Zakari 2:11 - Bible azumeina

¹¹ Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Zakari 2:11 Iomraidhean Croise

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Buzuk ka Abud’a 12:49

Gat ndata mba d’i arî kaka adigagi hina yam gor vuta d’oze yam angei ma mba mi kak adigagina.

Isai 45:14

Ma didina mi dala: Agi Israel-lâ, fed’a hi suma Ezipte-nid’a ki beged’a hi suma Etiyopi-nid’a ki d’a hi suma Sabe suma fuyogeinid’a mba d’i kalï avo hatagiya, mba d’i arî magid’a mi. A mba tit blogogi ki kindjingâ aseziya, a mba dagi zlad’a ki hud’a ala: Alona navo hatagi tu, ma ding nga d’i.

Isai 48:16

Agi hud’ugï gevenu, agi humugiya. Kad’u tinda dei an de nga zla d’a ngei gumun ndi. Kad’u tinda hahle ndazinid’a dei, an nga. Ki tchetchemba, Salad’a Ma didina mi sununï zlapa ki Muzuk mama.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Isai 66:19

Ma didina mi dala: An mba ni le vama taka adigaziya, an mba ni sun mazi suma a arâ ata andjaf suma, nala, mi suma Tarsis-sâ, mi suma Pul-lâ, mi suma Lut suma we yet yeûd’a heîna, mi suma Tubal-lâ, mi suma Javan-na, mi suma a nga kaka yam tila ata yima dei suma a humun nga zlan yazi tu d’uo suma a we nga subur manda d’uo na. Azi mba de zla subur manda woi aduk andjaf suma mi.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Jeremi 50:8

Ma didina mi dala: Agi ringîgi woi avo Babilon, agi buzugugï woi yam ambas sa Babilon-nda, agi kagagi ni d’igi mbekmberena na avok d’uwarâ.

Ezekiyel 33:33

Fata ahle suma ang dazi woina a mbad’a, ata yi máma azi mba wala ma djogon vunana mi nga adigaziya. Gola! Ahle ndazina a nga djïya!

Mise 4:2

Suma ablau ndazina a mba i kua, a mba dala: Agi mbeyegïya. Ei i djagei akulo yam ahinad’a hi Ma didinid’a kur gong nga kud’ora hAlona hi Jakob-mid’a, kayam mi had’ei gat mamba. Ar ei tid’i kur lovot mam mba mi tageizid’a. Kayam Gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Zakari 1:16

Kayam ndata, an Ma didin ma ad’engên kal petna nga ni dagiya: An mba ni hulongî Jerusalem á tak djivi manda woyo, a mba hulong min gong man nda kud’ora akulo, a mba min azì ma ngolâ akulo mi.

Zakari 2:5

Ma didina mi dala: An mba ni mbut ni d’igi gulumun ma akud’a na yam azì ma ngol máma, an mba ni mbut ni subur ra kurumba mi.

Zakari 3:10

Kur bur máma agi nge nge pî mba mi yi ndrama ad’u guguzlu mamba d’oze ad’u tulum mama á kak ki halasa.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Zakari 8:8

An mba ni hulongôziya, a mba kak kur Jerusalem, a mba mbut sum mana, an mba ni arî Alo mazina, an mba ni te kazi ki d’engzenga ki gagazid’a mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Jean 17:21

kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

Jean 17:23

An nga kuruziya, ang nga kurun mi, kayam azi kak tu ndak memet. Hina wani, suma duniyad’a a mba wala ni ang ba sununïya, ang nga le kazi d’igi ang nga le kan na mi.

Jean 17:25

Abun ma d’ingêrâ, suma duniyad’a a wang nga d’i, wani an wangû, suma ang handjina a wala ni ang ba sununïya mi.

Sunda hi suma a sunuzinid’a 28:28

Paul mi dazi kua ala: Agi wagiya, Alona mi sun wa zla mam mba suta mandjaf suma dingâ, azi mba humut mi. [

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.