Zakari 3:1 - Bible azumeina

¹ Ma didina mi tagan ma ngol ma ngat buzuna Josue ma nga tchola avok malaikana hi Ma didinina. Seitan mi nga tchola yam Josue bigam mba ndjufa á vum ki zlad’a.

Zakari 3:1 Iomraidhean Croise

Ad’u Tinda 3:15

An mba ni tin djangûna adigang katchad’a, aduk andjavang kandjavat mi. Mam mba mi mired’eng yang kä; ang mba ed’em dodogasemu.

Ad’u Tinda 48:16

ni Malaika ma pad’an ndei kur tcho d’a lara ge petna, ar mi b’e vunam kaziya. Ar a yan simiyên kazi d’igi a nga yi simiyê abun ngolo Abraham azi kabun Isak na mi; Ar azi zul ablaud’a yam andaga d’a Kanan-nda.

1 Sunda Hamuleinid’a 21:1

Bur tu Seitan mi tchol djangûna ki Israel-lâ, mi zut David á ndumuziya.

2 Sunda Hamuleinid’a 29:11

Grona, ki tchetchemba, agi gologi zla ndata hina is si. Kayam ni agi ba, Ma didina mi managi á tchol avorom á lum sunda, á mbut azungeî mama, á ngalam dubang ma his djivid’ina mi.

Esdras 10:18

Aduk suma ngat buzuna grozi suma a vik andjaf arop suma dingîna ni Josue ma Josadak goromina groma ki b’oziyoma Mäseya, Eliyezer, Jarip ki Gedaliya.

Esdras 2:2

Azi mba ni ki Zorobabel, Josue, Nehemi, Seraya, Relaya, Mardose, Bilsan, Mispar, Bigavai, Rehum ki Bäna. Wana nablaud’a handjof suma Israel-lîd’a:

Esdras 5:2

Ata yi máma Zorobabel Salatiyel goroma ki Josue Josadak goroma a tchol á min gong nga kud’ora hAlonid’a avo Jerusalem; suma djok vuna a nga zlapa ki sed’ezi mi.

Sawal la giled’a 106:23

Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.

Sawal la giled’a 109:6

A nga de kan ala: Ar sama asa’atna mi te kamu, ar ma tchugum zlad’a kama mi tchol ata bigam mba ndjufa.

Jeremi 15:19

Ma didina mi hulongôn humba ala: Le ang hulongî gevenu ni, an hulongông kur sun manda. Le ba ang de ni zla d’a hawa yaka d’uo ba, ang de ni zla d’a ndaka ni, ang mba mbut ni vunan ma ad’u kä na. Ni suma Juda-na ba, a mba hulongî gevengû, ni ang ba, mba hulong gevezi d’i.

Ezekiyel 44:11

A mba lan sunda, a mba kak ndjola avun agre’â hi gong man nda kud’orina teteng, a mba le sunda kurut teteng mi, a mba ngat d’uwar ma a mba hum vama ngat buzu ma ngalina ki vama a hum yam he d’a hawa d’a dingina, a mba ka’î suma ndjun suma avoron mi.

Ezekiyel 44:15

Ma didina mi de kua ala: Suma hi Levi suma ngat buzu suma ad’u andjafâ hi Sadok suma a ngom sun manda ata yima Israel-lâ a d’es sei dei ki sed’ena, azi a mba hud’ï geven go á lan sunda, a mba tchol avoron á han mbulâ ki buzuna mi. An Salad’a Ma didina ni de na.

Wana ni mbaktumba hi Aze-d’a 1:1

Kur bur ma avo’â hi til ma karagayana kur biza d’a mbà d’a Dariyus nga mi tamulid’a, Ma didina mi de mi mam ma djok vuna Aze ala mi i de mi Zorobabel ma Salatiyel gorom ma nga mi te yam Juda-na ki ma ngol ma ngat buzuna Josue Josadak goroma ala:

Wana ni mbaktumba hi Aze-d’a 1:12

Zorobabel Salatiyel goroma, ma ngol ma ngat buzuna Josue Josadak goroma kablau suma pet, a ge yazi kä ad’u dela hi Ma didina Alo mazinid’a yam zlad’a hi ma djok vun Alona Aze-d’a d’igi Ma didina Alo mazina mi sunumï na mi. Suma a le mandarâ avok Ma didina.

Wana ni mbaktumba hi Aze-d’a 2:4

Ki tchetchemba, Ma didina mi dala: Zorobabel, ang ve tangû; ma ngol ma ngat buzuna Josue Josadak goroma, ang ve tangû; agi suma yam ambasina pet, agi vagi tagiya, agi lagi sunda, kayam an nga ki sed’egiya.

Zakari 1:13

Ma didina mi hulong ki zla d’a de d’a djivid’a ki zla d’a b’leng hurâ mi malaika mám ma nga mi de zlad’a ki sed’ena.

Zakari 1:19

An de mi malaika ma dan zlad’ina ala: Aduvei ndazina ni me ge? Mi hulong dan ala: Azi nandjaf suma ad’eng suma a pleî suma Juda-na ki Israel-lâ ki suma Jerusalem-ma woi yaya’â.

Zakari 1:9

An djobom ala: Salana, akulumei ndazina ni me ge? Malaika ma Ma didina mi hum vuna á dan zlad’ina mi dan ala: An mba ni vang ad’ud’a kaziya.

Zakari 2:3

Ata yi máma malaika ma dan zlad’ina nga mi i gen malaika ma ding ma nga mi ngavamina,

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Zakari 4:14

Mi hulong dan ala: Suma mbà ndazina ni suma a vozi mbulâ kazi á tinizi irazi vazi á le sunda mi Salad’a ma te yam andagad’a petna.

Zakari 6:11

Ang yo kawei ma hapma ki lora, ang yorozi avavala, ang kulubut yam ma ngol ma ngat buzuna Josue Josadak goroma.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 22:31

Jesus mi de kua ala: Simon, Simon, gola! Seitan nga mi tchen kagi á yigigi d’igi suma a yik awuna na,

Gat ta a hat á mbàd’id’a 10:8

Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi.

Gat ta a hat á mbàd’id’a 18:15

Ma didina Alo magina mba mi tchol ki ma djogom vunama tu ma adugï b’oziyogina ma d’igi an na na. Agi mba humugi zla d’a mam mba mi dagizid’a.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

1 Samuel 6:20

Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?