Zakari 3:7 - Bible azumeina

⁷ Ma didin ma ad’engêm kal petna mi dala: Le ang nga ge yang kä ad’u gat manda, le ang nga ngom vun man ma hed’a mi ni, ang mba kak ma ngolâ yam gong man nda kud’ora katrang mata, an mba ni hang yina aduk suma a nga lan sunda ka wana mi.

Zakari 3:7 Iomraidhean Croise

Ad’u Tinda 26:5

kayam Abraham mi humun vunanu, mi ge yam kä ad’u zla manda ki vun ma he mana ki zla man nda an dumzid’a ki gat manda mi.

1 Amuleina 2:3

Ang kak sama d’engzengâ avok Ma didina Alo mangâ, ang le min mamba burâ ki burâ, ang tit yam gat mamba ki vun mam ma hed’a, yam zla mam mba mi data ki hat mamba d’igi a nga b’ira kur Gata hi Moise-sa na. Hina wani, ang mba fahlena pet kur sun nda ang mba lata, kur yima ang i kuana mi.

1 Amuleina 3:14

Wani le ang nga le min manda, ang nga ge yang kä ad’u gat manda ki vun man ma hed’a d’igi abung David na ni, an mba ni ing burung fiyaka.

1 Sunda Hamuleinid’a 23:32

A nga ngom zlub’u d’a ngaf tad’a ki yima a tinim iram vam mAlonina. A nga tit yam vun ma hed’a hi b’oziyozi suma andjafâ hi Aron-nina á le suna gong nga kud’ora hi Ma didinid’a mi.

Isai 62:9

Wani suma a mba tok awunina a mba tumu, a mba gilen an Ma didina; suma a mba dut guguzlud’ina, a mba tchat süm matna kur gulumuna hi yi man ma an tinim iram vama.

Ezekiyel 44:8

Agi tagid’a lagi nga sun manda d’i, wani agi vragagi ni angoyogeina blangâgi á le sun ndata kur gong man nda kud’ora.

Ezekiyel 48:11

A mba handaga ndata mi suma ngat buzu suma ad’u andjafâ hi Sado’â, kayam azi le sunda hi Ma didinid’a ata lovod’ot ki d’engzenga, a le nga d’igi suma hi Levi suma a d’es sei ata yima Israel-lâ a d’es seina na d’i.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Sunda hi suma hi Levi-nid’a 8:35

Agi lagi burâ kid’iziya falei kandjege avun zlub’u d’a ngaf tad’a, agi ngomogi vun ma hed’a hi Ma didinina tala agi bogi d’uo d’a. Wana ni vama Ma didina mi han vuna kama.

Zakari 3:6

Malaikana hi Ma didinina mi de mi Josue ala:

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Zakari 6:15

Suma a mba tcholï ata yima deina, a mba le sunda kur gong nga kud’ora hi Ma didinid’a. Kur bur máma agi mba wagi ala ni Ma didin ma ad’engêm kal petna ba, mi sununï gevegiya. Le agi gagi yagi kä ad’u Salad’a Alo magina gagazi ni, ahle ndazina pet a mba le na mi.

Zakari 6:5

Malaika máma mi hulong dan ala: Azi ni simet ma fid’i ma akulo ma buzugï woi ata yam ma tchola avok Salad’a ma te yam andagad’a petna.

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Wana ni Zla d’a Djivi d’a Luc mi b’irita 22:30

kayam agi tagi agi tchagi ki sed’en kur leu manda. Agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna.

Jean 14:2

Kur azina hAbuna yima kaka nga ngola. Ladjï na d’uo ni, an dagiya wa. An nga ni i á min yina kagiya.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.