Zakari 7:12 - Bible azumeina

¹² Azi b’al huruzi ad’enga d’igi kaweina na, azi min nga á tit yam gata hi an Ma didin ma ad’engên kal petna d’a an djogozizi kur Muzuk mana avun suma djok vuna adjeud’a d’i. Ata yi máma an hurun zal ngola,

Zakari 7:12 Iomraidhean Croise

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Wana ni mbaktumba hi Job-pa 9:4

Ned’a ni mamba, ad’eng nga kal teglesa ni mamba mi. Ni nge ba, mi d’elem bei mi ngobom ge?

Buzuk ka Abud’a 7:13

Wani Faron mi b’al hurum kiki, mi hum nga Moise azi ki Aron d’igi Ma didina mi dazi adjeu na d’i.

Isai 46:12

Agi suma hurugi b’ala suma walagi woi dei ki d’ingêrina, agi humugiya.

Isai 48:4

Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Isai 6:10

Ang b’al sum ndazina huruziya, ang tozozi humazi woyo, ang duguzi irazi woi tala a we ki irazi a hum ki humazi a wat ad’ut a mbut huruzi ba, an sud’uziya d’a d’i.

Isai 65:12

an nga ni hagi woi avun ayîna. Agi pet mba grivigi kä á ngad’agiya, kayam an yagiya, wani agi hulongôn nga humba d’i, an dagi zlad’a, wani agi humugi nga d’uo mi. Wani agi lagi ni sun nda tchod’a avoronu, agi managi ni vama tan lan nga djivi kam mbuo na mi.

Jeremi 17:1

Tchilad’a hi suma Juda-nid’a, a b’irit ni ki plim ma kawei ma ahina d’a a yat ala diyamanda ti nga nika avunama, a b’irit ni kur tablo ma kuruzi krovona, ata adif yi mazi ma ngal ahle suma ngat buzuna teteng mi.

Jeremi 17:23

Wani azi humun nga d’i, a tin nga humazi á humun ndi, a tos humazi woi á humunu, a hum nga gat manda d’uo mi.

Jeremi 26:19

Na ni Ezekiyas amul ma Juda-na ki suma Juda-na pet a tchum zu? Ezekiyas mi le nga mandara Ma didina d’uo zu? Mi tchen nga Ma didina ba, Ma didina mi ar nga tcho d’a mi ngat kurum á lazizid’a woi mi d’uo zu? Ei lei hî ni tei tcho d’a ngola d’uo zu?

Jeremi 42:21

Wani an nga ni vagizi ad’uzi ini, wani agi nga humugi dela hi Ma didina Alo maginid’a d’oze ahlena pet suma mam han vuna kazi á dagizina d’uo mi.

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 7:20

Kayam ndata, Salad’a Ma didina mi dala: Gola! An tchol kayîna ki hur ma zala yam yima wana, yam suma, yam d’uwarâ, yam agu ma abageina, yam ahle suma a nga vut yam andagad’ina mi. Ayî mana mba mi ngalazi woi d’igi akud’a na bei mit tei ba.

Ezekiyel 11:19

An mba ni hagi hur ma tuna, an mba ni hagi muzuk ma awilina kurugiya, an mba ni pat hurâ hahinad’a ma kurugina woyo, an mba ni hagi hurâ hi sanina kurugi

Ezekiyel 14:5

Hina wani, zlad’a mba d’i ve Israel suma a wal ki sed’en yam filei mazi ma tetengâ kuruzi krovo.

Ezekiyel 2:4

Ni suma zulo nga irazi d’uo na, suma huruzi b’alina. An nga ni sunung geveziya. Ang i dazi ala: Wana ni zla d’a Salad’a Ma didina mi data.

Ezekiyel 36:26

An mba ni hagi hur ma awilina, an mba ni hagi muzuk ma awilina kurugiya, an mba ni pat hurugi ma ad’enga d’igi ahinad’a na na woyo, an mba ni hagi hurâ hi sanina kurugiya.

Zakari 1:2

Ang he vuna mi Israel-lâ ala: An Ma didin ma ad’engên kal petna hurun mi zal ngola yam abuyogi ngolo. Wani an hlagi vunan ala: Le agi hulongôgi geven an Ma didina ni, an mba ni hulongî gevegi mi.

Zakari 7:7

Agi wagi nga zla d’a Ma didina mi dat mi suma djok vuna kid’a Jerusalem nga kaka tchugot kazì ma nglo ma nguyutna ata yima suma a i kak abo ma sutna ki hur fulina mi d’a d’uo zu?

Matiye 13:15

Kayam sum ndazina, huruzi ni b’ala, a tos humazi woi á humba, a duk irazi woyo, kayam a we ki irazi d’i, a hum ki humazi d’uo mi tala a wad’ud’a kuruzi a mbut huruzi mbut ba, an ni sud’uziya d’a.

Marik 4:12

D’igi mbaktumba hAlonid’a ti de na ala: Á gola azi nga gola, wani azi nga wad’ud’a d’i; á humba azi nga huma, wani azi nga humut ad’ut tala azi hut gen Alona, Alona mi vat hurum mbei yam tcho mazid’a d’a d’i.

Wana ni Zla d’a Djivi d’a Luc mi b’irita 8:12

Andjaf ma mi nde kur lovotina ni suma a hum zlad’a ata yima a humutna. Wani Diable mi mba, mi yo zla d’a kuruzid’a woyo, mi d’elezi tala á he gagazid’a á fe suta d’a.

Sunda hi suma a sunuzinid’a 28:27

Kayam sum ndazina huruzi mbut tib’iri’â, a tos humazi woyo, a duk irazi woyo, tala azi we ki iraziya, a hum ki humaziya, a wad’ud’a kuruziya, tala a mbut huruzi an sud’uziya d’a.

2 Pierre 1:21

Kayam zla d’a suma djok vun Alona a data ti mba nga nata minda hi sa d’i, wani ni Muzuk ma bei tchod’a ba na ba, mi zud’uzi ni mam á de zla d’a tcholï ata Alonid’a woyo.