Zakari 7:6 - Bible azumeina

⁶ Ata yima agi nga tagi agi nga tchagina, ná lagi agi tagi djivid’a d’uo zu?

Zakari 7:6 Iomraidhean Croise

1 Sunda Hamuleinid’a 29:22

Kur bur máma a te, a tche avok Ma didina ki furîd’a ngola, a tin Salomon David goroma amula yazi á mbàd’a, a vom mbulâ kam avok Ma didina kayam mi tak lovota mi Israel-lâ, a vo mbulâ yam Sadok kayam mi kak ma ngolâ hi suma ngat buzunina mi.

Isai 43:23

Agi han nga gro tumiyô magina he d’a hawa d’a ngala d’i, agi suburun nga kahle magi suma ngat buzuna d’i. An lagi nga kad’enga á han he d’a hawad’a d’i, an kawagi nga á han andosâ hi dubang magi ma his djivid’ina d’uo mi.

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Wana ni mbaktumba hi Oze-d’a 8:13

Azi nga ngat ahle suma azi nga handjina, a nga mud’uzi hliwiziya. Wani an Ma didina tan nga d’i lan djivid’a kazi d’i, an nga ni djib’er yam tcho mazid’a, an mba ni mba, ni ngobozi yam tcho mazid’a mi. Azi mba hulong Ezipte.

Wana ni mbaktumba hi Oze-d’a 9:4

Suma Efraim-ma a mba he he d’a hawa d’a süm guguzlud’a d’i; ahle mazi suma ngat buzuna Ma didina tam mba d’i lum djivid’a kazi d’i. A mba mbut ni d’igi te ma hohoud’a na kaziya. Suma pet suma a mba tazina a mba mbut ndjendjed’a, kayam te mazina mba mi arî kazi azi hol, a mba i ki te máma kur gong nga kud’ora hi Ma didinid’a d’i.

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?

Zakari 7:7

Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?

1 Korente-na 10:31

Le agi nga tagiya, le agi nga tchagiya, d’oze le agi nga lagi ni va ni, ar agi lagi ahlena pet ná subur Alona.

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

Gat ta a hat á mbàd’id’a 14:26

Ni kua ba, agi mba guzugi ahle suma agi minizina, nala, d’uwar ma nglona ki ma gureina, süm guguzlud’a ki süm ma ding ma ayîna. Agi ki sum magina, agi tagizi avok Ma didina Alo magina ki furîd’a.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.