Zakari 14:7 - Bible azumeina

⁷ Bur máma ni bur ma mba mi ka’î iram vam zenena, Ma didina mi wumî mam hol, faleid’a nga d’uo mi na, andjeged’a nga d’uo mi, wani b’od’a mba d’i ndeï woi ni fladege.

Zakari 14:7 Iomraidhean Croise

Sawal la giled’a 37:18

Ma didina mi we kaka hi suma iratnid’a ka hî yam andagad’a; a mba te djona gak didin.

Isai 11:9

Mba mi le vama tcho d’oze mi b’lak va yam ahina man nda an tinit irat vata d’i, kayam wed’a hi Ma didinid’a mba d’i oî yam andagad’a d’igi mbina mi oî hur alum ma ngolâ na mi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Isai 58:10

le agi hagi te magina tamba mi sama meid’a tchuma, le agi hobogi ma kid’aka ni, b’o magid’a mba d’i kal akulo yam nduvunda, nduvun magid’a mba d’i mbut ni d’igi afat ta falei d’ad’ara na mi.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 30:7

Ni ndaga me na ge! Ni bur ma tchona; bur ma d’igi mam na na nga d’i! Ni yima ndaka yam andjafâ hi Jakob-ma. Hina pet pî, a mba sut tei bei va mi lazi ba.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Wana ni mbaktumba hi Oze-d’a 3:5

Bugola, Israel-lâ a mba hulongî gen Ma didina Alo mazina, gen andjafâ hi David ma amul mazinina. Bur ma danana a mba mbeï avok Ma didina ki mandarâ yam djivi mam mba mi lata.

Amos 8:9

Salad’a Ma didina mi dala: An mba ni nik afata falei d’ad’ar, an mba ni mbut andagad’a nduvunda falei mi.

Matiye 24:36

Jesus mi had’azi kua ala: Wani yam zla mbad’a hi bur máma ki ler ndatid’a, sa nga mi we d’i, d’oze malaika suma sä akulona, d’oze an tan Gorâ pî, ni we nga d’i; nAbui Alona tu gid’eng ba, mi we.

Marik 13:32

Jesus mi had’azi kua ala: Wani yam mbad’a hi bur máma ki yi mámid’a, sa nga mi we d’i, d’oze malaika suma sä akulona, d’oze an tan Gorâ pî, ni we d’i; wani nAbui Alona tu gid’eng ba, mi we.

Sunda hi suma a sunuzinid’a 1:7

Jesus mi hulong dazi ala: Nga ni kayam agi á wagi yina d’oze atchogoi d’a Abun mi ngat kur ad’eng mambid’a d’i.

Sunda hi suma a sunuzinid’a 15:18

Gola! An Ma didin ma tak ahle ndazina woi kur atchogoi d’a kalina, ni de na.

Sunda hi suma a sunuzinid’a 17:26

Nata sama tuna ba, mi le andjaf suma pet suma a nga kaka yam andagad’ina. Mi ngazi atchogoi mazid’a ki ir haga mazi d’a kaka,

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

1 Tasaloni’â 5:2

Kayam agi wagi tetet ala bur ma Salad’a mba mi mba kuana ni d’igi sama kula mi mba andjege na.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 14:6

An we malaika ma dingâ mi pirï akulo dei aduk simetna. Mi nga ki Zla d’a Djivi d’a ari d’a didinda á ded’a mi suma yam andagad’ina, mandjaf suma pet, ad’u andjafâ pet ki vun ma ded’a pet, mi suma pet mi.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 21:25

Vun azì máma a mba dugum mbi, kayam andjeged’a nga d’i.

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.