Zakari 6:12 - Bible azumeina

¹² Ang dum ala: Ma didin ma ad’engêm kal petna mi dala: Sana simiyêm ala Agu ma hud’ura mba mi hud’urï ata yamu, mba mi min gong nga kud’ora hi an Ma didinid’a akulo.

Zakari 6:12 Iomraidhean Croise

2 Samuel 7:13

Ni mam ba, mba mi min gonga akulo ki simiyênu, an mba ni hum ad’enga á kak yam zlam mam mba amula gak didin.

Esdras 3:10

Kid’a suma sunda a ge ad’u gong nga kud’ora hi Ma didinid’a kä dad’a, suma ngat buzuna a nga tchola ata yi máma ki barud’a nglod’a ataziya, aduveina abozi mi, zlapa ki suma hi Levi suma Asaf gromina ki tchigiyeud’a abozi á gile Alona d’igi David amulâ hi Israel-lîna mi hazi vuna adjeu na.

Esdras 3:8

Kur til ma mbàna hi biza d’a mbàd’ina kur mba mazid’a avo Jerusalem ata yima gong nga kud’ora hAlonid’a nga kuana, Zorobabel Salatiyel goroma, Josue Josadak goroma, b’oziyozi suma ngat buzu suma a arâ, suma hi Levi-na ki suma pet suma a tcholï kur magomba a mba avo Jerusalem-ma, a nde le sunda. A he sun ndata abo suma hi Levi suma bizazi dok mbà dok mbà d’oze kal dok mbà dok mbàna, kayam a gol sun nda led’a hi gong nga kud’ora hi Ma didinid’a.

Isai 11:1

Abo aguna mi hud’urï ata abu aguna hi Jesse-na, mba mi d’uvï ata sideyemu.

Isai 4:2

Kur bur máma agu ma hud’ura hi Ma didinina mba mi deî mba mi mbut vama hud’a, vama subura mi. Ahle suma a vut yam andagad’ina, a mba wile ki djifâ yam Israel suma a arâ.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Jeremi 23:5

Ma didina mi dala: An mba ni tchol ki sama d’ingêrâ ad’u andjafâ hi David-na. Mba mi tamula, mba mi i avogovogo, mba mi ka sariya d’a d’ingêra, mba mi le sun nda irata kur ambasa mi.

Jeremi 33:15

Kur bur máma, ata yi máma, an mba ni ndeï ki sama d’ingêrâ ad’u andjafâ hi David-na. Mi mba mi tak d’ingêra ki gagazid’a mi suma kur ambas sa wandina.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Ezekiyel 41:1

Sa máma mi in kur gong nga kud’ora hAlonid’a hurut ma ngola, mi nga yina mi. Gulumun ma ata yima a kal kuana, fiyagamî metred’a hindi abo hî, hindi abo hî mi.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Mise 5:5

A mba te yam ambas sa Asiri d’a hi Nimrot-ta ni kahle mazi suma sïna. Ata yima suma Asiri-na a mba mba yam ambas meid’a a mba kal yam andaga meid’ina, mam mba mi pad’ei woi aboziya.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Zakari 8:9

Ma didin ma ad’engêm kal petna mi dala: Agi vagi tagi ad’enga! Ki tchetchemba, agi humugi zlad’a hi vun man ma hle ma suma djok vuna a dum zlam mbei adjeu ata yima a gäd’u gong man nda kud’ora kä á mindina.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Matiye 26:61

Sama wana mi dala: An ndak á to gong nga kud’ora hAlonid’a kä, an mba ni minit akulo kur bur ma hindina.

Marik 14:58

Ami humumi mi dala: An mba ni to gong nga kud’ora hAlonid’a d’a suma a minit kabozid’a woyo, wani bugol kur bur ma hindina an mba ni min nda ding nga bei sana mi minit kabombid’a akulo.

Marik 15:29

Suma a nga kalâ a nga ngulumu, a nga kidjik yazi ala: Ahâ! Ang ma dala ang to gong nga kud’ora hAlonid’a kä ang mba minit akulo kur bur ma hindina na,

Marik 15:39

Ma ngol ma azigarâ abom kis ma Romê-na ni ma nga tchola avok Jesus d’arâ. Kid’a mi wum mi duk vunamba, mi dala: Gagazi, sa máma nAlona Goroma.

Wana ni Zla d’a Djivi d’a Luc mi b’irita 1:78

Alo meina nAlo ma we hohou mamba kal teglesâ, mba mi b’o yina kei ki b’o d’a akulod’a d’igi afata ti deî na,

Jean 1:45

Filip mi fe Natanayel, mi dum ala: Ami fami wa ma Moise mi b’irim zlam kur gatina, ni ma suma djok vun Alona a b’ir kama. Mam mi Jesus ma Nazarat-na, Josef goroma.

Jean 19:5

Kayam ndata, Jesus mi nde woi abu kavaval aweid’a kam ki baru d’a hleud’a atamu. Pilat mi dazi ala: Agi gologi sa máma.

Sunda hi suma a sunuzinid’a 13:38

Kayam ndata, b’oziyona, ar agi wagi zla ndata: Ni kayam Jesus ba, a nga tchagi wala ala agi mbud’ugi hurugi yam tcho magid’a tua ba, Alona mba mi vat hurum mbei kagiya.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

Hebre-na 10:12

Wani ata yima Christ mi he tam vama ngat buzuna yam tu gak didin yam tchod’ina, mi kak kä ata Alona bigam mba ndjufa.

Hebre-na 7:24

Wani Jesus ni Ma nga kaka gak didina. Sama ding ndak á vrak blangâm kur sun nda ngat buzuna d’i.

Hebre-na 7:4

Agi gologi ngola hi sa mámid’a. Ni ma abui ngolo Abraham mi pad’am vun ahle suma dodogo suma mi hurumuzï ata yima ayînina.

Hebre-na 8:3

Kayam ma ngol ma ngat buzu ma lara pî a nga tinim á he he d’a hawad’a kahle suma ngat buzuna avok Alona. Kayam ndata, ngol mei ma ngat buzuna, mbeî mi he vama ngat buzuna mi.