Zakari 3:4 - Bible azumeina

⁴ Malaika máma mi de mi suma a nga tchola avoroma ala: Agi fogogi baru ma zozota woi atamu. Bugola, mi de mi Josue ala: An hazang wa tcho manga woyo, an tchugung wa baru ma vun tilâ atang mi.

Zakari 3:4 Iomraidhean Croise

2 Samuel 12:13

David mi de mi Natan ala: An le tchod’a avok Ma didina! Natan mi de mi David ala: Ma didina nga mi vat hurum mbei yam tcho manga, ang mba mit ti.

1 Amuleina 22:19

Wani Mise mi dum ala: Ang hum zla d’a Ma didina mi data. An we Ma didina mi nga kaka yam zlam mam mba amula, azungeî mam suma sä akulona pet a nga tchola gevem yam bigam mba ndjufa ki d’a gulad’a.

Sawal la giled’a 51:9

Ang mbus tcho manda woi kagu hisopma; an mba ni mbut yed’et, ang mbuzun ndeyo, an mba ni mbut hapa kal gagarad’a.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Isai 44:22

An has tchila magid’a woyo, an has tcho magid’a woi mi. A val lei d’igi d’ugula ti val lei na. Agi hulongôgi gevenu, kayam an wurak kagi ni wuraga.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Jeremi 52:33

Mi he vuna mi Jojakin ala ar mi tchuk baru ma dangeina atam mbi, ar mi te tena yam tabulâ hamulîna burâ ki burâ ata yima mi nga ki iram tua na pet.

Ezekiyel 36:25

An mba ni yamagi mbiyo ma digil ma hirwilingâ kagiya, agi mba mbud’ugi yed’et, an mba ni mbud’ugi woi yed’et kur ndjendje magi d’a lara ge pet, kur filei magi ma lara ge pet mi.

Ezekiyel 42:14

Vama ding nga mi. Suma ngat buzu suma a kal kur gong nga kud’ora hAlonid’ina a ndak á buzuk kei abu á i hur atrang nga abud’a gau d’i. Baru ma a tinim iram vam ma suma ngat buzuna a tchugum atazi á le ki sundina, a fogom kä woi kur gongîyo ndazina tua ba, a tchuk ma dingâ atazi a buzuk kei abu hur atrang nga abud’a á i gen ablaud’a tua.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Zakari 3:1

Ma didina mi tagan ma ngol ma ngat buzuna Josue ma nga tchola avok malaikana hi Ma didinina. Seitan mi nga tchola yam Josue bigam mba ndjufa á vum ki zlad’a.

Zakari 3:7

Ma didin ma ad’engêm kal petna mi dala: Le ang nga ge yang kä ad’u gat manda, le ang nga ngom vun man ma hed’a mi ni, ang mba kak ma ngolâ yam gong man nda kud’ora katrang mata, an mba ni hang yina aduk suma a nga lan sunda ka wana mi.

Zakari 3:9

Ma didin ma ad’engêm kal petna mi de kua ala: Ahina d’a tu d’a an tinit avok Josue wanda, ira nga kua kid’iziya. An mba ni b’ir b’ir ra ndak á b’irid’a kua, an mba ni hle tchod’a hambas ndatid’a woi kur bur ma tuna mi.

Matiye 22:11

Wani ata yima amulâ mi kal avo á gol suma mi yazina, mi we sama dingâ mi tchuk nga baru ma tela atam mbi.

Wana ni Zla d’a Djivi d’a Luc mi b’irita 1:19

Wani malaikana mi hulong dum ala: An ni Gabriel ma nga tchola avok Alona á lum sundina. Mi sununï á dang zlad’a, á mbang zla d’a djivi ndata mi.

Wana ni Zla d’a Djivi d’a Luc mi b’irita 15:22

Wani abum mi de mazungeî mama ala: Agi mbeyegï atogo ki baru d’a djif fa kal teglesa, agi tchugumzi atamu, agi nigim ngangama abomu, agi tchugum atuguruna asem mi.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Romê-na 6:23

Kayam wurak ka yam tchod’id’a ni matna, wani he d’a hawad’a hAlonid’a nari d’a didinda yam Jesus Christ Saleina.

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Kolos-sâ 3:10

Agi tchugugi sama awilina atagi d’igi barud’a na, ni ma nga mi mbut awilid’a á we gagazid’a dedege d’igi mam ma guma na na.

Hebre-na 8:12

Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Vama ndum mbeina 5:11

An gola! An hum dela hi malaika suma ablau suma bubup dogo suma a ndak á ndumba d’uo na. Azi ngui zlam mba amula kä kahle suma ari suma fid’i ndazina ki suma nglona mi.

Vama ndum mbeina 7:14

An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.