Zakari 14:20 - Bible azumeina

²⁰ Kur bur máma a mba b’ir ata aglenga hakulumeinina ala Bei tchod’a ni d’a hi Ma didinid’a. Duguyo suma kur gong nga kud’ora hi Ma didinid’a a mba mbut ni d’igi angulei suma a nga avok yima ngal ahle suma ngat buzunina na.

Zakari 14:20 Iomraidhean Croise

1 Amuleina 7:50

Yima mbus abona teteng nga mangas sa a min ki lalambid’a, tazana, kopma ki yima a ngal ahlena kuana, mi lazi ni ki lora bei zozota ba d’a; Kawei ma a nik bapma kuana mi lumî ki lora, mi ni yam vun gong nga krovo d’a a kal ki ata yima a tinim iram vam ma kal teglesîna, mi ni yam vun gong nga a kal ki klavi kur gong nga kud’orid’a mi.

2 Sunda Hamuleinid’a 4:8

Mi min tabulâ dogo, mi tinim hur gong nga ngol la kud’ora, vahl abo ma ndjufâ, vahl abo ma gulana mi. Mi min kop ma lora kis.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Buzuk ka Abud’a 25:29

Agi minim taza mama, kop mama, angulei mama kagolongeî mam suma a vo süm guguzlu d’a he d’a hawad’a kuana. Agi lagi ahle ndazina pet ni ki lor ra kal teglesa.

Buzuk ka Abud’a 37:16

Mi lahle suma sunda yam tabulâ, nala, taza mama, kop mama, angulei mama, kagolongeî mam suma a vo süm guguzlu d’a he d’a hawad’a kuana. Mi lazi pet ni ki lor ra kal teglesa.

Buzuk ka Abud’a 39:30

A yor lor ra kal tegles sa bebed’ed’a, a tinit irat vad’u, a b’ir kua d’igi sana mi b’ir simiyêm kur tampong mama na ala: Ma didina ni Ma bei tchod’a ba na.

Isai 23:18

Fe mata ki wurak mat ta ndjendjed’a, a mba mbut nahle suma a tinizi irazi vazi mi Ma didinina, a mba togozi d’oze a ngomozi d’i, a mba mbut ni te ma hop suma ki baru ma djif ma suma a nga kaka avok Ma didinina a tchugum atazina.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Jeremi 31:40

Hor ra a tchuk matna kuad’a pet ki yima butna ki yima hawa ma i gak avun toliyon nda Kedron-nda gak mi ndeza ata yima gulumuna kong kua ma avun Agre’â hAkulumeina ma abo ma yorogonina pet, a mba tinim iram vam mi an Ma didina. Bugola, vama mba pad’am mbei d’oze mba mi hôm mbeina nga d’uo gak didin.

Ezekiyel 45:1

Ma didina mi de kua ala: Fata a mba b’rau andagad’a djona aduk andjaf suma Israel-lîd’a, a mba tin andaga d’a dinga irat vat yam Ma didina. Andaga ndata fiyagat ni kilometred’a dogo yam mbà ki nusa, bubuwat ni kilometred’a dogo. A mba gol andaga ndata pet nandaga a tinit irat vata.

Sunda hi suma hi Levi-nid’a 8:9

Mi d’ud’um kadamula kamu, mi b’alam kawei ma lora avorom ata kadamul la kamba d’igi Ma didina mi hum vuna na.

Abdiyas 1:17

Wani suma a sut teina a mba kak yam ahina d’a Siyon-nda. Azi mba ka’î suma a tinizi irazi vazina. Suma hi Jakob-ma a mba hle yi mazi ma a hlum abozi adjeuna.

Sofoni 2:11

Ma didina mba mi mbut ni vama mandarâ kaziya, kayam mba mi dap alo ma yam andagad’ina woi pet. Andjaf ma kur tilina pet, nge nge pî mba mi grif kä avorom yam andaga mamba, ata yam ma kaka mi.

Zakari 14:19

Ni hina ba, a mba ngop ki suma Ezipte-na kandjaf suma ding suma a i nga á lü vun til máma d’uo na.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Zakari 9:15

Ma didin ma ad’engêm kal petna mba mi ngomoziya, azi mba b’lak yina, a mba to ahina d’a kur mbiud’id’a woyo, azi mba tche, a mba le vuna gandjau d’igi suma a tche süm guguzlud’ina na, azi mba oî d’igi a oî buzuna kur angala á yamam akulo keng yima ngal ahle suma ngat buzuna na.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Ndumba 4:14

a tchuk ahle suma a le ki sunda ata yima ngal ahle suma ngat buzunina kamu, nala, ahle suma yo akud’a, kuyor ma siyam hindina, pelâ ki angala mi, a bar baru ma duburok ma a lum ki bak azar ma aduk mbina kä ma a yum ala dofênina kaziya, a nik agu ma murgulina ata b’alangâ mi.

Ndumba 4:7

A bar baru d’a botlozid’a yam tabul ma a tin avungô ma a tinim iram vama kama, a tin tazana, kopma, anguleina ki gugurei suma vo süm guguzlu d’a a hat he d’a hawad’a kuana kua; a tin avungô ma a nga tinim avogon teteuna kua mi.

Wana ni Zla d’a Djivi d’a Luc mi b’irita 11:41

Ar agi hagi he d’a hawad’a ahlena ni ki hurugi pet mi suma hohoud’a. Hina wani, ahlena pet a mba mbut yed’et kagiya.

Sunda hi suma a sunuzinid’a 10:15

Dela ti dum kua ala: Vama Alona mi mbud’um mbei yed’etna, ang yum vama ndjendjed’a d’i.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Sunda hi suma a sunuzinid’a 11:9

Dela ti tcholï akulo kua, ti dan ala: Vama Alona mi mbud’um mbei yed’etna, ang yum vama ndjendjed’a d’i.

Sunda hi suma a sunuzinid’a 15:9

Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Pierre 2:5

Agi mi, agi ni d’igi ahuniyô suma ari suma Alona mi minigi akulo á mbud’ugi gong mam mba kud’ora á mbud’ugi adesâ hi suma ngat buzuna suma Alona mi tinizi irazi vazi á hahle suma ngat buzuna mAlona kur minda hi Muzu’îd’a á lum tam djivid’a yam Jesus Christ-sâ.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

Vama ndum mbeina 20:6

Suma tchol akulo avok kikidjina a mba le furîd’a ki hur ma hapma, kayam mat ma mbàna mi nga kad’enga kazi d’i. Azi mba mbut ni nglo suma ngat buzuna mAlona azi ki Christ, azi mba te leud’a ki sed’em gak bizad’a dubu.

Vama ndum mbeina 5:10

Ang mbud’uzi sum mama, ang mbud’uzi suma ngat buzuna á le sunda mAlo mamina. Azi mba te leud’a yam andagad’a mi.

1 Samuel 2:14

Mi nik kiyor máma aduk hliu ma nga mi yi aku kur duguyonina, hliu ma lara ma kiyorâ mi hlumï na, mam im mi ma ngat buzuna. Ni na ba, Eli groma a nga le ki Israel-lâ pet suma a nga mba á kud’or Alona avo Silo-na.