Zakari 14:2 - Bible azumeina

² Ma didina mba mi tok andjaf suma á dur Jerusalem. A mba hlazì ma ngolâ, a mba hurum azina, a mba b’lak aropma, abo azì ma ngolâ suma kuruma a mba yozi magomba. Wani suma a arâ a mba dap pei kur azì ma ngolâ d’i.

Zakari 14:2 Iomraidhean Croise

Isai 13:16

A mba tchazi grozi suma tchapona kä woi iraziya, a mba hurum ahle mazina, a mba tchuguzi kur bud’omeina, a mba bur kamiyôzina kad’enga mi.

Isai 4:3

Ata yi máma suma a mba ar kur Siyon-na ki suma a mba ar avo Jerusalem-ma a mba yazi ala Suma a tinizi irazi vazi mi Ma didinina. Ni suma a mba b’irizi simiyêzi á kaka avo Jerusalem-ma.

Isai 5:26

Ma didina mi hle drapo d’a taka akulo mandjaf suma sä dedeina, nga mi yi andjaf suma dedeina taud’a. Gola! Azi nga b’at tazi á mbad’a atogo zazak.

Isai 65:18

Wani agi lagi ni furîd’a, agi lagi ni hur ma hapma burâ ki burâ yam ahle suma an nga ni lazina. An nga ni le Jerusalem ni yam hur ma hapma, sum matna ná le furîd’a mi.

Jeremi 21:4

Ma didina Alona hi Israel-lîna mi dala: Gola! An nga ni mbut ahle suma dur ayî suma a nga abogi suma agi durugi kamul ma Babilon-na ki suma Babilon suma a nga nguid’a abuna ahle suma hawa ya’â, an mba ni tok ahle suma ayî ndazina kur azì ma ngol ma wana krovo.

Jeremi 34:1

Kid’a Nebukanezar amul ma Babilon-na ki azigar mama pet ki suma kur leud’a yam ambas sa mam te kata pet ki sum mama pet a nga dur ayîna ki Jerusalem ki suma kur azì ma nguyutna peta, Ma didina mi de mi Jeremi ala:

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.

Ezekiyel 5:8

Ni kayam ndata ba, an nga ni dagiya: An nga ni kak djangûna ki sed’egiya, an nga ni kagi sariyad’a kagi kä ir andjaf suma dingâ.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Joel 3:9

Ar agi tchagi wala akulo mandjaf suma dingâ ala: Agi minigi tagi á dur ayîna, agi zlid’igi grang suma durâ akulo, ar azigar suma durâ pet a hud’ïya, a i dur ayîna.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

Zakari 12:2

Gola! An nga ni mbut Jerusalem ni kop ma süm ma gurut suma yam suma a nguyutna pet. A mba le ki Juda ni hina ata yima a ngui Jerusalem kä na mi.

Zakari 12:3

Kur bur máma an mba ni mbut Jerusalem nahina d’a anek ka suma a mba hlat akulod’a. Suma a mba hlat akulona mba d’i kazi mbil ma matna. Ata yi máma andjaf suma yam andagad’ina pet a mba tok kat á durâ.

Zakari 12:9

Ma didina mi de kua ala: Kur bur máma an mba ni mba á b’lak andjaf suma pet suma a mba mba á dur ki suma Jerusalem-mina woyo.

Matiye 22:7

Wani amulâ hurum zal ngola, mi sun azigar mama á tchi suma tchi mat ndazina woyo, a ngalazi aziyazi woi mi.

Marik 13:14

Jesus mi had’azi kua ala: Ar sama ndumba mi wäd’u zla ndata djiviya. Wani fata agi mba wagi Vama ndjendje ma b’lak keina mi nga tchola ata yima mi ndak nga kam á tchola d’uo na, ata yi máma, ar suma kur Jude-na a ring ngei aduk ahuniyôna.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Wana ni Zla d’a Djivi d’a Luc mi b’irita 2:1

Kur bur máma ma te yamba Auguste mi he vuna mi mam suma sunda ala: Agi b’irigi simiyê suma a nga kaka kur leu d’a Romê-d’ina pet.