Zakari 14:10 - Bible azumeina

¹⁰ Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Zakari 14:10 Iomraidhean Croise

1 Amuleina 15:22

Amulâ Asa mi yi suma Juda-na ki zla tazi pet, a mba yo ahinad’a kagu ma Bäsa mi togom á min kazì ma Rama-nina. Asa mi min ki Geba d’a Benjamin-nda ki Mispa.

2 Amuleina 14:13

Jowas amul ma Israel-lâ mi ve Amasiya amul ma Juda ma Jowas gorom ma Ahaziya gorom ngolonina avo Bet-Semes. Bugola, mi i Jerusalem, mi to abo gulumun ma Jerusalem-ma kä woi ndak metred’a kikis mbà, tinï ad’ud’a avun agre’â hi suma Efraim-mina dei gak mba avun agrek ma gulumuna mi kong kuana.

1 Sunda Hamuleinid’a 4:32

Azì mazi ma nglo ma dingâ nga kua vahl hlei: Ni Etam, Ayin, Rimon, Token ki Asan,

1 Sunda Hamuleinid’a 6:77

Andjafâ hi Levi ma arâ, nala, suma hi Merari-na, a hazi azì ma Rimono-na ki yima huyogoma ki Tabor ki yima huyogoma yam andagad’a hi Zabulon-nda.

2 Sunda Hamuleinid’a 25:23

Jowas amul ma Israel-lâ mi ve Amasiya amul ma Juda ma Jowas gorom ma Ahaziya gorom ngolonina avo Bet-Semes, mi i ki sed’em Jerusalem, mi to abo gulumun ma Jerusalem-ma kä woi ndak go ki metred’a kikis mbà go, tinï ad’ud’a avun agre’â hi suma Efraim-ma dei gak mba avun agrek ma gulumuna mi kong kuana.

2 Sunda Hamuleinid’a 26:9

Oziyas mi min gong nga fiyak ka ndjola avo Jerusalem avun agrek ma gulumuna mi kong kuana, avun agrek ma kä kur horina, yam yima gulumuna mi kong kuana, mi minit ad’enga ngungu.

Nehemi 12:39

Bugola, ami mbamiza avun agre’â hi Efraim-ma, yam vun agrek ma adjeuna, yam vun agrek ma kulufâ, ata yima gong nga ndjola hi Hananel-la ki d’a hi Meya-d’ina gak mbamiza avun agre’â haho’îna, ami tcholomi avun agre’â hi azigar suma a ngom azina hamulîna.

Nehemi 3:1

Ma ngol ma ngat buzuna Eliyasip ki b’oziyom suma ngat buzuna a tchol a min vun agre’â hi tumiyônina, a b’al bapma avunamu, a tinim iram vamu, a min gulumuna ei ata vun agrek máma dei gak mba ata gong nga ndjola hi Meya-d’a, a tinim iram vamu, a minim gak a mbamza ata yima ndjola hi Hananel-lâ.

Isai 10:29

A sulugot kä aduk ahinad’a, a dala: Ar ei buri Geba, suma Rama-na a zlaga, suma kur Gibeya d’a hi Saul-la a ringâ.

Isai 2:2

Kur atchogoi d’a mba d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma pet a mba i kua nunuk.

Jeremi 20:2

Ata yi máma mi to Jeremi, mi vum mi gum aleina asem avun agrek ma akulo nding ma Benjamin ma kur gong nga kud’ora hi Ma didinid’ina.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

Jeremi 37:13

Kid’a mi mbaza avun agre’â hi Benjamin-nid’a, ma ngolâ hi suma ngom yina ma a yum ala Jireya na, ni Selemiya goroma, ni Hananiya gorom ngolona, mi nga kua. Mi ve ma djok vun Alona Jeremi, mi dum ala: Ang i naduk suma Babilon-na!

Jeremi 38:7

Wani Ebet-Melek ma Etiyopi-na, ni adimbang ma kur azì ma amulina, mi hum ala a ge wa Jeremi kur golong nga adjeud’a. Amulâ mi nga kaka avun agre’â hi Benjamin-nina.

Amos 9:11

Ma didina mi dala: Kur bur máma an mba ni hulong min yima kaka hi David ma mi dris kä woina akulo, an mba ni min ir gulumun ma tcho woina akulo, an mba ni min yima b’lak keina akulo, an mba ni minim d’igi adjeud’a na.

Mise 4:1

Kur atchogoi d’a nga d’i mbad’a, ahina d’a a min gong nga kud’ora hi Ma didinid’a kata, a mba b’alat akulo yam ahuniyôna yazi d’a ked’iwurenga, mba d’i kal akulo yam ahuniyôna pepet. Ata yi máma andjaf suma a mba i kua zuzuk.

Zakari 12:6

Kur bur máma an mba ni mbut amulei suma Juda-na ni d’igi aku d’a ti ndaduk agud’id’a d’oze d’igi aku d’a bolom mba ti ngal awu ma mbugulu ma nga tchuka kä na na. A mba ngal suma a nguyuzina, abo ma ndjufâ, abo ma gulana mi. Jerusalem mba d’i ar kaka ata yad’u.

Zakari 2:4

mi dum ala: Ang ring de mazong ma mi nga ki ziyona abom máma ala: Jerusalem mba d’i ka’î azì ma ngol ma bei gulumuna kam ba na, kayam d’uwarâ ki suma a mba kak kuruma a mba zul ablaud’a.

Zakari 8:3

Kayam ndata, an dala: An mba ni hulong kur Jerusalem, an mba ni kak kur Siyon kua. A mba yi Jerusalem ala Azì ma ngol ma d’engzengâ, a mba yi Siyon ala Yima nding mana, a mba yi yima ndingâ ala Yima a tinim iram vama mi.

Josue 15:32

Lebawot, Silim, Ayin ki Rimon. Ndumba hazì ma nglonid’a pet ni dok mbà yam zlengâ kazì mazi ma gureina mi.

Josue 21:17

Andjafâ hi Benjamin-na a hazì ma Gabawon-na ki yima huyogoma, kazì ma Geba-na ki yima huyogoma,

Suma ka sariyad’a 20:45

Aduk suma a häzigazi mi Israel-lâ a ring ki lovot ta i abagei hur fulâ yam ahina d’a Rimon-ndina, a tchazi ni 5000 abagei hur lovota, a digizi gak a izi Gidom. A tchazi kua 2000 d’ei.

Suma ka sariyad’a 20:47

Suma kikisa karagaya suma a häzigazi mi Israel-lâ a ring ki lovot ta i hur fulâ yam ahina d’a Rimon-ndina, a kak sä kua gak tilâ fid’i.

Suma ka sariyad’a 21:13

Ablau suma toka pet a tchuk sunda ata suma hi Benjamin suma a nga kaka yam ahina d’a Rimon-ndina á dazi zlad’a yam halasa.