’a an Ma didin ma ad’engên kal petna ni dat adjeu ala: Agi kagi sariya d’a d’ingêra, agi wagi hohou tagiya,

Zakari 7:9 Iomraidhean Croise

2 Samuel 9:7

David mi dum ala: Ang le mandar ri. An min lang djivid’a yam abung Jonatan, an nga ni hulongông siliud’a habung ngolo Saul-la pet. Vama kalâ, ang mba te tena ki sed’en yam tabul mana burâ ki burâ.

Wana ni mbaktumba hi Job-pa 31:20

an ni hazi tumus tumiyô mana á vazi tazi d’ut. Bugola, a lan mersi kat mi.

Wana ni mbaktumba hi Job-pa 6:14

Sama nga kur ndakina, ni banama ba, mba mi wum hohowomu. Le d’uo ni, mba mi ar bei le mandara Alo ma ad’engêm kal petna.

Zla d’a d’ogolâ 21:3

Tit ta yam d’ingêra ki gagazid’id’a ni vama le Ma didina tam djivid’a kal ahle suma ngat buzunina.

Jeremi 21:12

Agi suma hi David-na, Ma didina mi dala: Agi kagi sariya d’a d’ingêra yorogo, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Le d’uo ni, ayî mana mba mi fo d’igi akud’a na, mba mi ngal ahlena woi pet bei sana ndak á tchum mbei ba, kayam sun magi d’a asa’at ta agi lata.

Jeremi 22:3

Ma didina mi dala: Ar agi kagi sariya d’a d’ingêra, agi prud’ugi suma a b’ad’azi ahligiyezina woi abo suma a nga b’ad’azi ahligiyezi kad’engina. Ar agi lagi angeina d’oze ma hokuyod’a d’oze ta modonod’a tchod’a d’i, ar agi lagi murud’umba d’i, ar agi tchagi suma bei zlad’a kazi ba na kä ata yima wana d’uo mi.

Jeremi 7:23

Wani vun ma an hazizina ba wana: An dazi ala: Agi humun vunanu. Hina wani, an mba ni arî Alo magina, agi mba kagi ni sum mana mi. Agi tid’igi kur lovot ta an hagi vuna kata, agi mba kagagi ki furîd’a mi.

Jeremi 7:5

Le agi minigi lovot magid’a ki sun magi d’a led’a gagazi, le agi kagi sariya d’a gagazid’a aduk tagi gagazi,

Ezekiyel 18:8

nga mi he va mi sa ki mbina d’i, nga mi hal mbina abo sa d’i, nga mi ve bege d’a mbut ira abo sa d’i, nga mi ka sariya d’a gagazid’a aduk sana ki ndrama,

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Wana ni mbaktumba hi Oze-d’a 12:7

mi de mi Jakob ala: Ang hulongî gen an Alo mangâ mbeî, ang le djivid’a, ang tit yam d’ingêra, ang tin hurung kan an Alo mangâ burâ ki burâ mi.

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Amos 5:24

Wani agi aragi sariya d’a d’ingêra ti djang d’igi mbina na, agi aragi d’ingêra ti djang d’igi toliyon nda bei sod’a ba d’a na mi.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Zakari 7:7

Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?

Zakari 7:8

Ma didina mi dan ala:

Matiye 23:23

Ni zla d’a hohoud’a kagi agi suma hat gata ki Fariziyê suma lop ira, kayam agi nga hagi dim d’utna, nala, mêta ki aneta ki kumina. Agi aragi ahle suma kal tegles kur gatina woi ta, nala, d’ingêra ki we hohowa suma ki d’engzenga. Djivid’a agi lagi ahle ndazina bei ar suma hiuna woi mi.

Wana ni Zla d’a Djivi d’a Luc mi b’irita 11:42

Wani ni zla d’a hohoud’a kagi agi Fariziyêna, kayam agi hagi dim d’utna, nala, mêta ki rud’a ki d’utna pet. Agi aragi d’ingêra ki od’a hAlonid’a woyo. Wani djivid’a agi lagiziya, agi aragi ma dingâ bei led’a d’i.

Jean 7:24

Ar agi kagi sariyad’a yam vama agi wagizi ki iragi hawa go na d’i, wani ar agi kagi ni sariya d’a d’ingêra.

Jean 7:51

Gat meid’a ka sariyad’a yam sana adjeu bei humum zla mamba bei we vama mi luma mi zu?

Gat ta a hat á mbàd’id’a 22:1

Moise mi de kua ala: Le agi wagi amuhlâ d’oze timina hi ndraginina nga mi i á bad’a woyo ni, agi aram mi ba woi d’i, agi vum im mi salama.