Zakari 14:6 - Bible azumeina

⁶ Kur bur máma yina mba mi b’o d’i, ab’lenga mba d’i le ki glasâ d’uo mi.

Zakari 14:6 Iomraidhean Croise

Sawal la giled’a 112:4

Ata yima yina mi mbut nduvundina, b’od’a nga d’i b’o woi yam suma d’ingêrâ, yam suma d’engzengâ, yam suma a le djivid’ina, yam suma a we hohowa sumina mi.

Isai 13:10

Kayam tchitchiud’a kades tchitchiu d’a tetenga d’igi dumusa teteng na d’a a mba b’o d’i, afata mba d’i mbut nduvunda ata yat ma deîd’a, tilâ mba mi b’o d’uo mi.

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Jeremi 4:23

An gol andagad’a yat ti ni hawa kikid’ik, akulod’a b’o mata nga d’uo mi.

Ezekiyel 32:7

Fata an tchang ngeid’a, an mba ni duk ir akulod’a, an mba ni duk ir b’od’a hi tchitchiud’id’a, an mba ni duk ir afata ki d’ugula, tilâ mba mi b’o d’uo mi.

Ezekiyel 32:8

An Salad’a Ma didina ni dala: An mba ni duk ir b’od’a hahle suma akulona kang mi.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Joel 2:2

Ni bur ma nduvunda, ni bur ma wura ma i’îli’â, ni bur ma d’ugula, ni bur ma akukutna. Nga mi djï d’igi yina mi fo woi yam ahuniyôna na. Gola! Nades ahle suma b’lak ahlena ablaud’a, ad’enga heî mi. Ades ahle suma hina na a mba nga yazi tu d’i, a mba mba bugol kur atchogoi d’a mba d’i mbad’a d’uo mi.

Joel 2:30

An mba ni lahle suma atchapma kur akulod’a, kä yam andagad’a mi, nala, buzuna, akud’a kandos ma tchola gozongâ.

Joel 2:31

Afata mba d’i mbut nduvunda, tilâ mba mi mbut buzuna avok mbad’a hi burâ hi Ma didininid’a. Bur máma ni bur ma ngolâ, ni bur ma mandarâ mi.

Jean 1:5

B’o ndata nga d’i b’o yam suma kur nduvundina, wani suma kur nduvundina a vat nga d’i.

Jean 12:46

An ni b’o d’a mba kur duniyad’id’a, kayam sama lara pî ma he gagazid’a kana, mba mi kak kur nduvunda d’i.

Sunda hi suma a sunuzinid’a 2:16

Wana ni vama ma djok vun Alona Joel mi dum mbei ala:

Sunda hi suma a sunuzinid’a 2:19

An mba lahle suma atchapma kur akulod’a, an mba lahle suma ndandalâ kä yam andagad’a. Suma a mba we buzuna kakud’a, andosâ mba mi tin d’ugula mi.

Kolos-sâ 1:12

Ar agi lagi mersi mAbui Alona ki furîd’a, ni mam ma mi hagi ad’enga á fagi ahle mam suma djivina zlapa tu ki mam suma mi tinizi irazi vazi kur b’o mambina.

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.