Zakari 6:8 - Bible azumeina

⁸ Malaikana mi yanu, mi dan ala: Suma a i irazi abo ma yam ambas sa abo ma norîd’a, a i tin nayî mana yam suma kur ambas sa abo ma norîd’a.

Zakari 6:8 Iomraidhean Croise

Ma tchi wala 10:4

Le sama te yamba hurum zal kangû ni, ang ar yi mang ma sunda woi d’i, kayam kak ka mudjuka nga d’i ve vun hur ma zal ma tchona kä.

Isai 1:24

Kayam ndata, Salad’a Ma didin ma ad’engêm kal pet ma ad’enga hi Israel-lîna mi dala: An mba ni ka ir zla manda ki man suma djangûna! An mba ni sä atchugulun ki man suma djangûna!

Isai 48:14

Agi pet, agi togogiya. An nga ki banan ma kokodjo ma mba mi ndak vun nga hur manina. Mba mi te yam suma Babilon-na kad’eng manda. Ni nge adigagi ba, mi de woi yam ahle ndazina ge? Sa nga d’i.

Ezekiyel 16:42

An mba ni ar hur man ma zal ma ka’â, an mba ni ar yungôr man ma ka’â, an mba ni vat hurun ndeyo, an mba ni zal hurun nduo d’a.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Ezekiyel 24:13

Ndak Jerusalem, batrang maka mbud’uk wa ndjendjed’a. An min ala an mbud’uk kei yed’et, wani ndak min ala an mbud’uk kei yed’et ti. Kayam ndata, ndak mba d’i mbut tei yed’et kur ndjendje maka d’i, gak bur ma an tchol kayî mana ka’â.

Ezekiyel 5:13

An mba ni ndak vun ayî mana, an mba ni zal hurun kagi gak ni sä atchugulun ki sed’egiya. Hina agi mba wagi ala ni an Ma didina ba, ni dagi zlad’a kur hur man ma zala, gak ni ngobogi ki wana.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Suma ka sariyad’a 15:7

Samson mi dazi ala: Kayamba agi lagi hina d’a, an mba ni ar bei sä atchugulun ki sed’egi d’i.

Suma ka sariyad’a 8:3

Ni agi ba, Alona mi hagi amulei suma Madiyan-na abogiya, nala, Orep ki Zep. Ki tchetchemba, an le ni suna me ba, ti ndjak ki sun nda agi lata ge? Ata yima mi dazi hina na, huruzi mi b’leng ngei kamu.