Zakari 6:13 - Bible azumeina

¹³ Mba mi min gong man nda kud’ora akulo, mba mi tchuk ahle suma subura atamu, mba mi kak yam zlam mam mba amula á tamula. Ma ngat buzuna tu mba mi tchol gevemu, azi djak darigï d’a gagazid’a mba d’i kak adigaziya.

Zakari 6:13 Iomraidhean Croise

Ad’u Tinda 14:18

Melkisedek amul ma Salem-ma ni ma ngat buzuna mAlo ma sä akulo ma kal teglesîna. Mi mba, mi havungôna ki süm guguzlud’a mi Abram.

2 Samuel 7:13

Ni mam ba, mba mi min gonga akulo ki simiyênu, an mba ni hum ad’enga á kak yam zlam mam mba amula gak didin.

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 110:4

Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 21:5

Mi tcheneng ala ar va mi lum mbi; ang humumu, ang hum bizad’a ablaud’a gak didin.

Isai 11:10

Kur bur máma Sideina hi Jesse-na mba mi tchol akulo d’igi drapo d’a taka na yam andjaf suma. Andjaf suma a mba mba gevemu, a mba hum ngola mi.

Isai 22:24

Ahle suma subur suma kur azina habuma pet suma djivina ki suma tchona, a mba deng tazi atam d’igi ahle suma gurei suma sun suma tetengâ tin ad’ud’a ata halâ dei gak mba ata duguyona, a gabazi ata pondena akulo na.

Isai 54:10

Ma didin ma mi wak hohowo’â mi dala: Le ahuniyôna a djok keyo, le yima ndingâ mi giget pî, o man nda bei dabi d’a kaka mba d’i wal lei ki sed’ek ki, vun man ma djin ma yam halasina an mba ni bud’um mbei d’uo mi.

Isai 9:5

Kayam mba d’i vud’i gorâ, Alona mba mi hei gorâ. Mba mi tinim á te yamba, mba mi yum ala Ma suma a le atchap kama, Ma de d’alâ, Alo ma ad’engêm kal petna, Abu d’a didinda, Amulâ hi halasina.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Zakari 4:9

Ni Zorobabel ba, mi gäd’u gong nga wanda kabomu, ni mam ba, mba mi dabat minda mi. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Zakari 6:11

Ang yo kawei ma hapma ki lora, ang yorozi avavala, ang kulubut yam ma ngol ma ngat buzuna Josue Josadak goroma.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Kolos-sâ 1:2

Ami nga b’irimi mbaktum mba wanda mi agi suma hAlona suma avo Kolos suma d’engzeng suma zlapa tu ki Christ-sâ. Ar Alona Abui mi vagi sumad’a ki b’leng nga halasa.

Hebre-na 3:1

Kayam ndata, agi b’oziyon kretiyê suma Alona yagina, agi tinigi iragi yam Jesus ma Alona sunumï á mbut Ma ngol ma ngat buzuna yam he gagazi d’a ei nga dei woi kata.

Hebre-na 6:20

Ni yima Jesus mi kal kua avok kei á ndjunina, kayam mi mbut Ma ngol ma ngat buzuna gak didin d’igi Melkisedek na.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.