Zakari 2:8 - Bible azumeina

⁸ Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Zakari 2:8 Iomraidhean Croise

Ad’u Tinda 20:6

Alona mi dum adïd’a kua ala: An wala ang le nata yad’u; ni na ba, an d’eleng á le tchod’a á kak djangûna ki sed’enu. Ni kayam ndata ba, an arang ang dot tuo ni na.

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

Sawal la giled’a 17:8

Ang ngomon d’igi irang nga aduka na, ang bar gigingâng kan d’igi aleina na

Zla d’a d’ogolâ 7:2

Ang ngom vun man ma hed’a kayam ang kak karid’a, ang ngom hat manda d’igi irang nga aduka na mi.

Isai 49:19

Yi mak ma a b’lagam mbei ma ar hawa papana na, kandaga mak ka b’lak keid’a mba d’i kid’ak suma á kaka. Wani suma a b’lagak keina a mba wal lei dei ki sed’ek mi.

Jeremi 12:14

Ma didina mi dala: An nga ni de zlad’a yam andjaf suma asa’at suma a ngui sum mana suma a do sum mana yam andaga d’a an hat mi man suma Israel-lîd’ina. An mba ni yozi woi yam andaga mazid’a, an mba ni yo suma Juda-na woi adigazi mi.

Jeremi 27:7

Andjaf suma pet a mba lum sunda, a mba le sunda mi goroma, a mba le sunda mi gorom ngolona gak atchogoi d’a ambas mamba mba d’i le sunda mandjaf ma ablauna, mamulei suma nglona mi d’a.

Ezekiyel 25:12

Salad’a Ma didina mi dala: Suma Edom-ma a sä atchugul la tchod’a ki suma Juda-na. Ni kayam ndata ba, zlad’a nga kazi ndak á hlatchugula ki sed’eziya.

Ezekiyel 25:15

Salad’a Ma didina mi dala: Suma Filistê-na a hlatchugula kuruzi krovo ki gol isa, a sä atchugula bei we hohowa sa adjeu dei gak ini, a dap suma woi mi. Ni kayam ndata ba, an Salad’a Ma didina ni dala:

Ezekiyel 26:2

Ang gor sana, suma Tir-râ a de yam Jerusalem ala: Tchuhu ngrang! Azì ma ngol ma andjaf suma a kal kuana, mi b’lak wa woyo! Ki tchetchemba, suma a i kuruma a mba mbeï geveya, ei mba mbud’i suma ndjondjoîna kayam mi ar djona da’. Ni kayam ndata ba, an Salad’a Ma didina ni dala:

Ezekiyel 26:20

An mba ni gang kä kur zul la yiyika gen suma mat suma a nga kä adjeu dedeina. Ang mba ar kaka kä ad’u andagad’a d’igi suma a b’lak kei dedeina na, zlapa ki suma mat suma a bo avorongâ, ang dok djagï akulo á kaka aduk suma a nga ki irazi yam andagad’ina d’uo d’a.

Ezekiyel 35:5

Kayam ndak nga d’i i ki d’ugur maka avogovogo, kayam ndak tchi Israel-lâ ki mbigeu d’a fiyaka kur bur ma azi nga kur ndaka ata yima tcho mazid’a ti oî tchetchepma,

Ezekiyel 36:11

An mba ni zul suma ki d’uwarâ kagiya. Azi mba zula, a mba vut grona ablaud’a. An mba ni kak suma kagi d’igi avok na, an mba ni lagi djivid’a kal la avoka. Hina wani, agi mba wagi ala an ni Ma didina.

Ezekiyel 38:11

Ang mba dala: An i ni nde suma a nga kaka ki halasa ki tchugota kur ambas sa azì mat ma nglona gulumun nga kam mbi, vun agrek mam nga duka ki kawei ma murgulina d’uo mi na durâ.

Ezekiyel 38:14

Kayam ndata, ang gor sana, ang djok vuna, ang de mi Gok ala: Salad’a Ma didina mi dala: Gagazi, kur atchogoi d’a man suma Israel-lâ a mba kak ki halasid’a, ang mba i atazi durâ.

Amos 1:11

Ma didina mi dala: Suma Edom-ma a nga i avogovok kur tchod’a wan pî, an mba ni djok vunan yam zla d’a an data d’i. Kayam azi dik b’oziyozina ki mbigeu d’a fiyaka, a we nga hohowa sa d’i, a djulul kayî mazina, a i avogovok ki hur mazi ma zala bei ara ba mi,

Amos 1:13

Ma didina mi dala: Suma Amon-na a nga i avogovok kur tchod’a wan pî, an mba ni djok vunan yam zla d’a an data d’i. Kayam azi ze hur arop suma Galät-na woi á wul andaga mazid’a avogovogo,

Amos 1:9

Ma didina mi dala: Suma Tir-râ a nga i avogovok kur tchod’a wan pî, an mba ni djok vunan yam zla d’a an data d’i. Kayam a yo suma magomba pet, a hazi mi suma Edom-ma bei djib’er yam bana d’a azi vata ba,

Mise 4:11

Ki tchetchemba, andjaf suma ablaud’a a tok wa kagi á durâ, a nga dala: Ar azì mazi ma ngolâ mi b’lak keyo, ei golei b’laka hi Jerusalem-mba.

Mise 5:6

Andjafâ hi Jakob ma arâ mba mi kak aduk andjaf ma ablauna d’igi mbad’ï d’a ti tcholï ata Ma didinid’a na, d’igi alo ma mi se yam asunina na. A mba tin huruzi yam sa d’i, a mba ka’î yam sa d’uo mi.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Habakuk 2:17

Kayam ang ka agu d’a Liban-nda woyo, ki tchetchemba, Alona mba mi kang ngei mi. Ang tchazi d’uwar mazina, Alona mba mi tchang mangâ mi; kayam ang tchi suma, ang b’lak ambasa kazì ma nglona ki suma kuruma mi.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Sofoni 2:8

Ma didina mi dala: An hum ngula hi suma Mowap-ma ki lasa hi suma Amon-nid’a ata yima azi nga mbut sum mana zulonina a hle yazi akulo a kal kur leu mazid’a mi na.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Zakari 2:9

An mba ni hlabon akulo á ngop andjaf máma. Azi mba mbut vama hurumba handjaf suma a nga lazi sundina. Kur bur máma agi mba wagi ala ni Ma didin ma ad’engêm kal petna ba, mi sununïya.

Zakari 8:5

Gro andjofâ ki gro aropma a mba mba ablaud’a, a mba lü ir palumba hazì ma ngolîd’a.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

Matiye 25:45

Ata yi máma, an amulâ mba ni hulong dazi ala: Gagazi, an nga ni dagiya, ata yima agi lagi nga va mi ma gor ma kid’ak aduk gugurei suma wana d’uo na, agi lum mbuo ni mi anu.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Jean 17:18

D’igi ang sununï kur duniyad’a na, an sunuzi kur duniyad’a na mi.

Sunda hi suma a sunuzinid’a 9:4

Mi puk kä, mi hum dela ti dum ala: Saul, Saul, ni kayam me ba, ang djobon vunan hina ge?

Gat ta a hat á mbàd’id’a 32:10

Ma didina mi feï Israel-lâ nabagei hur fulâ, aduk amburei suma tcho suma tchi mazina mbut suma mandarîna. Mi gahlabam kaziya, mi ngomoziya, mi ngomozi ni d’igi iram mba aduka na.

2 Tasaloni’â 1:6

Wana ni vama d’ingêrâ avok Alona: Mba mi hulong djop vun suma a nga lagi ndakina.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.