Zakari 2:1 - Bible azumeina

¹ An hle iran akulo, an gol wani vana nde tam mbei iranu, an we sana mi nga tchola ki ziyo ma nga yina abomu.

Zakari 2:1 Iomraidhean Croise

Isai 54:16

Gola! An min sa ma tchaf ma mi le vigina yam aku d’a kiwilîna, ni ma mi zle ahle suma sïna ki d’al mamina. Wani an min wa ma b’lak ahle suma sï ndazina woina mi.

Jeremi 31:39

Ziyo ma ngad’a a mba ndirim aduk d’ingêr gak mi ndeza yam yima nding ma Garep-ma, mi kong gak mi i Gowa.

Jeremi 48:25

Ma didina mi dala: A kus wa yam suma Mowap-ma da’. Ad’eng mazid’a nga d’uo d’a!

Ezekiyel 40:3

Mi in sä hî. An we sana iram nga d’i wile d’igi kawei ma hleuna na. Ziyo ma a tchilim ki baru d’a luluîd’ina kakei d’a nga yina a nga abomu, mi nga tchola go ki vun agre’â.

Ezekiyel 40:5

Gulumun ma abuna mi ngui gong nga kud’ora hAlonid’a kä d’uhl. Sa máma mi hlakei d’a ngad’a abomu. Fiyagat ni metred’a hindi. Mi nga gulumuna bubuwam ki fiyagam mba akulod’a, azi dja’î metred’a hindi hindi.

Ezekiyel 47:3

Sa máma mi i abo ma yorogona, mi yo ziyo ma nga yina, mi nga yina metred’a kikis vahl. Bugola, mi dan ala an djak mbina. Wani mbina mi mban kokod’asenu.

Ezekiyel 47:4

Mi nga yina kua metred’a kikis vahl, mi dan ala an djak mbina kua. Wani mbina mi mban akulo vun guguvan mbeî. Mi nga yina kua metred’a kikis vahl, mi dan ala an djak mbina. Wani mbina mi mban akulo furun mbeî.

Daniel 7:7

Bugola, an nga ni gol kur vama nde tam mbei iran kur andjeged’a tua na, an gol wani, ambur ma fid’ina, mi kal tchod’a ngola, ni vama mandarâ, ma ad’enga ngola heî mi. Siyamî nglod’a d’igi kaweina na. Mi mut ahlena, mi kizagazi woyo, mi miret ad’uzi d’a ara kä kasemu. Mi nga d’igi amburei suma avok ndazina na d’i, mi nga kaduveina dogo kam mi.

Zakari 1:16

Kayam ndata, an Ma didin ma ad’engên kal petna nga ni dagiya: An mba ni hulongî Jerusalem á tak djivi manda woyo, a mba hulong min gong man nda kud’ora akulo, a mba min azì ma ngolâ akulo mi.

Zakari 1:18

An hle iran akulo, an gol wani vana nde tam mbei iranu, an we aduveina fid’i.

Vama ndum mbeina 11:1

A han akeid’a d’igi totogod’a na abonu, a dan ala: Ang tchola akulo, ang nga gong nga kud’ora hAlonid’a ki yima ngal ahle suma ngat buzuna, ang ndum suma a nga kud’or kurutna mi.

Vama ndum mbeina 21:15

Malaika ma nga mi dan zlad’ina, mi nga kakei d’a lor ra nga ahlena abom á nga azì ma ngol máma ki vun gulumun máma.