Zakari 14:16 - Bible azumeina

¹⁶ Ata yi máma suma ar aduk andjaf suma pet suma a mba á dur suma Jerusalem-mina, a mba mba bizad’a ki bizad’a á grif kä avok amul Ma didin ma ad’engêm kal petna, á le vun til ma Zlub’ud’a mi.

Zakari 14:16 Iomraidhean Croise

2 Sunda Hamuleinid’a 8:13

Mi hahle suma ngat buzuna d’igi Moise mi he vuna á hed’a na burâ ki burâ, kur bur ma sabatna, kur deîd’a hi tilîd’a, kur bur ma vun til ma lum yang hindi kur biza d’a tud’ina, nala, vun til ma a lum kavungô ma bei angufina, vun til ma Pantekotna ki vun til ma Zlub’ud’a mi.

Esdras 3:4

A nga le vun til ma zlub’ud’a d’igi a b’ir kur gata hAlonid’a na, a nga he he d’a hawa d’a ngala burâ ki burâ ndak yam ndum mba Alona mi ngazizi burâ ki burîd’a.

Sawal la giled’a 66:4

Suma yam andagad’ina pet a grif kä, a gileng ki sawala, a gileng simiyêng mi. Tchol ndjö

Isai 18:7

Kur atchogoi ndata, suma a mba mba ki he d’a hawad’a mi Ma didin ma ad’engêm kal petna. Ni he d’a hawad’a hi suma fuyogei suma babagazi akulongôd’id’ina. Ni suma suma yam andagad’ina pet a nga lazi mandarazina. Nandjaf suma sib’ik suma a nga miret mazi suma djangûna kä kasezi suma aluma mi wal ir ambas mazid’a woi tetengâ. A mba i ki sed’et ata yima Ma didin ma ad’engêm kal petna mi tak simiyêm mbei kua yam ahina d’a Siyon-ndina.

Isai 19:21

Ata yi máma Ma didina mba mi we Ezipte-na, Ezipte-na a mba we Ma didina, a mba kud’urom kahle suma ngat buzuna ki he d’a hawad’a, a mba hle vunazi mi Ma didina, a mba ndak vun vun mazi ma hled’a mi.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 6:5

Ata yi máma an dala: Alë! An ba woi da’, kayam an ni sama vunan ndjendjed’ina, an ni kaka aduk suma vunazi ndjendjed’ina mi. Wani iran ndi wamulâ, Ma didin ma ad’engêm kal petna!

Isai 66:23

Ma didina mi dala: Kur deîd’a hi til ma lara ge pet, kur bur ma sabat ma lara ge pet, andjaf suma pet a mba kud’uronu.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 48:15

An amul ma simiyên ala Ma didin ma ad’engên kal petna na ni dala: Azì ma Mowap-ma, a nga b’lagam mbeyo, azì mam ma nglona nga mi d’us andosâ, azungeî mam suma gangrangâ, a nga izi ata yima ngata mi.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Wana ni mbaktumba hi Oze-d’a 12:9

Agi nga dagi ala: Gagazi, ami ni suma ndjondjoîna, ami fami ahlena ngola. Wan pet ni sun nda ami lat kabomid’a, a mba fe vama tcho tu pî avo hatami d’i.

Joel 2:32

Ata yi máma sama lara pî ma mba mi yi Ma didina á ndjunuma, mba mi fe suta, kayam a mba fe yima ngeid’a yam ahina d’a Siyon-nda avo Jerusalem yam suma a mba sutna d’igi Ma didina mi de na. Ni suma mam mba mi yazi á sutina.

Mise 4:2

Suma ablau ndazina a mba i kua, a mba dala: Agi mbeyegïya. Ei i djagei akulo yam ahinad’a hi Ma didinid’a kur gong nga kud’ora hAlona hi Jakob-mid’a, kayam mi had’ei gat mamba. Ar ei tid’i kur lovot mam mba mi tageizid’a. Kayam Gata mba d’i tcholï ni Siyon, zlad’a hi Ma didinid’a mba d’i tcholï ni Jerusalem mi.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Zakari 9:7

An mba ni prud’uzi hliu ma arina woi avunaziya, an mba ni prud’uzi ahle suma ndjendje suma a nga mud’uzi avunazina woyo. Mazi suma a arâ a mba arî suma hAlo meinina, azi mba mbut ni d’igi suma nglo suma avok sumina na avo Juda, suma Ekron-na a mba mbut ni d’igi suma Jebus-sâ na mi.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Wana ni Zla d’a Djivi d’a Luc mi b’irita 19:38

A dala: Ar Alona mi b’e vunam yam amul ma ngol ma mi mba ki simiyê Ma didinina. Agi suma sä akulona, agi kagagi ki b’leng nga halasa, agi suburugi Alona mi.

Jean 1:49

Natanayel mi hulong dum ala: Ma hat suma, angî Alona Goroma, angî amulâ hi Israel-lîna.

Jean 7:2

Ata yi máma, vun til ma zlub’ud’a hi Juif-fîna mi ar go.

Sunda hi suma a sunuzinid’a 15:17

Kayam suma arâ pet a halan an Ma didina, suma pet suma an yazina a mba mbut sum mana.

Romê-na 11:16

Le avungô ma avo’â a tinim iram vam mAlona ni, ad’um mba ara ni mama mi. Le sidei aguna a tinim iram vam mAlona ni, abomî mama mi.

Romê-na 11:26

Ni hina ba, andjaf Israel-lâ pet a mba fe suta d’igi mbaktumba hAlonid’a ti de na ala: Ma sut suma mba mi ndeï ni kur Siyon. Mam mba mi pat ahle suma a nga ata yazi d’uo na woi aduk andjafâ hi Jakob-ma.

Romê-na 11:5

Ni na mi, kur atchogoi d’a tchetchem wanda, suma hiu suma Alona mi manazi yam suma mambina a nga.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.