Zakari 14:12 - Bible azumeina

¹² Wana ni tugud’ei d’a Ma didina mba mi tum kandjaf suma pet suma a mba mba ki azigar mazina á dur Jerusalem-mba: Nge nge pî hliwim mba mi ndjulup pei akulo kasemu, iram mba d’i ndjulup kur aziyad’u, sinam mba d’i ndjulup avunam mi.

Zakari 14:12 Iomraidhean Croise

2 Sunda Hamuleinid’a 21:15

Ang tanga mba mi tumung ki tugud’ei d’a tcho d’a tang aruwad’anga, mba d’i i avogovok burâ ki burâ gak aruwad’ang mba mi buzuk kei abu abo te d’a tanga.

Wana ni mbaktumba hi Job-pa 18:13

Ti mba d’i tum babagam mba ar nde nded’a, tugud’ei d’a tcho d’a tchi matna mba d’i tum ir hliwimu.

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.

Sunda hi suma hi Levi-nid’a 26:16

wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Sunda hi suma hi Levi-nid’a 26:18

Le an lagi ahle ndazina hina pet ba, agi humugi nga d’uo ni, an mba ni ngobogi ngo-ngop yan kid’iziya yam tcho magid’a.

Sunda hi suma hi Levi-nid’a 26:21

Le agi tchologi ad’enga agi min humun nduo ni, an mba ni tumugi ki tugud’ei d’a tcho d’a tchi matna tutum yan kid’iziya ndak yam tcho magid’a.

Sunda hi suma hi Levi-nid’a 26:24

an mba ni tchol ad’enga ki sed’egi mi, an mba ni tumugi tutum yan kid’iziya yam tcho magid’a.

Sunda hi suma hi Levi-nid’a 26:28

an mba ni tchol ad’enga ki sed’egi ngingring mi, an mba ni ngobogi ngo-ngop yan kid’iziya yam tcho magid’a.

Zakari 1:15

Wani hurun mi zal ngola yam andjaf suma a nga subur tazina, kayam an hurun mi zalî hina nde ganang yam Israel-lâ, wani azi lazi tchod’a ngola.

Zakari 12:9

Ma didina mi de kua ala: Kur bur máma an mba ni mba á b’lak andjaf suma pet suma a mba mba á dur ki suma Jerusalem-mina woyo.

Zakari 14:15

Tugud’ei d’a tum suma ndata mba d’i tum akulumeina, koro ma akulumei akulumeina, djambala, korona kahle suma abageina pet.

Zakari 14:18

Le suma Ezipte-na a i nga Jerusalem á le vun til ma Zlub’ud’a d’uo ni, a mba tumuzi ki tugud’eid’a d’igi a tum kandjaf suma ding suma a i nga á lü vun til máma d’uo na na mi.

Zakari 14:3

Ma didina mba mi nde woi á dur kandjaf sum ndazina d’igi mam nga mi dur adjeu dei kur bur ma ayîna na.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Gat ta a hat á mbàd’id’a 28:21

Ma didina mba mi b’alagi tugud’ei d’a tcho d’a tchi matna kagi gak agi mba dabagi woi kur ambas sa agi i hlat á te kat wanda.

Gat ta a hat á mbàd’id’a 28:22

Ma didina mba mi tumugi ki tugud’ei d’a itna ki ta d’a kumura ki tugud’ei d’a hopma. Awu magina mba mi so woyo, mba mi tchora, tcheîd’a mba d’i tchum mbei mi. Ahle ndazina a mba lagi hina gagak agi mba dabagi woyo.

Gat ta a hat á mbàd’id’a 28:59

Ma didina mba mi tumugi agi kandjavagi ki mbil ndod’ina ki tugud’ei d’a nglo d’a teteng nga hagi djib’erid’a.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.